1 Pimbo ini ihayenya, ihalola kuti umlyango wali wewigushile kumwanya lila izi ilya kuwandilo, rihalonga ugati lisaji, lihati, "Nzaga ipa, indikulolesye gegahayiloleha wimbo ini yasila." 2 Lyeka nali nu Mpepu, iharola kwali ni tengo ilya wumi libhishilwe kuwanya, ni mundu ayihaliye. 3 Weka washihaliye aharolehaga ugati liwe ilya yaspi na akusimishizya. Kwali ni pingupingu ilyivula lyizyungulya ishitengo ishawumi. Ipingopingo ilyivula lihalolehaga inzi zumaridi. 4 Kushizyungula ishitengo ishawumi kwali nu vitengo ivwawumi ivwamwao ishilini na vini, nebhebhihaye mvitengo ivya wumi bhali bhagosi ishilini na bhani, bhakwatile amenda amazelu na mapambo ugatihela mwindwe ilyabho. 5 Kufuma kwitengo ilya wumi kwafumile ishimwangu na kutalaluha, ishongo na kutaraluha. Ivihozyo saba vihahaga pilongolela pitengo ilya wumi, vihozyo saba ivya Mlungu. 6 Inahabhili pilongolela pitengo ilya wumi pali ni sumbi, yeyali nyazi inzi garazi. Bhondi kuzyungula itengo ilya wumi kwali nabhapuma nane, bhebhizuye amiso kwilongolela na kurusalo. 7 Ahandu ihakuwandilo hali nu wumi haholine ni nsama, ahandu iwibhili hehamile nuwumi hali ungati ngwata, ahandu iwutatu hali nu wumi pamiso pali ungati mndu, nula wali nu wumi waali ungati wushilembo wabumburushile. 8 Ivindu vyevinuupuma vini vyondi vyali na mapiho umtanda, bhizuye amiso kumwanya na pasi. Shausiku na shamsanya bhatakulita haa kulonga, "Umsundikwa, umsundikwa, umsundikwa wu Mulungu, mpiti uwabhondi, walipo, na walipo nawahayinza." 9 Ivipapwe vyevwumi vwevwampelile nuwupiti, kumpala kushindiha, kusalifya kwilongolela wayihaye pitengo ilya wumi, uwene wayihaye wila shima, 10 abhagosi ishilini na bhani bhahamlabha ibhene pilongolela iyakwe wayihaye itengo ilya wumi. Bhasulama pasi kukwakwe wakudila wila shima na kusumba pasi ipambo ilya pilongolela pitengo ilya wumi bhaharonga, 11 "Ikwanzilwa iwe, Umwene iwitu Umlungu uwitu, kuposhela upiti nulushindhiho na maha. Pavipapile ivindu vyomdi, pulugano ulwakwe, vyalipo na vyapelilwe."