1 Aha bhabhilishila abhalandati bhakwe, ishumi na bhabhili ahabhapa uwamulo na maha aga kubhinga amapepu na gakubhaponwe abhabhinu. 2 Abhasontelezya kulumbilila intumi izya umwene mulungu na kubhaponwa abhabhinu. 3 Abhabhuzya ahati, ''Wemkushula mtaha pimbe ahantu nahamu indisa, imbugulu ishakulya, inhela awe amenda. 4 Inyumba yoyonti ye mwinjila mhabhanje, munumwo paka pe mhayisogola muhaya yiniyo. 5 Poponti pala pebhatabhaposhela, we mkusogola muha kunyuntaje ulusuto mvinama vwinyu kubhasoha kuti bhakumhana Umulungu.'' 6 Bhahabhala mhaya bhahalumbililaga intami na kubhaponwa abhabhinu kwonti kwe bhaha bhalaga. 7 Umwene u Herode, ahivwa, zyonti zye ahabhombaga zihamuzyuguhanya nhani kunongwa ye bhamu bhahalongaga bhahatinji u Yohana umwozyi azyushile kufuma kubhafwe, 8 Bhamu bhahalonga bhahatinji umkuwi u Elia ayinzile winza, bhamu bhahalongaga bhahatinji umkuwi weka mubhakuwi abhimandi azyushile. 9 U Herode ahati, ''UYohana, na mdumuye itwe wunanu wakubhomba zinizi zye inkuzivwa? Pe u Herode ahanzaga indala ilya kumulola u Yesu. 10 Abhasundikwa bhala bhahagalula, bhaha mubhuzya zyonti zyebhabhombile pe ahabhega peka inawo. Ahabhala imwene, muhaya yebhatinji Bethisaida. 11 Ilelo abhinji webhamanya kwe abhalile bhaha mulandata, ahabhaposhela ahabhamanyizyaga intumi izya umwene Umulungu, habhili ahabhaponwanga abhabhinu. 12 Wekwabha lyabhela abhalandati ishumi nabhabhili bhahabhala kukwakwe bhahati, ''Ubhitishizye abhandu bhabhele mu uhaya izya mpipi na muvwizi inga bhalabhe ishakulya, na pakugona kunongwa ye ipa papilala.'' 13 Ahabhabhuzye ahati, ''Bhape munemie ishakulya.''Bhahati ''Tutali nahamu amakati gasanu niswi zibhili nyene bhaga tubhale tukale ihakulya ishamwabhoshe shingabhayana abhandu bhonti ibha.'' 14 Abhandu bhebhapo pala abhachala bhanile ielufu zisanu pala. Ahabhabhuzya abhahandati bhakwe.''Bhihazye pansi muvipuga ivwa abhandu mashumi gasamu gasamu. 15 She bhahabhomba anza she abhabhu zizye abhandu bhonti bhahihala. 16 Pe ahega amakati gala gasamu ni nswi zibhili ahenya kumwanya na kumlabha Umulungu, asaye ahamesulanya amakati ahabhpa abhalandati bhabhagabhile abhandu. 17 Bhonti bhahalya bhahikuta, bhahabhunganya isenyenha zihizula ivitundu ishumi na vibhili. 18 Isiku limo u Yesu nabhalandati bhakwe, bhamile peka kukwilu ahaputaga kwa Mulungu abhalandati bhakwe bhamile peka inawo ahati, ''Abhandu bhakuti ine nanu?'' 19 Bhahamwamula bhahati, ''Bhamu bhakuti, ''Yohana umwozyi, mwamubhakuti Eliya, bhamu bhakuti iwe we weka mu bhakuwi abhimandi we azyushile.'' 20 Ahabhabhuzilizya, ''Imwe mukuti na nanu?'' U Petro ahamwamula ahati, ''Iwe we Kristi kufuma kwa Mulungu.'' 21 U Yesu, ahabhahana kyti bhata hamubhuzye umundu numo inongwa zinizyo, 22 Ahabhabhuzya ahati umwana wamundu ahondeye kuyimba kuhanwa na bhasongo na punti abhapiti na bhamanyizyi abhi ndajizyo bhatayimugoga isiku ilya wutatu ahayizyula. 23 Ahabhabhuzya bhonti, ''Umundu wowondi wakwanza kundandata, yikuti ayihane wuyon na kupimba ishihobhenhanyo shakwe isiku zyondi andandata. 24 Wowondi wa kwanza kwokola uwumi wakwe atiwutezye, ilelo ula we akuwufumwa uwumi wakwe wuyo kukwani ahayi pona. 25 Umundu akuhaga hantu honi inga abhiha insi yonti, yabha yakwe ilelo awutezye uwumi wakwe uwawila nawila? 26 Wowonti we akundolela insoni ine ni manizyo zyani, wope umwana wa mundu we akwiha muwumwamu wakwe, nu watata nu wabhahamizya abhafijile ahayimulolela insoni. 27 Nalyoli inkubhabhuzya, panapo bhalipo bhebhahayilola kwinza ku mwene wa Mulungu we bhashili kufwa.'' 28 We zyashila insiku nane kufuma pe ahalongaga amazwi ganago u Yesu ahamwega u Petro, u Yohana nu Yakobo, ahazubha nabho mwigamba kuputa. 29 We akuputa ahagaluhana, pamiso pakwe na menda gakwe gahabha mazelu gahalama inhani. 