¹ Ghakabha amashiku mabhili ghene agha lusekelo ulwa Pasaka iya mikati nyiyo Itakusapa. Abhaputi abwosongo na bhasimbi bhakabha bhakwonda ukuli bhamukole uYesu ku maka nu kumung'ogha. ² Po bhakayugha, "Katakabhalilo ka lusekelo, abhandu manye isebha bwombe kulyoyo." ³ Bwo uYesu ali ku Bethania munyumba ya Simoni ugwa ukoma, nabwo akubhukila ku meza, umukolo yumo akisa kwake bwo ali ni supa ya marashi agha nalodi inyisa iya mutengo umukulu ingani, akapasulania isupa nukukusha pamwanya pa mutu gwake. ⁴ Lole kukabhapo abhabwo bhakakalagha. Bhakayugha nagha bhene bhene bhakalingi, "Pa nongwa ya kuti tusobhite bhuno bhuno? ⁵ Amafuta ango bhakulisha ku mutengo ugwa bwo dinari imia shitatu, nu kubhapa abhapina." Bwo bhaka mukemela. ⁶ Lole uYesu akayugha, "Akati muleke mwene papo. Koni mu kumutamia? Abwomba imbombo inyisha kukwangu. ⁷ Amashiku ng'oshi abhapina mwinabwo, na bwoshi bhabwo bhakuyonywa mubhaghile ukubwomba inyisa kukwabwo, lole mutamubhe nune akabhalilo koshi. ⁸ Abwomba chicho chibhaghile: ukumupakasha mumubhili gwake amafuta pa nongwa ya kumushilala. ⁹ Ubwanaloli inghubhabhula, poshi papo ubhulumbili bhukulumbililigwa mu chisu choshi, choshi chicho abwomba umukolo uyu iyichikayughiggwange nu kukumbuka kwake. ¹⁰ Gwe uYunda Esikaloti, mubhala kalongo na bhabhili, bhaka bhuka ku bwosongo abha puti ukuti bhamubhike kukwabwo. ¹¹ Bwo abwosongo Abhaputi bwo bhapulika isho, bhakasekela nu kwitingana nu kumupa ihela. Akanda ukolonda ubhuyo bwa kumubhika kwo. ¹² Pi shiku lya kwanda lya mukate nghubwo nghutakusapa, bwo bhatisha una ng'oshi ugwa pasaka, abhamanyili bhake bhakayugha, "Bhakati kulonda tuye kughu tutendekeshe inga tubwaghe ubhuyo ubwa kulya iPasaka?" ¹³ Akabhatuma abhamanyili bhake bhabhili nu kubhabhula, "Bhukagha kumuyini, nu mulisha yuyo apimbite bwato itimukomane nagwe. Mumukongaghe. ¹⁴ Inyumba yiyo ayaingila, mumukongaghe na abhabhule ugwa nyumba hiyo, 'Umumanyishi akayugha, "Chilikughu ichumba cha bhahesha papo itibhalye iPasaka na bhamanyili bhaghu?" ¹⁵ Itiabhalangishe ichumba icha pamwanya ichikulu icha mutengo chicho chi chene. Mubhwombaghe ukwitendekesha panongwa yitu utwe." ¹⁶ Abhamanyili bhakabhuka mpaka kumuyini; bhakakagha kukuti kandu kako akabhabhula nu kubhatayarisha ubhulye ubwa Pasaka. ¹⁷ Bwo akabhalilo aka na masubha, akisa na bhala kalongo na bhabhili. ¹⁸ Na bwo akupalamila pameza ya kulila, uYesu akayugha, "Naloli inghubhabhula, yumo pakati yinu yuyo akulwa pamupene nune itiakangane." ¹⁹ Bwoshi bhakaswigha, yumulyene bhwo akali umunine bhakabhabhula, "Naloli inda nene?" ²⁰ U Yesu akamula nu kubhabhula, "Alimwo yumo mubha kalongo na bhabhili pakati yinu, yumo yuyo lulu akutobhela ielongi mwi bhakuli pamupene. ²¹ Papo Umwana gwa Adamu itakabhuka isa mashu bwoghakuyughila pamwanya yake. Lole indagha ulwake umundu yula yuyo ukughendela umwene uwana gwa Andamu itiakakani gwaghe! Kwali kisa ngani kukwake ku mundu yula ngali