1 Ihivya izi ipiti ikubhilishila kufuma kuwinza ahalonga kubhala abhahabhizya saba, "Bhalonga uhite pamwanya pansi imbakuli saba iya mayimba iga Mlungu." 2 Uhabhizya uwakuwandilo ahabhala na kwita imbakuli yakwe mnsi; amalonda amabhibhi na gega kubhobha ihani ginzile kubhandu bhebha nishilolesyo isha shihono, kubhala bhebhahaputaga ishilolesyo ishakwe. 3 Uhabhizya uwa wubhili ayitile imbakuli iyakwe mwasumbi; ahabha ugati mabhanda iga mundu wafuye, na shondi ishipapwe sheshumi mwasumbi shafuye. 4 Uhabhizya uwa utatu ahita imbakuli iyakwe mnyizi na mtundibwi utwa minzi; tuhabha mabhanda. 5 Ihivya uhabhizya uwaminzi akuronga, "Iwe womwinza - weka walipo na walipo, Umwinza - paletile kulongwa uku. 6 Pe bhitile amabhanda iga bhaputi na bhakubhi, ibhapiye ibhene kumwela amabhanda; shebhakwanzilwa." 7 Ihivya ishigema shikubhabhuzya, "Enaa! Mwene Mlungu uwakulema vyondi pamwanya pa vyondi, kulongwa kwaho kwa nayoli na kwe kukwo." 8 Uhabhizya uwa wuni ahita kufuma kumbakuli iyakwe pamwanya pi zubha, bhulipa kupemba abhandu kumwoto. 9 Bhahalungulila kumafuku igakwogofya, na bhazyilamwa inongwa izya Mlungu, iwamaha pamwanya pahomo yondi. Bhatazileshile pope kumpa uwinza. 10 Uhabhizya uwa usanu ahita kufuma kumbakuli iyakwe kushitengo isha wumi isha shihono, na ahiso hahagubishila uwumwene wake. Bhahasya amino kumbombo ihali. 11 Bhahamuliga Umlungu uwakumwanya kumbobho yabho na kuvwalala ukwabho, na pope bhatahazilehaga kuzila zye bhahabhombaga. 12 Uhabhizya uwa mtanda ayitile kufuma kumbakuli iyakwe ulwizi ulupiti, Frati, na minzi igakwe gahuma inge bhgombe amadala iga bhamwene bhebhahayinza kufuma kuwutukulo. 13 Iharola upepu bhatatu abhachafu ziharoleha ugati njeje bhafuma panzi pilomu panjoha, shila ishihano, nabhala abhakubhi ibhilenga. 14 Wu mpepu uwi mbepu zyezikubhomba indolesyo na mayele. Bhahabhalaga kubha mwene ibhinsi yondi inge bhabhabhunganishe peka kulwa isiku ilya shikurukuru iya Mlungu, walonile pamwanya pa vyondi. 15 ("Yenya! Ihayinza unzumwibha! Yoli ula wakundila kwa kugonelela wakusunga ivya kukwata vyakwe angatahabhale panzi ishitali na kulola insoni iaykwe.") 16 Bhahabhaleta peka pebhakuti Kiebrania Amagedoni. 17 Uhabhizya uwa saba ayitile kufuma kumbakuli yakwe iya mumwanya. Pe izi ipiti lihavwiha kufuma apinza na kufuma kwitengo ilya wumi, ikulonga, "Yisilile!" 18 Kwali nivimwanya ivizelu ivya nyundusi ishongo, imbono iya nyundusi, na kuyinga ikwakwogofya - urushindo ulupiti ulyinsi lyelutafumile narumo mnsi pabhandu bhalipo pansi, isho shiyingayinga ishipiti ihani. 19 Imboga imbiti ihalehana mmo mtatu, ni mbuga iyinsi ihangwa. Pu Mlungu ahamukumbuha uBaabeli umpiti, ayipa imbuga ishikopa sheshizuye ihombwa kufuma kumayimba igakwe gemahali. 20 Apimu mwasumbi pahatega na magamba gataloleha iwinza. 21 Ivwula imbiti iya mawe, ihabha nuwumwamu uwihela ihiha kufuma kumwanya iya bhandu, na bhahamtipa Umlungu kuhomo iyivwula iya mawe ila ihomo yali mbibhi nifya.