Umlyango gwa 5

1 Pihalola inyobhe iya kundilo iwawula wayihaye pitengo ilya wumi, ishitabu sheshondishilwe kwilongolela na kulusaro, lyali lye bhapanyizye ivilolesyo saba. 2 Namlolile uhabhizya uwamaha akulumbilila kwizi ipiti, "Wunonu wakwanzilwa kufungula ishitabo na kupwotanya ivilolesyo ivyake?" 3 Alipo umndu kumwanya pamwanya pe pansi watagafungula ivitabu pamkuvibhazya. 4 Nalilile kumlaha patamanyishile wowondi waha zilwaga kufungula ivitabo na kubhazya. 5 Ilelo weka ibhagosi ahambuzya, "Utalilaje. Yenya! Insama iyashiholo isha Yuda, ishanzo isa Daudi, atolile, agawezya kugubula ishitabo na ivilolesyo ivyakwe saba." 6 Pakasi pashitengo isha wumi na bhebhali nuwumi bhamile peka na bhagosi nalolile ingole iyimiliye, akuloleha unzula webhamgojile. Alinimbembe saba - izi mbepu izya Mlungu zyezisondelezizye mnsi mwondi. 7 Abhala ahega ishitabo kufuma kunyobhe indilo kwa yula wayihaye pitengo ilya wumi. 8 Wayega ishitabo, bhebhali nuupuma bhani na bhagosi ishilini nabhani bhahasulema paka pasi pilongolela pingole. Weka alinironji ni mbakuli iyihela zyezizuye amafuta iga luputo ulwa waputi. 9 Bhalabhile ulwimbo ulupya: "Ikwanzilwa kwega ivitabo na kugubula ivilolesyo ivwakwe. Pebhabholile, na kumabhanda gaho ahamkalila Umlungu abhandu ibhakila shihoro indongo, abhandu na insi. 10 Uhabhabhiha abhamwene na bhaputi na kumbhombela Umlungu uwitu, bhope bhalilema insi." 11 Pe ihenyu na ihivwa izi ilya habhizya abhinji bhazyunguluye itengo ilya wumi - uwinji wabho wali 200, 000, 000 na bhebhali nuupuma abhagosi. 12 Bhalonga kwizi ipiti, "Ikwanzilwa umwana iwingole webhabholile, kuposhela kumaha, udubwe, uwinza, amaha, kushindiha, ulupalilizyo, na zyondi." 13 Ihivya shondi sheshipapilwe sheshili kumwanya na pasi na pamwanya pasumbi hondi handu mkasi yakwe hehakulonga, "Kukwakwe wayihaye pamwanya pitengo ilya wumi na kwa mwana wa Mlungu, kubha izya nalyoli, kushindiha, uwinza, na maha kulema wila na wila." 14 Ibhaupuma wanane bhahalonga, "Amina!" na bhagosi bhahasula pasi na kuputa.