Umlango gwa 14

1 Ihenya na ihalola Umwana wa Mlungu ayimiliye pilongolela pani pamwanya pa Mlima Sayuni. Peka nabho bhali 144, 000 ibhitawa lyakwe na itawa ilya Tata wakwe lyandishiliwe ivikundilwa ivya pamiso pao. 2 Ihivya izi kufuma kumwanya ikwivizya ugati mbuno izya minzi aminji na izi ipiti ilya shimwangu. Izi lyenivyizye ugati bhebhakuhoma amalonji abhahomaji ibhamaronji igao. 3 Bhakwimba ulwimbo ulupya pilongolelo pitengo ilya wumi na pilongolela pabhawumi bhani na bhagosi. Atalipo numo wagawezya kumanyila ulwimbo yoli kubha 144, 000 bhebhasatuliwe kufuma mnsi. 4 Ibha bhebhala bhebhatayichafuye bhibho kubhandanda, bhene bhayigombile bhebhibho bhebhamlandatiye Umwana wa Mlungu pondi pabhala. Ibhabhasatuliwe kufuma kubhandu bhebhali matunda ya kuwandilo kwa Mlungu na kwa Mwana wa Mlungu. 5 Litalipo ilenga nalimo mwilomu mumwao; batakubhaseha. 6 Ihalola uhabhizya uwamwabho akubhutuha pakasi kumwanya, wali ninongwa izya kumwanya iwinongwa inyinza bhebhahayidalilaga mnsi kwa yondi insi, indongo na bhandu. 7 Ahabhabhilishila kwizi ipiti, "Mwogope Umlungu mmpe, uwinza. Insikuizya kulongwa ziparamiye. Mputaje iwene, iwene wagombile imwanya, na insi na isambi na shifumo isha mizyi." 8 Uhabhizya uwamwabho - uhabhizya uwa lwubhili - aharandata ahatishi, "Uguye, uguye Babeli umpiti, wewabhamwensizye ibhinsi ihombwa iya uwubhembu, ihombwe yeyaletile amayimba pamwanya iyakwe." 9 Uhabhizya uwa mwabho - uhabhizya uwawu tatu - ahabhalandata, aharonga kwizi ipiti, "Wowondi watishipute ishihano isho na ishilolesyo ishakwe, na kuposhela ishilolesyo pamiso pamu panyobhe, 10 iwene wope atimwele ihombwa iya mayimba iga Mlungu ihombwa yeyibhishilwe na kwita pepatali na kusanganya ni shikopa isha mlaha wakwe. Umndu watimwele atiyimbe kumwoto na umwoto uwa shibiliti pilongolela pabhahabhizya ibhakwe abhizya na pirongolela pa Mwana wa Mlungu. 11 Ni lyosi ilya kubhomba kwabho lihabhala wila na wila, na bhatali na kutuzya shamsanya na shausiku - ibho bhebhakuputa ishihano na ishilolesyo ishakwe, na umndu waposheleye ishilolesyo ishitawa ilyakwe. 12 Uru lyelyitiho ulya kuvumilile kubhaputi, bhala bhebhakwitiha indajizyo izya Mlungu nulusubhiro kwa Yesu." 13 Ihivya izi kufuma kumwanya likuti, "Yandiha iga: Yoli bhebhakufya mMwakwe." "Eee," akuronga Umpepu, "ingebhatuzye kufuma kufuma kumbombo izyao imbombo izyabho zihayibhalandatila." 14 Ihenya na ihalola kwali bhingo izelu, wayihaye kwibhingo weka waali uwakulinga Umwana wa Mndu. Ali ni pambo ilyi hela kwitwe kwakwe na insengo inyoji mnyobhe iyakwe. 15 Uhabhizya uwamwabho iwinza ahinza kufuma kushibhanza na habhilishila kwizi ipiti kubhala kwawula wayihaye kwibhingo: "Yega insengo yaho na uyande kuyebhela. Pe lufishile uluyebhelo, pe uluyebhelo lweluli mnsi lugomile." 16 Inahabhili ulawaali kwibhingo ahashizya isiku ilyakwe pamwanya pansi, na insi ihayebhelwa. 17 Nuhabhizya uwamwabho ahinza kufuma kushibhanza ishakumwanya wope amile ninsengo inyoji. 18 Na iwinza uhabhizya uwamwabho ahinza kufuma kushigema, na uhabhizya wa hayamlilaga pamwoto. Ahamubhilishila kwizi ipiti uhabhizya waalinsengo inyoji, "Yega insengo inyoji na ubhunganishe imbaswa izya izabibu zitonile." 19 Uhabhizya atwalile insengo iyakwe mnsi na abhunganishile ivindu ivya mzabibu uw mnsi na ahasumba mwipipa ipiti ilyihombwa iya mayimba iga Mlungu. 20 Ishichujilo ishihombwa shahomilwe homilwe panzi pa minzi na mabhanda gahitiha kufuma palulinganisho pifishiye indogomi, kusitadia 1, 600.