1 Pe iharola imwanya imya na insi imya, pe imwanya iyakuwandilo ni ninsi iyakuwandilo izshilile na inongwa zitalipo iwinza. 2 Iharola pe pinza, pa Yerusalemu apapwa, wewinzile pasi kufuma kumwanya, wewugombilwe ugati wiweji wagombilwe ni mbombo ia mlume. 3 Ihimva izi ipiti kufuma kwitengo ilya wumi likulonga, "Yenya! Uwihale wa Mlungu ulipeka na bhandu, wope atidile peka nabho.Bhatibhe bhandu bhakwe, nu Mlungu wuyo atibhe nabho na atibhe Mlungu wabho. 4 Atisyumule amansozi kufuma mmiso igabho, na tepahabhe uwufye iwinza, pamkuzinda, pamkulila, pamkubhobha. Inongwa izyimandi zihashila. 5 Iwene wayihaye mwitengo ilya wumi aharonga, "Tazama! Ingubhomba imbombo kubha imya." Aharonga, "Simba izi nongwa izya nalyoli na yanayoli. 6 Ambuzizye, "Inongwa izyo zyashilile! Ine na wakuwandilo nawa Kumwisho, kwa wowondi wakulola ishumilwa indimpe ishakumwela pepatali ni shakufumwa kufuma mshifumo isha minzi iga wumi. 7 Wakutola atipwanile inongwa izi, naihayibha wu Mlungu wabho, wope ahayibha mwana wani. 8 Ilelo inzashili kubhoga, bhebhatakwitiha, bhebhakwilamwa, abhagoji, abhabhembu, abharozi, bhebhakuputa iviholanyo, nabhoga bhondi, ibho bhondi kubhala kumwoto uwa shibiriti wewukurungulizya. Uyo wewufye uwa wubhili." 9 Weka uwabhahabhizya saba ayinzile kukwani, weka waali ni mbakuli saba zyezizuye ihomo saba iya kukwila na aharonga, "Nzagaa ipa. Indikulanje umama uwaweji, umshi uwa Mlungu." 10 Pe ahanega ukutali ku Mpepu uwigamba ipiti na itali nahandanga apinza, pa Yerusalemu, ukwiha kufuma kumwanya kwa Mlungu. 11 Yelusalemu yali nuwinza uwa Mlungu, uwinza wakwe wali ugati shindu ishinza, inziwe ilya shirolelo ishinza isha yaspi. 12 Kwali nu rubhaga ulupiti, urutali uwamlyanga ishumi na gabhili, peka na bhahabhuzya ishumi lyeka na bhabhili pa mulyango. Pamwanya pamlyango pasimbilwe amatawa ivihoro ishumi navibhili iya bhanabha Israeli. 13 Urubhazu ulya kuwutukuro pali na malyango gatatu, urubhazu ulya kumali ndede nalyango gatatu, urubhazu ulya kumatwe amalyango gatatu, urubhazu ulya kuwusyero amalyango gatatu. 14 Imbaga zyali nivwandiro ishimi lyeka na vibhili, na pamwanya yakwe pali na matawa ishumi lyeka na gabhili abhasundikwa ishumi lyeka na bhabhili ibha Mlungu. 15 Weka waronjile nine ali nishi pimo ishindisa yeyagombilwe ni hela kupima shepali, amalyango igakwe na mmbali mwabho. 16 Pala bhahabhiha pahabha pepalinganile; utali wakwe wali peka nu ubaba wakwe. Ahapi ma kushipimiro ishi ndisa, stadia 12, 000 kuwutali (uwutali wake, uwubabana na kwiha vyahorine). 17 Iwinza apimile urubhazu ulyakwe, upiti wakwe wali dhiraa 144 kuvipimo ivya shibhandu (vwe vipimo bhahabhizya). 18 Ulubhumba lwazengilwe kwa yaspi na ihaya izyi hela inyinza, inzi shirolelo ishinza. 19 Muwandiro mlubhumba yagombilwe niwe ilyinza. Ilyakuwandiro lyali yaspi, ilya wubhili lyali yakuti samani ilya wutatu lyali kalkedon, ilya ine zumaridi, 20 ilya tano sardoniki, ilya mtanda akiki, lya saba krisolitho, ilya nane zabarajadi, ilya tisa yakuti iyi nsungwe, ilyi shumi krisopraso, ilya ishumi na lyeka hiakintho, ilya shumi na zibhili amethisto. 21 Amalyango ishumi na gabhili yali uwinza ishumi lyeka na gabhili, wondi umlyanga wagombilwe kufuma kuwinza weka. Ihaya mumbugu zyali hela inyinza, ikuroleha inzi garazi ilyinza. 22 Indarolile ishibhanza shoshondi mkasi mhaya, pe Umwene Umlungu, watileme vwondi, na Umwana wa Mlungu shibhanza ishakwe. 23 Ihaya itahanzaga izubha pe kuhozya pamwanya pakwe uwinza wakwe uwenza uwa Mlungu wansizye pamwanya yakwe, na ikoroboi yakwe Mwana wa Mlungu. 24 Abhanansi bhatijende kuluhozyo ulyihaya ini. Abhamwene ibhinsi bhatilete uwinza uwabho mkasi mwakwe. 25 Amalyango igakwe tegahigaliwe shamusanya, na tepahabhe nuusiku pala. 26 Bhahayileta uwinza na mshinji uwinsi mkasi yakwe, 27 na shibhibhi teshihinjile nashimo mkasi yakwe. Tewowondi wabhombile ahandu hohondi iha kusupizya na kupohela tahinji mshitabu isha upuma Mwana wa Mlungu.