¹ Khwa hiyo muvikhake la mweya uvuvi woha,uchangaji uvunafiki,wiifu,ni kashifa ² Ngita vana vachanga, mlondake amachiva amasafi ka khiloh, nekhe kwamba muweze ukhukhula mukati mu vukhombochi, ³ Ngita muvonjiche kwamba Mutwa munofi ⁴ Mwiche khwamwene yeavele likanga lyuumi lyeliishi ambalyo libelilwe na vanu, lakhini ilyolichakuliwe nu Nguluvi na lya samaani khwamwene. ⁵ Nanye pia muvele kama makanga kekavele muumi kekichengwa pashanya khuva nyumba ya khiloho nekhe khuva uvukuhani vuvalache ambao wihecha isabihu cha khiloho chechikubaliwa khwa Nguluvi khulutila uYeesu Khilisiti. ⁶ Iliyandikho lyalichova ede, ''Ulolake, ndivikhile mu Sayuni ilikanga lya pa mweya, likuu na lyelichakuliwe na lya samaani. yeyoha yeifuwa mu mwene siachaivona soni''. ⁷ Ewe iheshima yivele yenyo kwenyo unyenye yemwifuwa. lakhini,''ilikanga lyelyabelilwe na vachengaji, ili livele likanga likuu lya pamweya'' ⁸ na, ilikanga lya khukungudukha na kwamba kwa khukungudukha, yevakhalibela ilicho, khwa lilaambalyo pia vavele vachakuliwe khwa iliyo. ⁹ Lakhini unyenye muvele lukholo lweluchakuliwe, uvukuhani wa khivutwa, taifa livalache, vanu va miliki ya Nguluvi, nekhe kwamba muwese ukhutangasa amatendo la ajabu ka yula yeavakhemelye khuhuma mu ng'isi khwicha mu mwanga kwakhe kwa ajabu. ¹⁰ Unyenye kwanza simwavele vanu, lakhini lino unyenye muvele vanu va Nguluvi. Unyenye simwayanushi ulupyana, lakhini, lino muyanushe ulupyana. ¹¹ Vakhelwa, ndivakhemelye ngita vakenji na yevisulula khwiyima khuhuma mu tamaa imbiivi cha sambi, ambacho chitovana ifita ni numbula chenyo. ¹² Mwitakhiwa khuva ni tabia inofi kati ya mataifa, nekhe kwamba kama achavitikila kama mufanyile amambo amavivi, achavakhachilola ikhasi chenyo inofi nukhumusifu uNguluvi mu sikhu ya khwicha khwa mwene. ¹³ Utii khila mamulaka la mwanadamu khwaajili ya Mutwa, yingava mutwa ngita mukuu, ¹⁴ yingava avatavala yevaseng'ilwe khuvaazibu yevitenda amabaya nu khuvasifu vala yevitenda amanofi. ¹⁵ Khwa khuva kavele makhelwa ka Nguluvi kwamba khwa khufanya amanofi mwichisa amasungumuso ka vupulusi ka vanu avapumbafu. ¹⁶ kama vanu hulu, mutaneukhutumila uvuhulu wenyo kama khifunikho sha mavivi bali muvake kama vafanyakhasi va uluvi. Muvaheshimwake vanu voha. ¹⁷ Muvakhelake avalongo. Muyokopake uNguluvi mumuheshimwake umutwa. ¹⁸ Vatumwa, muvatii avatwa venyo khwa heshima yoha, siyo tu vatwa yevavele na vanofi na vapole lakhini pia yevavele vaviivi. ¹⁹ Khwa khuva chivele sifa kama yeyoha achaifumilila amaumifu musikha peitesekha pesipaveli haki khwa sababu ya samili yakhe khwa Nguluvi. ²⁰ Faida kani yeyivele kama mwidumu khutenda isambi kisha muyendelele ukhuasibiwa? Lakhini kama mufanyile amanofi na ndyo mtesekhe khwa khuhukhumiwa, iyi yivele sifa nofi khwa Nguluvi. ²¹ Khwa ili mwakhemelikhwe, khwa sababu Khilisiti pia apumwikhe khwaajili yenyo, avaleshe umufano khwaajili yenyo khufwata ifivutu fyamwene. ²² umwene siafanyili isambi, wala siavonekhine achangile shoshoha ni khinywa shakhe. ²³ Musikha umwene pealikilwe, siakomosichi amaliko, peapumwikhe, siatisiche bali ihechiche yumwene kwa mwene yeihukhumula khwa haki. ²⁴ Umwene yeachipindile isambi chetu mu muvili kwakhe mu libihi, nekhe kwamba tutane khuva ni sehemu khangi mu sambi na kwamba tuishi khwaajili ya haki. khwa khutowa khwa mwene unyenye muponile. ²⁵ Voha yemuvele mwitangatanga ngita ng'oloo yeayakile, lakhini lino mukomwikhe khwa mchungaji nu mlinzi va nimbula chenyo.