1 Iharola ishihano shafuma mwasumbi. Ali ni mbembe ishumi na matwe saba. Mbembe izyakwe mwali no pambo ishumi, na mwitwe ilyakwe mwali ninongwa izyakuzalaula Umlungu. 2 Ishihano shenashirolile shali ugati ngoko. Ivinama vyabho vyali ugati wudubu, na itomu lyakwe lyali ugati lyi nsama. Nyila injoha yihampa amaha, pitengo ilyakwe ilya wumi, kulemelela amaha gondi iga kutabhala. 3 Itwe ilya shihano shimo sharoleshile shinironda ipiti lyeligagomba uwufye uwakwe. Ilelo ilonda lyakwe lihapola, na insi yondi ihaswiga na ihashifyata ishihano. 4 Iwinza bhayiputa injoha, ashipiye zyondi ishihano. Bhahashiputa ishihano shope, bhahendelela kulonga, "Wunanu wali inzi shihano? na "Wenu watihomane inabho?" 5 Ishihano bhashipiye iromu angaronje inongwa izya kuyikuvwa na kuliga. Ayitishiliwe kubha na vyondi ku mwezi arobaini na gabhili. 6 Pi shihano ahigula iromu ilyakwe kwonjezya indigo kwa Mlungu, ahaliliga itawa ilyakwe, pebhadilaga nabhala na bhebhakudadila kumwanya. 7 Ishihano bhashitizizye kulwa ibho na bhalwitiho na kubhatola. Iwinza bhampiye vyondi kuvihoro, abhandu, indongo ninsi. 8 Bhondi bhebhakwihala mnsi, bhatimpute iwene, wondi witawa ilwakwe lyelitasimbilwe, kufuma kugomba kwinsi, kushitabo isha wumi, shesha Mwana wa Mlungu, we bhambholile. 9 Wewondi ali ni kutwe, na atejelevye. 10 Enge weka winyu webhamlemile, na webha mlemile atibhale. Ingave atigoje kwi panga, kwipanga bhatimgoje. Unu we wihale na kuvumilila na kusimishizya kubhala bhebhinza. 11 Iwinza iharola ishihano ishamwao shikwinza kufuma mnsi. Ali ni mbembe zibhili ugati ngole na aharongaga ugati njoha. 12 Alolesizye zyondi mshihano shila ishakuwandilo kubha kwakwe, na kubhomba mnsi na bhala bhebhahadilaga bhakumputa shila ishihano isha kuwandilo, ula wironda ilyakwe liponile. 13 Ahabhomba amayele iga maha, ahabhiha umwoto uyishe pansi kufuma kumwanya pilongolela pabhandu, 14 na kundolesyo ayitishiliwe kubhomba, ahabhandila ilenga kubhibho bhebhakwihala mnsi, akubhahuzya kugomba ishirolesyo kuwinza uwa shihano shila sheshavwalaye kwi panga, ilelo ali shakudila. 15 Ayitishiliwe kufumwa umwunyu inge shila ishirolesyo shironje na shilozye kuti bhala bhondi bhebhasitile kumputa ishihono kufya. 16 Ahapijila weka, watali nuwinza na wali na maha, udubwe na umluswe, umsatushe na wetemsatushe, kuposhela ishilolesyo mnyobhe indilo pamo pamiso. 17 Itahawezehanaga haa kwa mndu wowndi kukazya na kukala yoli wali nulumanyisyo ulwa shihano, ini ye namba iya kwimilila kwitawa ilyakwe. 18 Ini ikwanzilwa ahinza inge bhondi bhani kumanya mleshe abhombe ihesabu iyinamba iya shihano. Maana namba iya shiwundu. Inamba yakwe ni 666.