Umlyango gwa 20

1 Iharola uhabhizya akwiha kufuma kumwanya, ali ni mvunguro iya mlina lyelita kusira nu mnyororo upiti mnyobhe izyakwe. 2 Ayilema ila injoha, injoha iyimandi, wewusetani, nakumkunga amaha elfu. 3 Ahamsumba mlina lyelitakusila, ahalikunga na kulibhila ishimanyisyo pamwanya yakwe. Ini yali isho inge atahabhahopele ibhinsi pegahabhe amaha elfu pegahayisila. Pe ipo, bhayimleha hatibhuro. 4 Pe ihalilola ibho ilya wila bhebhihaliye bhabhala bhe bhabhapiye kuti bhalonganye. Iwizya iharola bhala bhe bhabhadumuye amatwe kuhapongo iha Yesu na kunongwa izya Mlungu. Bhatahamputaga ishihano pamo ishiholanyo ishangwe, bhahanile kuposhela ishirolesyo pamwanya pamiso zyabho na panyobhe. Bhahinza kuwumi, pe bhahalema peka nu Kilisiti kumaha elfu. 5 Abhafye bhebhasyalile bhatinzile kuwupuma kumaha elfu wegasila. Unu wewuzyusye uwa kuwandilo. 6 Umsaye nu mwinza we mndu wowondi wakwega uluzusyo ulwa kuwandilo! Uwufye uwawubhili watana maha kubhandu ibha. Pahayibha nabhakubhi ibha Mlungu nabhaputi nabhahayile ma inawo kumaha elfu. 7 Wamaha elfu wegafiha pilongolela, usetani pe bhahayimwefya kufuma muwupenywe mwakwe. 8 Ayibhala panzi kubhandila ilenga ibhinsi mumbali mni mnsi - Gogu na Magogu - kubhaleta peka kwibho. Bhahayibha abhinji ugati msesenga uwa mwasumbi. 9 Bhahabhala pamwanya pautena uwinsi na bhahazyungula pibhazya ilya bhaputi, imbuga iyarugano. Ilelo umwoto uhinza kufuma kumwanya na kubhagoga. 10 Usetani, wabhahopeye, bhamsumba mumwoto wewukwaha nishibiliti, mwe ishihono na umkubhi iwilenga mwebhabhasumbile. Bhatibhayimve uwusiku na shamsanya wila na wila. 11 Pe ihalola itengo ilya wumi ipiti izelu na ula wayihaye pamwanya yakwe. Insi ni mwanya zihashimbila ukutali kufuma kubha kwakwe, ilelo patalipo ipakuti bhagabhala. 12 Ibharola bhebhafuye - abhinza na bhetebhinza bhimiliye pitengo ilya upuma, na ivitapu vya guburiwe. Iwinza ishitabu isha mwabho shaguburiwe - ishitabu isha upuma. Abhafye bhalongilwe kushila sheshindishiliwe mkasi, mvitabu, kuvila mvebhabhombile. 13 Isumbi ihabhefya abhafye bhebhali mkasi iyakwe. Uwufye na kuwuzimu vihabhafya mwa abhafye bhebhali mkasi yakwe, na bhafye bharongilwe inza shebhabhombile. 14 Uwufye na kuwuzimu zyasumbilwe mkasi mumwoto unu wewufye uwawubhili - uwa mwoto. 15 Ingitawa ilya wowondi bhatalyajile lisimbilwe mkasi mshitabu isha upuma, asumbilwe mumwoto.*