¹ Vakhelwa, mutane ukhufuwa khila inumbula, lakhini muchijalibwake inumbula mulole kama chechihumana nu Nguluvi, khwasababu avavilisi volofi va vudesi vahumye mu inyi. ² khwa ili ya mukhamumanya Umubepo va Nguluvi - khila numbula yeachayihongecha khuva uYeesu Khilisiti ayichile khi muvili yivele ya Nguluvi, ³ na khila numbula yesiyikhamuhongecha uYeesu si Nguluvi. Iyi yivele numbula ya mpinga Khilisiti ambayo yemwayipulikhe khuva yiyicha, na lino tayali yivele mu inyi. ⁵ Avene vavele va inyi, khwahiyo shevakhakhichova Sha inyi, ni yikhavapulikhanya. ⁶ uwewe tuvele va Nguluvi. Umwene yeakhamumanya uNguluvi akhatupilikhanya uwewe. Umwene yesiaveli va Nguluvi siiwesa ukhutupulikhanya. muili tumanyile inumbula ya salwesi ni numbula ya vudesi. ⁷ Vakhelwa, tukhelanake yuwe khwa yuwe, khwa khuva ulukhelo luvele lwa Nguluvi, na khila monga yeikhela asaliwe nu Nguluvi nu khumumanya uNguluvi ⁸ Umwene yesiakhamukhela siamumanyili uNguluvi, khwasababu Nguluvi avele lukhelo. ⁹ Mu lukhelo lwa Nguluvi ulu lwelwafunuliwe mumiongoni mwetu, khutya uNguluvi aamtumile uMwana va pekee nekhe tuishi khulutila umwene. ¹⁰ Mu lukhelo ulu, si khutya twamkhelye uNguluvi, lakhini umwene aatukhelye na akhamseng'a uMwana ave fidiya ya sambi chetu. ¹¹ Vakhelwa, yingava Nguluvi aatukhelye uwewe deni deni twitakhiwa khukhelana yuwe khwa yuwe. ¹² Sikhweyuli hata monga yeamuwene Nguluvi. Kama tungakhelana yuwe khwa yuwe, Nguluvi itama mukati mwetu nu lukhelo lukamilikhe mukati mwetu. ¹³ Mu ili tumanyile khuva twitama mukati mwakhe nu mwene mukati mwetu khwasababu aatupelye Umubepo va mwene. ¹⁴ Na tulole nu khushuhudila ukhuva uBaba amtumile uMwana khuva mukhombochi va inyi ¹⁵ Khila yeikili khutya uYeesu avele Mwana va Nguluvi, Nguluvi itama mukati ya mwene nu mwene mukati mwangu. ¹⁶ Na tumanyile nu khufuwa ulukhelo lwealinalwe uNguluvi mukati mwetu. Nguluvi avele lukhelo, nu mwene yeitama mukati mu lukhelo itama mukati mwa Nguluvi, nu Nguluvi itama mukati mwa mwene. ¹⁷ Mu lukhelo ulu lumalile ukhukamiliswa khwetu, nekhe tuve nuvujasili isikhu ya hukhumu, Khwasababu kama umwene sheavele, nu wewe ndyo shetuvele mu inyi iyi. ¹⁸ Sikhweyili ihofu mukati mu lukhelo. Lakhini ulukhelo kamili lwitaka ihofu khwivala, khwasababu ihofu yihusiyana ni hukhumu. Lakhini umwene yeiyokopa siakamiliswi mu lukhelo. ¹⁹ Twikhela khwasababu uNguluvi aatukhelye khwanja. ²⁰ Yingava monga achaichova, " Ndikhamukhela uNguluvi" lakhini aakhamdadila umulongove, avele mudesi. khwasababu yesiakhamukhela umulongove, yeakhamuvona siiwesa khumukhela uNguluvi ambaye siamuweni. ²¹ Na iyi ndyo amuli yetuvele khuhuma khwa mwene: Yeyoha yeakhamukhela uNguluvi, itakhiwa ukhumukhela umulongove.