¹ Yeyoha yeifuwa khuva uYeesu avele Khilisiti asaliwe nu Nguluvi. Na yeyoha yeakhamukhela umwene ambaye ahumile khwa Baba pia akhavakhela avana va mwene. ² Khwa ili tumanyile khutya tukhavakhela avana va Nguluvi, peyatukhamukhela uNguluvi nukhutekelesa iamuli cha mwene. ³ Ewe ndyo shetukhamukhela uNguluvi khutya tukhachikhamula iamuli cha mwene Ni amuli cha mwene chivele njebepe. ⁴ Khwa khuva khila yeasaliwe nu Nguluvi aakhayishinda iinyi. Na uvu ndyo vushindi wa khuyishinda iinyi, lufuvo lwetu. ⁵ Yeani yeayishindile iinyi? Na yula yeifuwa khutya uYeesu avele Mwana va Nguluvi. ⁶ yu ndyo yeayichile khwa makasi ni danda, uYeesu Khilisiti. Siayichili tu khwa makasi bali khwa makasi ni danda. ⁷ khwa khuva khuna vadatu yevishuhudila; ⁸ Umubepo, makasi ni danda Ava vadatu vikhubaliyana. (singatilake: Amacho aka "Baba, Licho, nu Umubepo Umwimikhe" sikivonekha mu nakala inofi cha khatali). ⁹ Kama tukhavuyanukhila uvushuhuda wa vanadamu uvushuhuda wa Nguluvi ndyo mkuu khulikho uwe. Khwa khuva uvushuhuda wa Nguluvi ndyo uvu khutya alinawe uvushuhuda ukhuhusiyana nu Mwana. ¹⁰ Umwene yeakhamufuwa uMwana va Nguluvi ana uvushuhuda mukati mwakhe umwene. Na yeyoha yesiakhamufuwa uNguluvi amufanyile ukhuva mdesi, khwa khuva siavufuvilwi uvushuhuda ambavo uNguluvi avuletile khuhusu uMwana va mwene. ¹¹ Nu vushuhuda ndyo uvu khutya uNguluvi aatupelye uvuumi wa milele, nu vuumi uvu vuli mukati ya Mwana va mwene. Yeavele nave uMwana anavuumi. ¹² Yesiaveli nu Mwana va Nguluvi angaya vuumi. ¹³ Ndivayandishe aka muwese khumanya khutya mlinawe uvuumi wa milele - unyenye yemwifuwa mu litawa lya mwana va Nguluvi. ¹⁴ Na uvu ndyo vujasili wetuvele nawe mbele cha mwene, khutya kama tunganyilikha khinu shoshoha sawa sawa na makhelwa kamwene aakhatupulikha. ¹⁵ Na kama tumanyile khutya sitwapulikhi- shoshoha shetukhamunyilikha tumanyile khutya tulinasho isho shetumunyilikhe. ¹⁶ Kama munu yeakhamuvona umulongove itenda isambi yesiyipelekhela ikhifo, yikhambidi ukhunyilikha nu Nguluvi yaakhampela uvuumi. Ndichova khwa vala ambao isambi yavo yeyila yesiyipelekhela ikhifo khuna sambi yeyipelekhela ikhifo sindichova khutya witakhiwa ukhunyilikha khwaajili ya sambi iyo. ¹⁷ Uvuvivi woha yivele sambi yesiyipelekhela khifo. ¹⁸ Tumanyile khuva yeasaliwe nu Nguluvi siitenda isambi. Bali yeasaliwe nu Nguluvi itunjwa nu mwene salama daima, nu yula umuvivi siiwesa ukhumusulu. ¹⁹ Tumanyile khuva uwewe tulivele va Nguluvi na tumanyile khutya iinyi yoha yivele pasi pa vutawala wa yula umuvivi. ²⁰ Lakhini tumanyile khutya uMwana va Nguluvi ayichile na aatupelye uvujusi, khutya tumumanyile umwene yeavele salwesi nu khutya tuvele mukati mwakhe umwene yeavele salwesi, hata mwa Mwana va mwene uYeesu Khilisiti. Nguluvi va salwesi nu vuumi wa milele. ²¹ Vana vakhelwa, mwiepusake ni sanamu.