Umlyango gwa 8

1 Umwana wa Mlungu wahafungula ivyenyezyo vya saba, kuhapuma kumwanya kuhega inusu saa. 2 Ihabhalola abhahabhizya saba bhimiliye pilongolela pa Mlungu, bhahapa amasaji saba. 3 Uhabhizya uwamwao ahinza, alemile imbakuli iyihela yeyili ahinza, ayimiliye pashigema. Bhahampa ivisamalizyo kuwinji anga yefye peka nuluputo na bhebhakumwitiha bhondi pashigema ihela pelongolela pitengo ilya wumi. 4 Ilyosi ilyakusalifwa, peka nuluputo ulyalwitiho, ahazubha pamwanya pilongolela pa Mlungu kufuma mnyobhe mbhahabhizya. 5 Uhabhizya ahega imbakuli iya lusamalizyo ahizuzya umwoto kufuma kushigema.Pahasumba pasi pamwanya ipinsi kuhafuma izi ilyi vula, ishimwangu ishivula ni shiyingayiyinga ishinsi. 6 Bhala abhahabhizya saba bhebhali na masaji saba bhahazyaga kuzihona. 7 Uhabhizya uwakuwandilo ahahoma isaji ilyakwe, na kuhafumila ivula mawe nu mwoto wewusanganile namabhanda. Bhahasumba pasi pinsi yeyili ni nganda inge ilungulile, inganda iya mwikwi ihalungulila na masole gondi amasangwe ziharungulila. 8 Uhabhizya uwa wubhili ahahoma isaji ilyakwe, ahandu hehali ugati ligamba ipiti lyelihapwanga nu mwoto bhasumba mwasumbi. Inganda iya msumbi gahabha mabhanda, 9 ivindu ivipapwe mwasumbi vihafya, ivinsi ivya mmeli vihafya. 10 Uhabhizya uwa utatu ahahoma isaji ilyakwe, ni nzuta imbiti ihangwa kufuma kumwanya, ikuhozya ugati kurupu, pamwanya panganda inyizi nivifumo ivya minzi. 11 Iitawa ilyinzuta pakanga. Apansi ipaminzi pahabha pakanga, na bhandu abhinji bhahafya kufumilana na minzi gegali mahali. 12 Abhahabhizya bhani bhahahoma isaji ilyakwe, ingonda izubha ihahomwa, peka ninganda iya mwezi ingonda iyinzuta pe inganda iyavyondi ihagaruhana kubhahisi; inganda iyashamsanya ni ngonda iya sha usiku vitahabha nuuzelu. 13 Ihenya, nivya shilembo wakubumburuha pakasi pibhingo, akubhilishila kwizi ipiti, "Ahee, ahee, ahee, kubhala bhebhakwihala mnsi, kuhola kwisaji lyelisyaliliye ilelo lipalamiye kuhomwa na bhahabhizya bhatatu."