1 Ahatendela wa mwana wa Mlungu wahafungulaga indinjizyo saba, ihivya weka iwabhala bhebhumi bhani ahalonga kwizi lyeliholine nishimwangu, "Nzaga!" 2 Ihenya na pali indogomi inzelu! Wamampandile alini mbakuli, nawahampa ipambo. Ahafuma ugati watolile inge atole. 3 Wumo wa Mlungu wafungula ivimanyisyo ivya ubhili, ihivya uwaupuma uwaubhili akutishi, "Zyagaa!" 4 Pe ndogomi iyamwao ifuma - ishamamu unzu mwoto wampandile bhamwefizye uwoga uwakwefya uwinza mnsi inge bhandu bhabholane. Unu wampandile wampiye ipanga ipiti. 5 Wu mwana wa Mlungu wafangula vila ivimanyisyo ivya utatu, ihivya ibhaupuma bhatatu bhakuti, "Nzagaa!" Ihalola indogomi inyilu, nawampandile ali ni nsekelo mnyobhe iyakwe. 6 Ihivya izi lyelihalolehaga kubhalya bhala bhebhali nuwupuma akutishi, "ishililo ishingano kuhela yekana vililo vitatu ivyishairi kuhela yeka. Ilelo utahananganye amafuta ivya kumwela." 7 Wumwana waMlungu wafungula ivilolesyo ivya wuni, ihivya izi ilya upuma uwawumi wukutishi, "Nzagaa!" 8 Pe ihalola indogomi ivyutu. Wamapaandile itawa lyakwe wahatuji uwufye, na kuwuzimu ahamfyataga. Bhabhapiye zyondi izya kuomba izya mpepu iwinsi, kugoga kwipanga, kunzara na kuwubhinu, na kuvihano ivya mwilala ivya mnsi. 9 Kumwana wa Mlungu afungula ivimanyisyo ivya usanu, ihalola pasi pashigema umpepu uwabhala bhebhabhagojile kumazi iga Mlungu na kufumilana na hapangwo hehafumiline nizi ilya na lyoli. 10 Bhahalila kwizi ipiti, "pe lino, Umlemi wavyondi, umsundikwa uwanayoli, utubhalonje bhebhakwihala mnsi na kugalusya amabhanda igitu?" 11 Pe wondi wampiye igolole izelu nabhahabhabhuzya gulili hati ibhulo pe ihesabu yafishila iya bhabhombi abhamwao na bhaholo ibhabho ibhashandanda na abhashisahala piinzikufishila kubhagoga, inza shila shebhene bhagojile. 12 Wumwana waMlungu afunguye ivimanyisyo umtanda, ihatendela pali ni shinga yinga ishipiti. Izubha lihabha lyihu inzi gunila ilya masisila, nu mwezi uhabha ugati mabhanda. 13 Inzuta izya kumwanya zihangwa pasi, inzikwi shelikulezya amatunda igakwe iga mu mbepu wewukuyinzanya ni shivyulungwa. 14 Imwanga yepile ugati vitabo vya bhazinjile. Gondi amagamba gasamile bahabhiha apakwe. 15 Abhamwene ibhinsi na bhandu ibhinjele na bhapiti, abhadubwe, ibhamaha, wondi wepinye numusatushe, bhahubha mmipangapanga. 16 Bhahagabhuzya amagamba namansi, "Tungwilee! Tufise pamiso pe wanjihaye pitengo ilya wumi na kufuma kumlaha uwa mwana wa Mlungu. 17 Pe insiku imbiti iya mayimba igabho ipalamiye, pe wunanu wagawezya kwimilila?"