atakapapigwanga." ²² Bwo bhakali bhakulya, uYesu akegha umukati, akaghusanya nu kubheghula. Akabhapa nu kuyugha, "Egha. Ughu mubhili gwangu." ²³ Akegha ichikombe, akapalisha, nu kubhapa, bwoshi bhang'uele. ²⁴ Akabhabhula, "Ili lilopa lwangu sona lufingo, ilopa lilyo ikukupuka panongwa ya bhingi. ²⁵ Naloli inghubhabhula, indangany'we sona mpaka mufindu ifi ifya mizabibu mwi shikulila bwo ighuya kuny'ewa ubhupya mpaka ubhuyafyale ubhwa Chala." ²⁶ Bwo bhamala ukwimba ulwimbo, bhakaya kuse ku Chighamba cha Mishughuti. ²⁷ U Yesu akabhabhula, "Umwe mweshi utimukabhe kubhutali kunongwa yangu, papo yisikhigwe, 'Itikakome umuputi ni ng'oshi shake itishikiyabhania.' ²⁸ Lole ukushuka kwake, itinga bhatangile mundashi yiyu ku Galilaya." ²⁹ U Peteli akabhabhula, "Na linga bwoshi bhakuleka, une itangakuleke." ³⁰ U Yesu akabhabhula, "Naloli inghukubhula, ishiku iyo, bwo ubhisa atabhika ulwa bhubhili, itibhukangane katatu." ³¹ Lole uPeteli akayugha, "Pope itiyikandazimisha ukufwa numwe pamupene, indangakukane." Bwoshi bhakatisha ulufingo lula lula. ³² Bhakisa kubhuyo bwa chisu chicho bhakitishanga Getisimani, nu Yeesu akabhabhula abhamanyili bhake, ikala panu bwo mukwipata." ³³ Akabhengha uPeteri, uYakobhu nu Yohani pamupene nagwe, akanda ukusulumania nu kukabha ubhutolwe ingani. ³⁴ Akabhabhula, "Ubhuyo bwangu bhuli nu bhusulimania ingani, nu kulonda ukufwa. Lole panu utwe tukeshe." ³⁵ U Yesu akabhuka mundashi panandi, akagwa pase, akasuma, linga shabhaghila ukuti isaa hiyi yimutile. ³⁶ Akayugha, "Akati, Tata, Imbombo shoshi kukwako shibhaghile. Indishikishe ichikombe ichi. Lole kuta kumahala ghangu, lole amaka ghako." ³⁷ Akaghaluka nu kubhagha bhagh'onite na akamubhula uPeteli, "uSimoni, nugwe ugh'onite? Mutabhaghile nu kukesha isaa yimo? ³⁸ Mwikashe nu kusuma ukuti manye mwingile mungelo. Nalolishi umoyo bwangu mwabhuke, lole umubhili mwonywa." ³⁹ Akabhuka sona nukusama, nu kuyugha amashu nghalaghala. ⁴⁰ Akisa sona akagha bhagh'onite, popo amaso ghabwo ghakabha mashito bhatakamanya chicho icha kubhabhula. ⁴¹ Akisa sona ulwa utatu nu kubhabhula, "Mukali mugh'onite nu kutusha? Kayi! Isaa yafika. Tesha! Umwana gwa Andamu akutukigwa mutukono twa bhambibhi. ⁴² Yatuka, tubhuke. Tuteshe, yula yuyo akunduka ali papipi." ⁴³ Lwoshi ulu bwo akali akuyugha, uYuda, yumo ugwa bhal kolongo na bhabhili, akafika, ni chilundilo ichikwu ukufuma ku bwosongo abaputi abhasimbi na bwosongo abamipanga ni ndughu. ⁴⁴ Bwo ugwakumutuka gwake akabha abhapa ichifwani, akayugha, Yula yuyo namufipa, gweyo. Mukamukole nu kumubhika pase nu kumulindi." ⁴⁵ Bwo uYuda afika, akabhuka kwa Yeesu nu kuyugha, "Mumanyishi!" Na akamufipa. ⁴⁶ Sona akamubhula pase pa bhalindili nu kumukola. ⁴⁷ Lole yumo pati yabwo akima papipi nagwe akatisha umupanga gwake akamugoma umubwombi ugwa muputi usongo nu kumubhegha ichufyo. ⁴⁸ U Yesu akabhabhula, "Mwisa pakugola ku mipanga na bwo mandughu uti indimwifi? ⁴⁹ Bwo