Umlyango gwa 10

1 Ihalola uhabhizya uwa mwao umpiti akwoha pasi kufuma kumwanya. Bhamkunjile kufuma kumabhingo, na kwali nu pingopingo ilyivula pamwanya pitwe ilyakwe. Kumiso kwali ngati lizubha naivinama vyali ugati lisingwi ilya mwoto. 2 Alemeleye ihela inyinsi kunyobha yakwe lyelya funuliwe, wope abhishile ishinana ishakwe isha kundilo pamwanya pisumbi nishinama ishakwe kumongo pamwanya pinsi inyumu. 3 Pahafumwa izi ilyakwe ugati nsama wikubhuna, na wahazutizya izi ivula saba zihabhuna. 4 Ivula saba zihabhuna, napalamiye kwandiha, ilelo ihivya izi kufuma kumwanya ikulonga, "Habhishi utavundulaje haa ivula saba ilonjile. Utahandishe." 5 Unzuhabhizya wemlolele ayimiliye pamwanya pisumbi insi inyuma ihimilisya inyobhe iyakwe kumwanya 6 kumabhingo nakulapa kwa wula wakudila wila na wila ---wagombile kumwanya na vyondi vyevilipo, insi na vyondi vyevilipo, na usumbi na vyondi vyevilipo: "Tekuhabhe nakulenjela iwinza. 7 Ilelo isiku lila, wuhabhizya uwasaba wapalamila kuhoma isaji ilyakwe, pu lufiso lwa Mlungu luhayifihe, inza shebhabhabhuzizye kubhadimi bhakwe abhakubhi." 8 Izi lyenivyizye kufuma kumwanya yambuzizye iwinza: "Bhalaga, nyega ihela inyinsi zyezifunuliwe zyezili mnyobhe mbhahabhizya wanyimiliye pamwanya pasumbi na pamwanya pinsi inyumu." 9 Pe habhala kubhabhuzya nakumubhuzya ambe ihela inyinsi. Ahambuzya, "Yega ihela ulye. Telilibhishe ulwanda lwaho lubhe na mayimba ilelo mwilomu lyaho inzelikubha linonu unzu woshi." 10 Nejile ihela inyinsi kufuma myobhe mbhahabhizya na kulya. Lyali linonu unzu woshi mwilomu mwoni, ilelo wenalya, ulwonda lwani luhabha na mayimba. 11 Pe amazi gahambuzya, "Ikwanzilwa kulonga iwinza na bhandu abhinji, insi, indongo, na uwumwene."