¹ Pangelo ingani abhwo songo na abhapuli bhakakomana pamupene na bhang'omena bhasimbi na seshoni yoshi iya bwo songo bwope bhakamupiya UYeesu bhakabhuka kwa Pilato. U Pilato akamubhusha, "ughwe ulu Munyafyale gwa bhayahudi?" ² Akamula, "Ugwe gwayugha ibhubwo." ³ Abhwongo na bhaputi bhakalingania amashitaka amingi ingani gha Yesu. ⁴ Abwosongo akabhusha sona, "Utakwamula nachimo nachimo? Utakutesha bwa bhakukusitaka ku mbombo inyingi? ⁵ Lole uYesu atakamwamula uPilato, na ilyo likamuswighisha. ⁶ Isamwo shibhelile mu lusekelo bhakumwighulila umufugwa yumo, umufugwa yobhakamusuma. ⁷ Kukabhapo nabhabhibhi kumunyololo, mubhanine mubhang'oghi bhala bhabwo bhuli ni bhibhi shabwo. Pakabha nu mundu yumo akabha gwi Balaba. ⁸ Ichibhughutila chikisa kwa Pilato, nu kusuma abwombe isa mumwo abwombite ku nyuma. ⁹ U Pilato akamula nu kuyugha, "Mukulonda ibhighulile Umunyafwale gwa Bhayahudi?" ¹⁰ Papo akamanya nongwa ya lwibhuno lwa bwosongo na bhaputi bhakamukola uYesu nu kwisa nagwe. ¹¹ Lole abwosongo na bhaputi bhakayughilila pachilundilo nu kupwata umulyengo ku mashu ukuti ighuligwe uBalinaba bwoyikali iyene. ¹² U Pilato akamula sona nu kuyugha, "Imbombe koni Munyafyale gwa Bhayahudi? ¹³ Bhakakoma akama sona, "Mutese!" ¹⁴ U Pilato akayugha, "Ambomb chindu chiki ichibhibhi?" Lole bhakongela ukukoma akama ingani na pamwanya "Mutesaghi." ¹⁵ U Pilato akalondagha ukubhaho bwosha ichilundilo, bhakamwighulila uBalaba. Akamukoma uYesu ni ngomo sona bhaka mutisha nu kumutesa. ¹⁶ Abhashikali bhaka mulongosha mkati mmauwa (bhubwo bhukabha mkati mwikambi) na bhakabhungana pamupene ni chikosi cha bhashikali. ¹⁷ Bhakamukwasha u Yesu iselekesha lya rangi ya zambarau, nu kupota ulughoje lwa myifula nu kumufwasha. ¹⁸ Bhakanda ukumutuka nu kuyugha, ''Mwaghona, Munyafwale gwa bhayahudi!'' ¹⁹ Bhaka mukoma kumutu ni iashi ni kumfwilila amati. Bhakafughamila ifipefu pandi yake nukumwimika. ²⁰ Bwo bhamutuka, bhaka mfula iselekesha lya rangi ya zambarau nu kumufwasha imyenda yake bhaka mutisha pase nu kumutesa. ²¹ Bhakamulazimisha ukughenda kuse nu kumtula,yuyo akingila gha kumjini nu kufuma kumughunda. Yobhakamwita u Simoni Mkirene (ubhebha gwake Iskanda nu Rufo); bhaka mulyelyeleshashe ukupipa ichikobhe kano cha Yesu. ²² Abhashikali bhaka bhuka nu Yesu pa bhuyo bwo bhakatingi Goligota (imaana yake kwokuti, bhuyo mwa lifupa lya mutu). ²³ Bhaka mupa ifwa kughasha bhakongania ni manemane, lole atakang'a. ²⁴ Bhaka mutesa nu kuyabhana imyenda yake, bhakakomela ikula nu kwamula ichipande chicho itibhachaghe abwo abhashikali. ²⁵ Bwo yabha saa tatu pangelo bhaka mutesa. ²⁶ Bhakabhika pamwanya