Umlyango gwa 15

1 Iwinza iharola ishilolesyo ishamwao kumwanya, imbiti na iyakuswijizya; Kwali nabhahabhizya saba bhebhali nihomo saba, yeyali homo ya iyakuwumalilishilo (kumlaha uwa Mlungu yali yeyikwiliye). 2 Ihalola shila sheshihafumila kuti isumbi iya bilauri yeyisanganile nu mwoto, ahimilila mmbali msumbi bhala bhebhashindi pashihono na pavilolesyo ivyakwe, na pamwanya pinamba yikwihala pitawa ilyakwe. Bhelemile amalonji yebhapewilwe nu Mlungu. 3 Bhahimbaga ulwimbo ulya Musa, umubhombi uwa Mlungu, nu lwimbo ulwa Mwana wa Mlungu: "Imbombo zyaho mbiti na yakuswiga, Umwene Umlungu, wamelime vyondi uwanayoli namadala gaho ganayoli, Umwene uwinsi. 4 Wunanu watipotwe kukutuya iwe Mwene na kulisalifya itawa lyaho? Pe wunewe wewanayoli insizyondi zihayizya na kukuputa pilongolela yaho wewanayoli na imbombo yaho imanyiline." 5 We gondi gabha ihenya, na pepinza ihani, pepali ni nipakupanjila yeya funguliwe kumwanya. 6 Kufuma pepinza ihani bhahinsa abhahabhizya saba ibhihomo saba, bhebhakwatile amenda ahinza, ishitambala sheshizelupile na mshipi uwihela kuzyungula ivifubha vwabho. 7 Weka uwa upuma bhani ahafumwa kubhahabhizya saba imbakuli saba izyi hela zyezyizuye amayimba iga Mlungu iwakudila wila na wila. 8 Pe pinza ihani pizuye ilyosi kufuma kuwinza uwa Mlungu na kufuma kumaha igakwe. Atalipo numo wahinjila ga pihomo saba iya bhahabhizya saba pe ihakwila.