Umlyango ugwa 11

1 Bhambiye ilanzi inzi ndisa yebhakupimila. Bhahambuzya, "Sogola bhalaga upime ishibhanza isha Mlungu na ivigema, nabhala bhebhakuputa mkasi yakwe. 2 Ilelo utahapime panzi pashibhanza, pebhabhapiye abhandu ibha Mnsi. Bhatihanye insi inyinza kumezi arobaini na mbili. 3 Indibhape abhaketi bhani bhabhili bhebhahalolaje kunsiku 1,260, webhakwatile amagunila." 4 Ebha abhaketi makwi gabhili iga mizeituni na viyumba vibhili na viyumba vibhili vye vyimiliye pilongolela pamwene iwinsi. 5 Ungu mndu akwinile kubhananganya, umwoto ukufuma mwiromu na kubhananganya abhabhibhi ibhabho. Wondi wakwanza kubhannyanya, kukumgoga kwidala ilyo. 6 Ibha bhaketi bhawezizye kwigalila imwanya ingivula itahatonye mbhakubhi. Bhanamaha kugarulanya aminzi kubha mabhanda na kuyihoma insi kulyolyondi ilya kuhoma welyolyondi bhakulyanza. 7 We bhamala kupanga ihabho, ula umnyama wakufuma kulyina lyelitali na kumbelela ayibhomba ibho inabho. Ayibhatola na kubhaggoga. 8 Amabhili igabho gahiyigona pansi imbiti (insi yebhakuti Sodoma na Misri) pu mwene uwabho ahayimbaga. 9 Kunsiku zitatu na pakatikati bhamu kufuma mbhandu, ishihoro, indongp na insi iyenya amabhili igabho natebhafumwe ishilolesyo kubhabhiha mumbipa. 10 Bhala bhebhakwihala mnsi bhayisha na kururutila, pope kusondeleshezanya ahandu ibho abhakubhi bhabhili bhabhayivyizwe bhala bhebhahalaga mnsi. 11 Ilelo kunsiku zitatu na pakasi amaha iga upuma kufuma Mlungu ahayibhinjila bhope bhahayimila ni vinama vyabho. Ahatetemwi hahayibhalema bhala bhebhakubhalola. 12 Pe bhahayivya izi ipiti kufuma kumwanya ikubhabhuzya, "Nzaji ukuu!" Bhope bhahiyibhala kumwanya kumabhingo, wabhabhibhi ibhabho bhakubhenya. 13 Kusala iyo kuhayibha nishingayinga ishipiti pasi na heka ihakumi iyi nsi ihayingwa. Abhandu elufu saba bhahayifya kushiyingayinga na bhebhahayisyala abhapuma bhahayibhogofwa na kumpa uwinza Umlungu. 14 Ahee iyawubhili ishilile. Yenya! Ahee iya utatu ikwinza naribhilo. 15 Uhabhizya uwa saba ahahoma isaji ilyakwe, na mazi amapiti gaharonga kumwanya na kuti, "Uwu mwene uwinsi wabha umwene wa Tata witu wa Kilisiti uwakwe. Atabhalaye wila na wila." 16 Pe abhagosi ishilini na bhani bhebhihaye mvitengo ivyawuni pilongolela pa Mlungu bhaguye ibhene pasi palusuto, amiso igabho gasulamile pasi, bhope bhahamputaga Umlungu. 17 Bhahalonga, "Tukufumwa urupalo kukwaho, Mwene Mlungu, mlemi wa vyondi, wulipo na wuhayibha, ufumizye amaha gaho nakwanda kulema. 18 Ibhashaha bhilamilwe, ilelo imbombo yaho iyinzile. Ishi zifishile abhafye kulongwa niwe kubhasalifya abhadimi bhaho abhakubhi, abhaputi nabhala bhebhakutuya itawa lyaho, bhondi bhabhili bhebhatahondeye ahondi na bhamaha.Pezifishile izya kubhaputa bhala bhebhananganyaga insi." 19 Na ishibhanza isha Mlungu kumwanya lyafunguliwe ni nsanduku iya lyovyono lwabhoneshile mkasi mshibhanza ishakwe, kwali ni mbibhi izya kuzelu, ishongo, imbuno izyivula, ishiyingayinga ishinsi na mawe igivula.