amashiku ng'oshi nali numwe nu kumanyisha muchaliki, mutakangola. Lole ishi shiku mbombigwa isho ku mashu gha bwoneke. ⁵⁰ Na bhabwo bwoshi bhakabha nu Yeesu bhakamuleka ni kukinda. ⁵¹ Umulumiana yumo akamukonga yuyo akafwala ishuka lyene akabha iyifunikite nu kumushughula; bhakamukola lole ⁵² akaitelemuka akalileka ishuka pale akakinda chitali. ⁵³ Bhakamulongosha uYesu kwa bhwo kuhani usongo papo bhakabhughana pamupene nangwe abwo ali na bhaputi abwosongo bwoshi, abhagh'ome na bhasimbi. ⁵⁴ U Peteli gwepe akamukonga uYesu ku utali, ukubhukila kwi ubwa lwa muputi usongo. Akikala pamupene na bhalindilili bhabwo bhakabha papipi nu mulilo bhakota ukuti bhatukile. ⁵⁵ Akabhalilo ako abhaputi abhwo bhwoshi ni bhalaza lyoshi bhakabha bhakulonda ukupota ingani ukuti uYesu bhamwaghe bhang'oghe. Lole ubhuketi bwabhwo bhatakamwagha. ⁵⁶ Papo abhandu abhingi bhakisa nu bwanaloli ubwa ubhumiashe ukukinda ubwake, lole ubhuketi bwabhwo bhutakaghelela. ⁵⁷ Bhamu bhakima ni kwisa nu bhuketi ubwa bhumiashi bwake; bhakayugha, ⁵⁸ "Tukapulika bwakuyugha, 'Iting'omalye ichiliki ichi chona chitenelekishe mutukono twangu, na mukati mumashiku matatu itingasenge inine lyo litalikasengigwe ku tukono.''' ⁵⁹ Lole lyo ubhuketi bwabwo bhutakaghelela. ⁶⁰ Umupiti usongo akima pakati yao nu kumusha uYesu, "Ugwe bhuli ni kwamula? Abhandu abha bhakuyugha koni sona kukwako?" ⁶¹ Lole akabha miye na atakamula nachimo. Sona umuputi usongo akabhusha sona, "Ugwe gwe Kirisiti, umwana gwa Kusanyigwa?" ⁶² U Yesu akayugha, "Une nene. Na itumubwone Umwana gwa Andamu ikile kukono aka kumwisa na maka akwisa na mabhingu agha kumwanya." ⁶³ Umupiti usongo akafwa imenda yake nu kuyugha, " Tu kali tukulonda abhaketi? ⁶⁴ Mwapulika ukufunya. Umwe umwinyu bwo bhaliku?" Na bwoshi bhakamulonga ingati mundu gwa kufwa. ⁶⁵ Bhamu bhakanda ukumufwilila amati nu kumwifunika pamaso nu kumukoma nu kubhabhula, "Solola!" Abwosongo bhakamwegha nu kumukoma. ⁶⁶ Nu Peteli bwo akali ali pase palyani, umubwombi yumo gwa abhalindi abhabhaputi abwosongo akisa kukwake. ⁶⁷ Akamubwona uPeteli bwo akwima akwota umwilo, akamutesha nu kumupalamila. Sona akayugha, "Nugwe sona ukabha gwa Munasaleti, nu Yesu". ⁶⁸ Lole akana, akayugha, "Indamumenye nune nu kumumanya chicho akuyugha!" Sona akafuma nu kubhuka kuse. (Kolagha; Umusitari ughu, "Nu bhisa abhika" bhutali imwo mumashu agha bwila). ⁶⁹ Lole umumbombi umukole yula, akamubwona nu kwanda ukubhuta sona bhala bhabwo abhakima pale, "Umundu uyu gwiyumo gwabwo!" ⁷⁰ Lole akakana sona. Pakatashi panandi bhabwo bhakimapala bhakabha bhakumuyugha uPeteli, "Naloli ugwe gwe yumo gwabho, popo ugwe gwe Mungalilaya." ⁷¹ Lole akanda ukwibhika mwene pase pa chighune nu kuyugha, "Inda mumenye umundu uyo yuyo mukumuyugha." ⁷² Sona ubhisa akabhika ulwa bhubhili. Sona uPeteli akakumbuka amashu ghang'o uYesu akabhabhula: "Bwo ubhisa abhika ulwa kabhili, utibhukangane katatu." Na akangwa pase nu kulila.