yake umbao bwobha kasimba ukumusitaka umunyafyale gwa Bhayahudi.'' ²⁷ Bhaka mutesa pamupene na bhifi bhabhili, yumo ulubhafu lwake ulwa kumwisa nu munine kushomi kwake. ²⁸ (Kolagha: umstati ughu, ''Namashu ghakabhinyila ghang'o ghaka yughigwanga''bhutalimwo mmashu gha bwila). ²⁹ Na bwope bwobhakughenda bhaka mutika, bhaka munengesha umundu gwake bhakayugha, ''Oho! Ugwe gwegwe indukomaniye ichaliki nu kusanga ku mashiku matatu, ³⁰ Ipoka gwimulene na ushuke pase fuma pachikobhekano!'' ³¹ Isabhula bhula abwo songo na bhapuli bwo bhakamtuka ni kuyughisania, pamupene na bhasimbi nu kuyugha, ''Akabhapoka abhanine, lole abha ghile ukwipoka umwene. ³² Ukristi umnyafyale gwa Israeli, ika pase numwe fuma pachikobhekana inga tuleshe nu kwitinga.'' Na bhabwo bhakatesekagha pamupene na gwe bwope bhaka mutukagha. ³³ Bwo yafika saa sita, ichisi chika gwa pamwanya pa chisu mupaka saa tisa. ³⁴ Bwo yabha saa tisa, u Yesu akakoma umupwato kwishu ikulu, ''Ejoo, Ejoo, lama sabakitani?'' Kwo kuti ''Chala gwangu, Chala gwangu, koni ghundekite?'' ³⁵ Abhanine bhabwo bhakima bhaka pulika bhakayugha, ''Tesha, akumulitisha u Eliya.'' ³⁶ Umundu yumo akakinda, akisusha mwilashi nu kuyibhika pamwanya pa mkokwe ugwa bwashi, bhaka mupa ukuti anywe. Umundu akayugha, ''Subha tuteshe indi u Eliya akwisa pa kumwisha pase.'' ³⁷ Sona u Yesu akalila kwishu ikulu nu kufwa. ³⁸ Ulubhumba lwa chaliki lukalanduka ifipande vibhili ukufuma kumwanya mpaka pase. ³⁹ Afisa yumo akabha imite akumutesha u Yesu, bwo amubwona afwile isa bhubwo, akayugha, ''Naloli uyu mutu ali mwana gwa Chala.'' ⁴⁰ Bhaka bhapo sona abhakolo bwobhakateshanga ku utali. Mubhanine bhamu akabhamwo Umariamu Mangendalena, nu Mariamu (umama gwako Yakobhu umnandi ugwa Jose), nu Salome. ⁴¹ Bwo aliku Galilaya bhakamukonga nu kumobwombela. Na abhakole abhingi bwope bwakakongana nagwe mpaka ku Yerusalemu. ⁴² Bwo kwabha lya namasubha, po likabha lishiku lya kwitayalisha, ishiku bwo likali lya sabhati, ⁴³ U Yosefu ugwa Alimathaya akisa pala. Akabha nu mubwombeli gwa seshoni yuyo bhakumughindika umundu yuyo akukongelela ku unyafyale ubwo Chala. Kumaka akabhuka kwa Pilati, nu kusuma umubhili ugwa Yeesu. ⁴⁴ UPilati akaswighisha ukuti u Yesu akabha afwa. ⁴⁵ Akabwagha ubwanaloli kumubwombeli ukuti afwa, akamwitikigha u Yosefu kukwegha umubhili. ⁴⁶ UYosefu akabha ulite amakibha. Akamwisha ukufuma pa chiko bhekano, akamupinya na amakibha, nu kumubhika mkati mwali pumba lyo likumbigwe pakanghamba. Sona bhashughushishe iyondo pa liyango gwa lipumba. ⁴⁷ U Maliamu umangendelena nu Maliamu umama gwake u Yose bhapa bhuyo ubwa kushila u Yesu.