¹ Mlolake ulukhelo lwa namna yilikhu atupelye ubaba khutya twikhemelwa vana va Nguluvi, na edeti ndyo shetuvele. khwasababu iyi iinyi siyitumanyili khwa khuva siwamumanyili umwene. ² Vakhelwa uwewe lino tuvele vana va Nguluvi, na sialisikhi bado jinsi sheachatwiva. Tumanyile khutya ukhilisiti peachaivonekhana, twiwanana nu mwene, kwani achatukhamuvona kama sheavele. ³ Na khila monga yeanavujasili uvu khuhusu musikha kwekwiyicha kwewaelekesichwe khwa mwene, aikhivalacha mwene kama umwene sheavele muvalache. ⁴ Khila munu yeiyendelela ukhutenda injanangifu idenya isheliya. khwasababu injanangifu vufunjaji wa sheliya. ⁵ Mumnyile Khilisiti avikhilwe wasi nekhe ukhuchihecha injanangifu khabisa.Nu mukati mwakhe simuna njanangifu. ⁶ Sikhweyuli hata yumonga yeisikala mukati mwakhe nukhuyendelela ukhutenda injanangifu. Sikhweyuli hata monga yeisikala mu njanangifu yingava amuwene au ukhumumanya umwene. ⁷ Vana vakhelwa, mutane ukhukubali ukhuyachwa nu munu yeyoha. Yeitenda ihaki avele munya haki, kama ukhilisiti nave sheavele munya haki. ⁸ Yeitenda injanangifu avele va setano, khwasababu usetano itenda injanangifu tangiya pa khwanja. khwasababu iyi Mwana va Nguluvi avikhilwe wasi nekhe awese ukhuchiyananga ikhasi cha setano. ⁹ Yeyoha yeasaliwe nu Nguluvi siitenda injanangifu, khwasababu imbeyu ya Nguluvi yitama mukati mwa mwene. Siiwesa ukhuyendelela ukhutenda injanangifu khwasababu asaliwe nu Nguluvi. ¹⁰ Khwa ili avana va Nguluvi na vana va setano vimanyikhana. Yeyoha yesiitenda shekhivele sha haki, siaveli va Nguluvi, wala yula ambaye siiwesa ukhumukhela umulongove. ¹¹ Khwani iyi ndyo mola yemwayipulikhe khuhuma pa mwanjo, khutya twitakhiwa ukhukhelana yuwe khwa yuwe, ¹² siyo ngita uKaini ambaye aavele va vuvii na aalamwe umulongove. Na shekhini aalamwe? khwasababu amatendo ka mwene kaavele mavivi, na kala ka mlongove kavele ka haki. ¹³ Valongo vangu, mutane ukhushangaa, endapo iinyi achayikhavadadila. ¹⁴ Tumanyile tumalile ukhuhuma mu mayiti nu khuyingila mu vuumi, khwasababu tukhavakhela avalongo. Yeyoha yesiana lukhelo isikala mu mayiti. ¹⁵ Munu yeyoha yeakhamdadila umulongove avele umulachi. Na mumanyile kkhuva uvuumi wa milele siwitama mukati mwa muvulachi. ¹⁶ Mu ili tulumanyile ulukhelo, khwasababu uKhilisiti yeavuhechiche uvumi wa mwene khwaajili yetu. Nu wewe yikhatubibidi ukhukahecha amaisha ketu khwaaajili ya mlongo. ¹⁷ Lakhini yeyoha yeavele ni finu, lakhini aakhabecha inumbula ya mwene khwa lusungu khwaajili ya mwene; je, ulukhelo lwa Nguluvi lwitama vuli mukati mwenyo? ¹⁸ Avana vangu vakhelwa, tutaneukhukhela khwa milomo wala khwa maacho kene bali mu fitendo ni salwesi. ¹⁹ Mu ili tumanyile khutya uwewe tuvele mu salwesi, ni numbula chetu yisibitikha khwa mwene. ²⁰ Yingava kama inumbula yetu yikhatuhukhumu, uNguluvi avele mkuu khulikho inumbula chetu, nu mwene imanya amambo koha. ²¹ Vakhelwa kama inumbula chetu siyikhatukhumu, tulinawe uvujasili khwa Nguluvi. ²² Na sheshoha shetwinyilikha yatukhakhiyanukhila khuhuma khwa mwene khwasababu tukhachikhamula iamuli cha mwene na twifanya amambo kekipendesa mbele cha mwene. ²³ Na iyi ndyo amuli ya mwene-ukhutya yikhambidi ukhufuwa mu litawa lya mwana va mwene uYeesu Khilisiti ni khukhelana yuwe khwa yuwe - kama sheatupelye iamuli cha mwene. ²⁴ Yeakhachitii iamuli cha mwene isikala mukati mwakhe, nu Nguluvi itama mukati mwakhe. Khwasababu iyi tumanyile khuva itama mukati mwetu, Khwa yula ye atupelye Umubepo.