¹ Khwa njila iyi, unyenye ambavo muvele vamwene mwitakhiwa khwihecha khwa vakosi venyo unyenye,nekhe, hata kama baasi yavo sinakavalitii ilicho, khulutila tabia cha vadala vavene viwesa ukhukhwekwa pesipaveli ni licho, ² khwasababu avene achaviva vayiwene tabia inofi pamwinga ni heshima. ³ Iyi yifanyikhe siyo khwa mapambo ka khwivala-khusukha injwili, vito fyasahabu au mafwalo ka mitindo. ⁴ Lakhini badala yakhe yifanyikhe khwa utu wa mukati mu numbula, na khusidi mu vunofi wa vunyenyekefu nu vutulifu wa numbula, ambao vuvele wa samaani pavulongolo pa Nguluvi. ⁵ Khwa khuva avadala avavalache viipambile vavene khwa njila iyi. vavele nu lufuvo mwa Nguluvi na valawiti avakosi vavo avene. ⁶ Khwa njila iyi Sala aavele akhamtii uIblahimu nu khumukhemela umwene ''mutwa''vamwene.Unyenye lino muvele vana vamwene ngita achamwifanya kekavele manofi na kama simwiyokopa amabaya. ⁷ Khwa njila hiyo iyo, unyenye vakosi mwitakhiwa ukhuishi na vadala venyo mkhuno mwimanya khuva avene vavele vayine va khidala vasaifu, mukhivatambula avene kama vayanukhilaji vayine va sawadi ya vuumi. Mufanyake ewe nekhe kwamba amanyilikho kenyo kasiyokhuzuviliwa. ⁸ Hatima yakhe, unyenye nyevoha, muve ni nia yimonga vanya lusungu, lukhelo kama valongo,vanyenyekefu na vapole. ⁹ Msiyokhulipa ilivivi, au liliko khwa liliko. khinyume shakhe muyendelele ukhukinikhwa khwasababu iyi mwakhemeliwe, nekhe kwamba muwese ukhulisi ikinikho. ¹⁰ ''Umwene yeilonda ukhukhela amaisha nu khuvona sikhu nofi lasima avusuvile ululimi lwakhe khwa mabaya ni milomo yakhe khuchova ihila. ¹¹ Na akevukhe nu khulekha amabaya nukhufanya kekavele manofi. Alonde itengamaso nukhuyifwata. ¹² Amikho ka Mutwa kaakakhamuvona munya haki ni mbulukhutu chakhe. lakhini isula ya Mutwa yivele khinyume sha vala yevitenda uvuvivi.'' ¹³ Ye yani yeachaakhavasulu unyenye, yingava mwilonda lyelivele linofi? ¹⁴ Lakhini kama mungapumukha khwa haki mkinilichwe.Msiyokhuyokopa kala ambako avene vakhakayokopa mutane ukhuva ni wasiwasi. ¹⁵ Badala yakhe, mumuvikhe Mutwa uKhilisiti ni numbula chenyo kama muvalache. khila mala muve tayali khumujibu khila munu yeakhavavucha unyenye shekhina mwitekemela mu Nguluvi. Mufanyake ewe khwa vupole ni heshima. ¹⁶ Muve ni samili nofi nekhe kwamba vanu yevilika amaisha kenyo manofi mu khilisiti vawese khuayibikha khwa sababu vilonda khinyume zidi yenyo kama mwavele vatenda amavivi. ¹⁷ Yivele finofi saidi, yingava Nguluvi ilonda, kwamba mwipukha khwa kuufanya amanofi khulikho khwa kuufanya amabaya. ¹⁸ Khilisiti pia aapumwikhe mala khamonga khwaajili ya sambi. Umwene ambaye avele munya haki aapumwikhe khwaajili yetu, ambao sitwaveli vanya haki nekhe kwamba atulete uwewe khwa Nguluvi. Aafwele mu muvili, lakhini aafanyilwe muumi mu numbula. ¹⁹ Mu numbula, aahele nukhuchihubili inumbula ambacho lino chivele mukhifungo. ²⁰ Sichavele tiifu musikha kwa Nuhu,sikhu cha khuchenga isafina, ni Nguluvi aakhombwe vanu vadebe-nafusi nane-khuhuma mu makasi. ²¹ Iyi yivele alama ya vuchabikhwa yelukhavakhombola unyenye lino,siyo kama khukhalafya uvuchafu khuhuma mumuvili, lakhini kama linyilikho lya samili nofi khwa Nguluvi, khulutila uvufufukho wa Yeesu Khilisiti. ²² Umwene avele livokho lya kuume lya Nguluvi. Aahele Khushanya. Malayikha, mamulaka, ni ngufu lasima fimtii umwene.