Umlyango gwa 9

1 Pe abhahabhizya bhasano bhahomile amasaji igakwe. Hihalola inzuta kufuma kumwanya yeyalendile mnsi. Uluzuta bhalupiye ifungulo ilyina lyelikubhala kulyina lyelitali nakusila. 2 Ifunguye ilyina lyelitali nu utali, ni lyosi lihazubha pamwanya palyina kufuma mkasi mmlyina ilyosi kufuma mwitanuli ipiti. Izubha na pazelu ihagaluhona kubha hisi kulyosi lyelyafumile kulyina. 3 Mkasi lyosi inzije nzafumile kwinza mnsi, bhope bhapewilwe amaha inza nge pamwanya pinsi. 4 Bhabhabhuzizye kuti mtahananganye amalala iginsi pope hehamelile pope telikwi, yoli abhandu bhebhatali nivimanyisyo ivya Mlungu pamiso pao. 5 Bhatapelilwe indajizyo iya kubhagoga ibho bhandu, bhalamayivwaga kumezi gasanu. Imayimba agao gari ugati gagala genge waruma nunge. 6 Kunsiku izyo abhandu bhahayanza uwufye, ilelo tabhabhaje. Bhahayigana kufya, uwufye uyibhashimbila. 7 Inzije zyaholine ni ndogomi zyebhazibhishile kwa kulya. Kumatwe igawo kwali na hondu ugati lipambo ilyihela pamiso pali ugati lipambo ilyihela na pamiso pali ugati pamndu. 8 Bhalininsisi ugati zyabhandanda namino gali ugati nsama. 9 Bhali nivifubha ugati vyamajela nizi ugati mapiho izi ugati magari aminji igivita na indongomi zyebhakushimbilila kubhala kwibho. 10 Bhali ni nsinda zyezikuruma ugati nge; kunsinda zyao bhali na maha na maha igakunanganya abhandu kumezi gasano. 11 Bhali nawo inza kuti wumwene pamwanya yabho uhabhizya uwa mlinalyelitakusila. Itawa ilyakwe Kiebrania ni Apolioni. 12 Ahee iya kuwandilo ishilile. Yenya! Paloli kulinuufye wubhili ukwinza. 13 Uhabhizya uwa mtanda ahomile isaji ilyakwe, ihivya izi lyafuma mmbembe izyashigema iyi hela yeyili mwilongolela mwa Mlungu. 14 Izi lyambuzizye uhabhizya wa mtanda waali ni saji, "Bhaleshile abhahabhizya bhani bhebhabhakunjile ulwizi ulupiti Efrata." 15 Abhahabhizya bhala bhani bhebhabhabhishile kusala yeyiyo, isiku ilyo, umwezi uyo nu mwaha uyo, bhabhaleshile bhabhagojile abhansi ibha bhandu. 16 Ihesabu iya bhalugu bhebhali pamwanya pandogomi bhali 200, 000, 000. Ihivya ihesabu iyakwe. 17 Shenalolile indogomi mndolesyo zyani na bhala bhebhazubhile pamwanya pao ivifua vyao vyamile vishamamunzumwoto, inyilinyilu yipiye insungwe yeyitapiye. Amatwe igindogomi vyaholine na matwe igi nsama, na mwilomu mhafumaga umwoto, ilyosi na salfa. 18 Abhansi abhandu bhabhagojile na mateso gatatu: umwoto, ilyosi, na salfa yeyifumile mwilomu mwao. 19 Amaha igindogomi gali mwilomu yao na mlusinda ilwabho pe insinda iyabho yali ugati njoha nabhamile na matwe shebhahonzizye kubhavwalazya abhandu. 20 Abhandu bhebhasyalile, bhala bhebhatabhagojile na ihomo iyo, bhatatubhuzizye imbombo yao yebhabhombile, na bhataleshile kuputa imbepu na bhazimu ibhi hela, ihela, amawe na makwi---ivindu vyevitagalola, kwivwa pope kujenda. 21 Ilelo bhatatupiye uwugoji uwabho uwulozi wabho, uwubhembu wabho, na madala igawibha.