30 Ahabhalilo, hanaho bhalipo abhesahala bhabhili bhahalongaga inawo! Bhamile wu Musa nu Elia, 31 Bhahalongaga nawo she atimalilizye zye umulungu asibhiliye. Izya kufwa kwakwe mu Yerusalem. 32 Ahabhalilo hamaho u Peteo na bhamwa bhobhagonile ilelo we bhakudamuha. Bhahalola uwumwamu, habhili bhimiliye peka nawo. 33 Webhakulehana nu Yesu, u Petro ahamu bhuzya, ''mpiti hinza kuti tuli panapa tuzenje ivwegwi vitatu. Shimo shibhe shauho shimo sha Musa, ni shamwabho sha Eliya.'' Atamanyile lye akulonga. 34 We akulonga amazwi ganago, lihinza ibhingo lihabhagubishila; ipo pe bhahogopa inhani. 35 Izi lihavwinha mwibhingo lihati, ''Unuwe mwana wani weimusabhuye. Mumwivwaje wuyo.'' Izi we lyavwinha, u Yesu amile imwene. 36 Bhahapuma mye, bhatahamubhuzya numo munsiku zinizyo zye bhazilolile. 37 Indabhi yakwe, webhiha kufuma mwigamba bhahahomana nimpuga bhandu abhinji. 38 Yenya, umsahala kufuma mpuga yila ahabhilishile ahati, ''Wemumanyizyi inkulabha umwenye, umwana wani kunongwa ye indinawo wununu mwene. 39 Ipepu ibhibhi likumubudaga pa napo akuholaga nhani, habhili ngati likumyinzanya na kumngwisya pasi akubha ngati washi zilisi kumo umtatafula wukufuma kwilomu. Ikumwepa kumanyimba ikumleshezya hashebhulo. 40 Imbalambile abhalandati bhaho kuti bhalibhinje bhapotilwe.'' 41 U Yesu ahati, ''Imwe mubha habhalilo hehatali nu lwitiho, mwe bhabhombambibhi imbe nimwe habhalilo hehali bhuli? Mlete umwana waho kukwani.'' 42 Umwana ula wakubhala, ipepu ila ihamugwisya pasi lihamuyinzanya kwimbando. Pu u Yesu ahalihajila ahamponwa umwana ula ahangulusya kwa Yise wakwe. 43 Bhondi bhahaswiga nuwupinti wa Mulungu. Webhekuswiga ziyonti abhombile ahabhebhuzya abhalandati bhakwe ahati, 44 ''Tejelezyi ahinza umwana wa mundu atitwalwe munyobhe zya bhalugu.'' 45 Ilelo bhataha zyaganyaga zyakulongaga, bhafisiwe inga bhata zyaganyaje habhili bhahogopaga kumubhuzilizya.'' 46 Bhandakudalinhana kuti wunanu wempiti mushipuga shabho. 47 U Yesu ahamanya isibho zyabho, pe ahamwega umwana umunsi, ahamubhiha papipi nawuyo, 48 Ahabhabhuzya ahati, ''We akumposhela umwana umunsi azumu mwitawa lyani, akumposhela nene, habhili we akumposhela ine pe atibhe amposheleye we ansondelezizye we munsi kukwinyu mwenti wunuyo we mpiti kushila bhonti'' 49 U Yohana ahamubhuzya ahati, ''Wempiti, twamulolile umundu umo akubhinga amapepu kwitawa lyaho, tuhamuhana kunongwa yatali peka nitwe.'' 50 U Yesu ahamwamula ahati, ''Mtamuhanaje, kunongwa ye umundu we atakubhahana alipeka nimwe'' 51 Insiku zyakwe izya kuzubha kumwanya wezya palamila ahamula kubhala ku Yerusalemu. 52 Pe ahabhasontelezya abhandu bhalongolele muhaya iya bhasamaliya inga bhamulingani zanye pamu. 53 Ilelo abhandu bhahamuhana kumposhela, kunongwa ya ahambiye kubhala ku Yerusalemu. 54 Abhalandati bhakwe u Yakobo nu Yohana webhalola linilyo, bhahati, ''Wemwene ukwanza tulabhe umwoto wishe kufuma kumwanya wu bhapembe?'' 55 Ilelo ahagaluhana ahabhalalila. 56 Bhahasongola bhahabhala muhaya ahanji. 57 Bhebhakusongola mwindala lyabho, umundu umo ahamubhuzya ahati, ''Intikulandate kwonti kukubhala.'' 58 U Yesu ahamubhuzya, ''Imbila ziliningwenya, inyonyi izya kumwanya zili ni vwanswi ilelo umwana wa mundu atali ni pa kwihala.'' 59 Ahamubhuzya umundu umwabho ahati, ''Ndandataje.''Ilelo iwene ahati, ''Mwene, nitishizye imbale suti imusyile u Yise wani,'' 60 Ahamubhuzya ahati, ''Bhaleshe abhafwe bhabhasyilaje abhafwe bhabho, lyoli iwe umulungu kula kwondi.'' 61 Wope uwamwabho ahamubhuzya ahati, ''We mwene, intikulandate isuti imbale indaje kuhaya.'' 62 Ilelo u Yesu ahamubhuzya ahati umundu, inga ayanda kulima kumo akugaluuhana kwenya kulusalo uyo atahondeye kubha mubhombi mwamwene mwa Mulungu.''