¹ Ndikhavanyilikha vasehe yevavele mumiongoni mwenyo, Unene, yendivele msehe muyavo na shahidi va mapumukho ka Khilisiti, na ambaye deni deni avele mshilika mu vuvalache weachawisihilikha. ² Khwa hiyo, ndikhavatiya umwoyo unyenye vasehe, milidimake ililundwa lya Nguluvi lyelivele mumiongoni mwenyo. Mlilolake siyo kwasababu mwitakhiwa, lakhini kwasababu mwilonda ewe, khulingana nu Nguluvi. Mlilolake siyo khwa khukhela isendi cha soni, lakhini khwa khukhela. ³ Mutane khwifanya vatwa juu ya vanu yevavele pasi pa vuyangalichi wenyo, lakhini muvake mufano mu lilundwa. ⁴ Pala uMudimi mkhomi peachaisihioiswa, yamukhayiyanukhila itaji ya vuvalache yesiyiyaacha uvusamani wakhe. ⁵ Deni deni, nanye vadimi vadusu, munyenyekelake khwa vakhomi venyo. Unyenye nyevoha, muvufwalake uvunyenyekefu nu khuhumiyana yunye khwa yunye khwani uNguluvi ivaakhavapinga avanya khibuli, lakhini aakhavapela ulukano anyenyekefu. ⁶ Khwahiyo munyenyekelake pasi pa livokho ka Nguluvi lyelivele hodali nekhe kwamba avayinule khwa musikha kwa mwene. ⁷ Mumuvikhilake ishida chenyo pashanya pa mwene, khwasababu akhavajali. ^{9 8} Make ni busala, muvake vayangalifu, Uaduwi venyo yula, usetano ukhuluma ngita lisimba lyelikondelecha, lilonda munu vakhumulalula. ⁹ Mwimake khinyume shakhe. muvake ni ngufu mu lufuvo lwenyo. Mumanyake kwamba avalongo venyo avavele khu inyi vilutila amapumukho kama sio. ¹⁰ Baada ya khupumukha khwa musikha khitambo, Nguluvi va lukano lwoha yeavakhemelye mu vuvalache wa milele mukati mwa Khilisiti achaakhavakamilisa, achaakhavaimalisa nu khuvatiya ingufu. ¹¹ Enji yive khwa mwene milele na milele.Amina. ¹² Ndikhamusamini uSilwano kama mlongo mwaminifu, na ndivayandishe unyenye khwa vufupi khulutila khwakhe. Ndikhavatiya umwoyo na ndikhavashuhudila kwamba shendikhiyandikhe luvele lukano lwa salwesi ya Nguluvi. Myimake mukati mwakhe. ¹³ Vafuwa yevavele khu Babeli, yevachakuliwe pamonga nanye, vakhavahungila, nu Maluko mwanangu, akhavahungila. ¹⁴ mwihungilake khila yumonga khwa luchumo ulukhelwa. Ni tengamaso yive khwenyo yemuvele mukati mwa Khilisiti.