Umlyango gwa 19

1 Winongwa izyo ihivwa izi ugati ligamba ipiti ilyi imbuga imbiti iya bhandu kumwanya ikulonga, "Haliluya. Uwuponwe, na uwinza, na maha vya Mlungu uwitu. 2 Kulongwa kwakwe kwanayoli na zya nayoli, pa amronjile umbhembu umpiti wayinanganyinye insi kuwubhembu wakwe. Abhombile kulandazya kumabhanda iga bhabhombi ibhakwe, yayitile wuyo." 3 Ulwawubhili bharonjile, "Ayimishilwe! Ilyosi likufuma kukwakwe wila na wila." 4 Bhala abhazehe amashumi gabhili na nane na ivipapwe vini bhahavisalifya na kumputa Umlungu wayihaye kwi tengo ilya upuma. Bhaharongaga bhahatinji, "Amina. Ayimishilwe!" 5 Pi izi lihafuma kwitengo ilya wumi, iharonga, "Msalifye Umlungu uwitu, imwe mbhasondelezwi ibhakwe bhondi, mwe mkumlabha wuyo, bhondi bhebhatana hamu na bhebhali na maba." 6 Pe ihimva izi inzizi ilyimbuga imbiti iya bhandu, izizi ilyimbuno iya minzi aminji, na inzimbuno iyivula, ikuronga, "Ayimishilwe umwene wu Mlungu uwitu, walemile vyondi, akulema. 7 Na tururutile na kusha na kumpa uwinza pe ishi uweji nishikurukuru isha Mwana wa Mlungu iyinzile, nu mama uwaweji ayitishile." 8 Ayitishiliwe kumkwatizya ishitambala ishinza na wuyo kubhingamila (ishitambala ishizya nongwa inyinza izya bhaputi). 9 Uhabhizya aharonga nine, "Gasimbe iga bhasayilwe bhebhabhaanjiye kushi kurukuru ishaweji uwa Mwana wa Mlungu." Shinisho ambuzya, "Izi nongwa izyane na lyoli izya Mlungu." 10 Ihasalifya pilongolela pa vinama ivyakwe ihamputa, ilelo ahambuzya, "Utabho na uwahorowaho wa kulema ahapango iha Yesu. Mpute Umlungu, pe hapango iha Yesu mpepu uwa bhakubhi." 11 Pe iharola imwanya yiguha, ingwenya kwali ni ndogomi umzelu! Nula waali wapondile bhahatinji Umwonza na wa. Nayoli. Kurongwa ukwa nayoli na kubhomba ibho. 12 Amiso gakwe ugati mbibhi izya mwoto, na pamwanya pitwe ilyakwe ali namapambo aminji. Ali ni tawa lye lyandishiliwe pamwanya yakwe watali manyile mndu wowndi yoli wuyo. 13 Akwatile umwenda webhadumbishile mmabhanda, ni tawa ilyakwe bhahatinji wunongwa izya Mlungu. 14 Abharugu ibhakumwanya bhahamlandatilaga nebhakwanza indogomi inzelu, bhabhakwatizizye ishitambala ishizya inzelu na inyinza. 15 Mwilomu mwakwe mkufuma ipanga ihali wewakuma insi, wope atibhatabhale kundisa iyijela. Wope akuhanya ivyombo ivyihombwa kumlaha umhali uwa Mlungu, akulema bhondi. 16 Wope asimbihwe pamwanya pa mwenda wakwe na parusaho ulwakwe itawa, UMWENE UWA BHAMWENE NA UTA IWA BHATATA. 17 Iharola uhabhizya ayimiliye pizubha. Ahabhabhilishila kwizi ipiti inyonyi zyondi zyezikubumburuha kumwanya, "Nzaji, mubhungane peka kushakulya ishipiti isha Mlungu. 18 Nzaji mlye inyama iya bhamwene, inyama iya bhahali, inyama iya bhandu abhapiti, inyama iyi ndogomi na bhebhakupanda indogomi, ni nyama iya bhandu bhondi, bhebhaliahinza na bhapinywe, bhebhatali nizya kubhomba na ibhamaha." 19 Ihashirola ishihano na umwene uwunsi peka na bharugu bhabho. Bhayipanjire kwakulwa na weka wapandile indogomi na bharugu bhakwe. 20 Ishihano shalemilwe nu mkubhi wakwe iwilenga waziresizye indolesyo kubha kwakwe. Kwa ishara hizi aliwadanganya wale walioipokea chapa ya mnyama na walioisujudia sanamu yake. Bhondi bhaha bhasumba she bhapuma mmwoto lyelikwaha ni shibiriti. 21 Bhebhasyalile bhahabhagoga ni panga wewafumile mwiromu mwa weka wapondile pamwanya pindogomi. Inyonyi zyondi zyaliye imibhili yeyifuye yabho.