¹ Bwo isabhati yashila, UMaliamu Magdalena umama gwake nu Yakobo, nu Salome, bhakula utwa kunuki;la utwisa, inga bhisebha mupake amafuta umubhili gwa Yeesu panongwa iya kumushila. ² Pangelo ingani ishiku iya kwanda iya ubhuhanu, bhakabhuka kwipumba bwo isubha likusopa. ³ Bhakayughana, bhenebhene, "Itigwini atutishikishe iyondo kunongwa yetu ukuti twingile kwipumba. ⁴ Bwo bhatesha, bhakamubwona umundu bwo alishughusha iyondo, iliyo ikabha likulu ingani. ⁵ Bhakingila kwipumba nu kumwona umulumiana afwalite umwenda umwelu, ikile ulubhafu ulwa kumwisha, nu kuswigha. ⁶ Akabhabhula manye bhwong`opanghe, mukumwonda UYesu, ugwa Nasaleti, uyu bhakamutesa. Ashukite! Nayumo panu, Tesha pabhuyo bhwa bhubhwo bhamubhikite. ⁷ Bhukagha, mukabhabhule abhamanyili bwake ni Petulo ukuti umwe atangile ukubhuka ku Galilaya ukwo itimukamwonw, isaa mumwo atubhulile." ⁸ Bhakatila ni kukinda ukufuma kwi pumba, bhakatetema ni kuswingisha. Bhatakayugha na chimo ku mundu yula panongwa yakwong'opa ingani. ⁹ (Kolagha amashugha bwila aghakusekulila uMaliko 16:9-20). Pangelo kwishiku iya kwanda iya bhuhanu, bwo akushuka, akafuma itashi UMaliamu UMagdalena yuyo ukufuma kwake akatisha imbepo saba. ¹⁰ Akatila nu kubhabhula bhala bhabhulo bhakabha pamupene nagwe bwo bhakali bhakuswigha nukutisha amashoshi. ¹¹ Bhakapulika ukuti mukafu na abwonwka angwe, lole bhataka mwitika. ¹² (Kolagha: Amashu agha bwila aghakuseghwa UMaliko ugwa kalongo na tusita 16:9-20). Bwo shikali isho, akafuma kubhunine pashima na bhandu abhani ne bhabhili, bwo bhakali bhakughenda ukufuma kuchisu. ¹³ Bhakabhuka nu kubhabhu abhamanyili abhanine bwobhakashala, lole bhatakamwitika. ¹⁴ (Kolaghashe: Mashu agha bwila aghakuseghula UMaliko ugwa kolongo na tusita 16:9-20) UYeesu pakatashi akabwoneka kubhala kalongo na yumo bhakabha bhala ghana kumeza, nukubha kemela kunongwa ya kushita kwitika kwa o nu ukafu ubwa ndumbula bhabwo bhakamubwona bwo akushuka ukufuma kubhafwe. ¹⁵ Akabhabhula, "Ubhukagha muchisu mwoshi, nu kulubhilila ishu kubhabwo abhapelete mwoshi. ¹⁶ Yuyo akwitika nu kwoshighwa itiakapone nu kupokighwa, na yuyo atakwitika itiakalongiwe. ¹⁷ (Kolagha: Amashu agha bwila UMaliko 16:9-20) Ififwa ihi itifi kakongane na bhwoshi bhulo bhakwitika, kungamu yangu itibhakatishe imbepo, itibhaka yughe ijugha ipya. ¹⁸ Itibhakakole injoka kukono twabhulo, na linga bhang'we ichindu choshi chitachikabhakomalye. itibhaka bhike, utukono kubhabhine, bwope otibhakabhe bhakafu." ¹⁹ Bwo Utwa ayugha nabwo, akeghigwa pamwanya pama bhingu nu kwikala kukakono aka kumwisa aka Chala. ²⁰ Abhamanyili bhakabhuka nu kulumbilila mubhuyo, bwo utwa akubhwomba imbombo nabhwo nu kulingania ishu nu kibhika ivika nu kukongana na bhwo.