Umlyango gwa 12

1 Indolesyo imbiti zyalolilshile kumwanya: umwandanda wagubishiliwe ni zubha, inge yabha nu mwezi pasi pavinama ivyakwe; ni pombo ilyi nzuta kumi na mbili yili pamwanya pitwe lwakwe. 2 Ali nu lwonda na ahalilaga wakupapa ayivya amayimba wakupapa. 3 Indolesyo inyinji zihalolehaga kumwanya: Yenya! Kwamile ni njoha ishama imbiti waali na matwe saba nimbe kumi, nakwali na mapambo saba kwitwe lyakwe. 4 Ulusinda lwakwe lwali hati heka ihalu zuta kumwanya nakuzisumba pasi pansi injoha ihimilila pilongolela pa mwandanda wapalamiye kupapa, inge wa kupapa, anga hammile umwana wakwe. 5 Ahampapa umwana, umwana umsahara wa tizileme insi zyondi kundisa izya majela. Umwana wakwe apimbilwe kumwanya kwa Mlungu na pitengo ilyakwe ilya wumi, 6 na mwandanda ashimbiliye mshihombe, mwu Mlungu abhishile kuti mwemwakwe, anga bhabhombele kunsiku 1, 260. 7 Ishi kwali nibho kumwanya. Mikaeli na bhahabhizya ibhakwe bhahalwanga ninjoha; nainjoha imbiti na bhahabhizya ibhakwe bhahahomana inabho. 8 Ilelo injoha itali namaha igakutola. Patali napamu ipakwinjila kumwanya yakwe na bhahabhizya iwakwe. 9 Injoha imbiti--ila injoha iyimandi yetu kuti usetani wakuhopela - insi yondi ahasubwa pasi pansi, nabhahabhizya bhakwe bhahasubwa peka nawo. 10 Ihivya izi ipiti kufuma kumwanya: "Ishi upuma winzile, amaha--nu mwene uwa Mlungu wetu, na kwamla kushi Kirisiti kwakwe. Pumsatakilwa uwabhahoro bhitu bhasambilwe pasi---wabhasitakile pilongolelo pa Mlungu witu shamsanya na shausiku. 11 Bhamtolile kumabhanda ga Mwana wa Mlungu na kunongwa izya hupango ihao, bhatayiganile hala she bhakwihala kwao, pope kufya. 12 Ishi, lulutilaji, imwe kumwanya, namwendi mwemkwiha mkasi yabho. Ilelo ahee mnsi na msumbi umbibhi ayishile kukwinyu. Ayizuye umlaha umhali, amanyile kuti ali ni nsiku inginsi ihani. 13 Winjoa yamanya kuti isumbilwe pasi pansi, ahamfata umwanda wapapile umwana umsahala. 14 Ilelo mwandanda bhahampa amapiho gabhilile igipombo amapiti, inge abumbulushe abhale kwekugombilwe kumbombo yakwe kula ukutena, pe hani abhishilwe, hani shezyali, shezyali hati sezyali-pehani yafishiye ina injoha. 15 Injoha yitile aminzi kufuma mwiromu mwakwe unzu lwizi, alongwe na kumlongwa. 16 Ilelo insi ihamwavwa umwandanda. Ihagupulwa mwilomu mwakwe na kumila inyizi zyinjoha yaswiliye kufuma mwiomu mwakwe. 17 Injoha ihamwilamwa umwanda wope ahasogola kulwa na bhapapwe bhakwe bhondi---bhala bhebhakwivwa izya Mlungu na kulemelela ahapango ahinza iya Yesu. 18 Pe injoha ihimilila pamwanya pa mchanga mmbali mwasumbi.