¹ Vana vangu vakhelwa, ndikhavayandikhila amambo aka khwenyo nekhe mutane ukhutenda isambi. Lakhini kama monga venyo angatenda isambi, tulinave umutetesi yeavele pamonga nu Baba, Yeesu Khilisiti - ambaye ndyo munya haki. ² Umwene ndyo mupatanisi va njanangifu chetu, na siyo khwa njanangifu chetu chene, Lakhini khwa inyi yoha. ³ Khwa ili tumanyile khutya tumumanyile umwene kama tungatunjana iamuli cha mwene. ⁴ Umwene yeitikila, "Ndimumanyile uNguluvi," lakhini siakhachikhamula iamuli chakhe, avele mudesi,na salwesi siyivelemwi mukati mwakhe. ⁵ Lakhini yeyoha yeikhamula ilicho lya mwene, salwesi mwa munu yula ulukhelo lwa Nguluvi vukamiliswe. Mu ili tumanyile khutya tuvele mukati mwa mwene. ⁶ Umwene yeichova iishi mukati mwa Nguluvi itakhiwa yumwene khuhelela kama uYeesu Khilisiti sheahelelaka. ⁷ Vakhelwa, sindikhavayandikhila unyenye iamuli njipya, bali iamuli cha khatali ambacho mumalile khuva nayo tangiya pamoja mwanjo. Amuli ya khatali livele licho ambalyo mwalipulikhe. ⁸ Hata ewe ndikhavayandikhila unyenye iamuli njipya, ambayo yivele salwesi mu Khilisiti nu khwenyo, khwasababu ing'isi yiluta, nu mwanga kwa salwesi kuvele tayali kwimulikha. ⁹ Umwene yeichova avele mu mwanga na akhamdadila umulongove avele mung'isi mbakha lino. ¹⁰ Umwene yeakhamkhela umulongove iishi mu mwanga na sikhwelili ilijambo lyolyoha lyeliwesa ukhumukungudusa. ¹¹ Lakhini umwene yeakhamudadila umulongove avele mu ng'isi na ikenda mu ng'isi; Umwene siielewa khwini khweihelela, khwasababu ing'isi meyibofwiche amiho ka mwene. ¹² Ndikhavayandikhila unyenye, vana vakhelwa, khwasababu musamehiwe isambi chenyo khwaajili ya litawa lya mwene. ¹³ Ndikhavayandikhila unyenye, unyenye vababa, khwasababu mumumanyile umwene yeavele tangu mwanjo. Ndikhavayandikhila unyenye , va fijana, khwasababu mumushindile umuvivi. Ndivayandishe unyenye vana vadusu, khwasababu mukhamumanya uBaba. ¹⁴ Ndivayandishe unyenye, va baba khwasababu mumumanyile umwene yeavele tangiya mwanjo. Ndivayandishe unyenye, fijana, khwasababu muvele imala ni licho lya Nguluvi litama mukati mwenyo, na mumushindile umuvivi yula. ¹⁵ Mutane ukhukhela iinyi wala amambo kekavele mu inyi. Yingavepwe yula yaakhayikhela iinyi, ulukhelo lwa khumukhela uBaba sikhweluli mukati mwakhe. ¹⁶ Khwani khila khinu shekhivele mu inyi tamaa cha muvili, tamaa cha miho, nu lusilu lwa vuumi sifihumana nu Baba lakhini fihumana ni inyi. ¹⁷ Inyi ni tamaa cha chakhe chiluta. Bali umwene yeifanya amakhelwa ka Nguluvi uyo isikala milele. ¹⁸ Vana vadebe, kuvele musikha kwa mwisho. Kama ambavyo mumupulikhe khutya umupinga Khilisiti iyicha, hata lino avapinga Khilisiti vayichile, khwa hali iyi twimanya khutya kuvele musikha kwa mwisho. ¹⁹ Vaahele khuhuma khwetu, kwani sivaveli va khwetu. Kama ngalivavechake va khwetu ngalivayendelye khuva pamonga nawe. Lakhini musikha pevahele, isho shavonesiche sivaveli va khwetu. ²⁰ Lakhini musopilwe amafuta nu yula Muvalache, nunyenye nyevoha muyimanyile isalwesi. ²¹ Sindavayandishe unyenye khwasababu simuyimanyili isalwesi,bali khwasababu mumanyile nu khwasababu sikhwevuli uvudesi wa Salwesi yila. ²² Yeani avele mudesi bali yu mwene yeipinga khutya uYeesu m ndyo Khilisiti? Umunu uyu ndyo mpinga Khilisiti, pala peakhampinga uBaba nu Mwana. ²³ Sikhweyili yeakhampinga uMwana akhavanu Baba. yeyoha yeakhamkubali uMwana avele nu Baba. ²⁴ Kama khwaajili yenyo,khila shemukhipulikhe khuhuma mwanjo khilekhe khiyendelele khuva mukati yenyo, kama khila shemwakhipulikhe khuhuma pamwanjo khitama mukati mwenyo, pia, yamwitama mukati mwa Mwana nu Baba. ²⁵ Na iyi yivele ahadi yeatupelye uwewe: uvumi wa milele. ²⁶ Ndivayandishe aka unyenye khuhusu vala ambavo ngalivakhavalongocha unyenye mu vuyakano. ²⁷ Na khwaajili yenyo, amafuta kala kemwakayanushe khuhuma khwa mwene kitama mukati mwenu, na siachamwilonda umunu yeyoha khuvavulicha. bali kama amafuta ka mwene kakhavavulicha khuhusu amambo koha ka salwesi siyo ka vudesi, na hata kama kavavulichiche, mutamake mukati mwakhe. ²⁸ Na lino avana vakhelwa, mutamake mukati mwakhe, nekhe umusikha yaiyanukhila, tuwese khuva nuvujasili na siyo khwipulikha soni mbele cha mwene nu khuyicha khwa mwene. ²⁹ Kama mumanyile khuva umwene ndyo munya haki, mumanyile ukhutya khila monga yeitenda ihakiasaliwe nu mwene.