¹ Pilongolela , umwene ahasebha abhamwaho amashumi saba na bhabhili kuti abhasontelezye bhabhilibhabhili muuhaya na mumbali kwa hayibhalaga wuyo inga bhalongolele. ² Abhabhuzya ahati, ''Iviyabho vwinji, ilelo ibhakusezya bhali bhashe. Pe mumulabhe umwene uwi shizi asondelezye abhandu ibha kusezya. ³ Malaji mlaya ipinti. Mwenye, ikubhasondelezya anza ingole zye zyikujenda pakasi pambwa izya mwilala. ⁴ Mtapayaje inhela, imbugulu awe ivilyatu habhili mtahamlamushe umundu ngaweka mwidala. ⁵ We mwinjila mu nyumba yoyonti, mlamuhaje suuti mutinji uwutengamu wubhe munyumba ini. ⁶ Inga uwa wutengamu alipo panapo, utengamuwiyutewa syale panapo, ilelo anza atalipo tewuhe kukwinyu. ⁷ Mtasamangaje lyoli inyumba yebhabhaposhela, muhihalaje mumwo muhamwelaje na kulya. kunongwa ye umubhombi ahondeye kuti aposhelaje kufumilana ni mbombo yakwe. ⁸ Inga mwinjila munhaya yimo anza bhabhaposhela mlyanje ishakulya shoshonti she bhakubhapa, ⁹ Mubhaponiaje abhabhinu bhebhali munumwo. Mubhabhuzyaje, 'Kuti Uwumwene uwa Mulungu wu fishile ku kwinyu' ¹⁰ Ilelo inga mwinjila munhaya yimo, bhatabhaposhela, muhasogolaje mwenemo wemkushila mumadala mutinji. ¹¹ ''Pope amasuto agi nhaya yiniyo gegali muvinama vwitu tukukunyunta kutu wubhe wuketi! ilelo mumanye kuti umwene wa Mulungu wufishile.' ¹² Ikubhabhuzya kuti isiku ilya kulongwa yihayibha nu lufundo ulupiti kushila ulufundo ulwa abha Musodoma kushila ihaya iyo. ¹³ Lwinyi imwe mubha Korazini, lwinyu imwe mubha Bethsaida! Ibhanje gabhombeje munhaya iya mu Tiro na mu Sidoni, nhani bhalatile, kulata kwabho kwidala ilya kukwata amafuku kuyipaha amalota. ¹⁴ Ishi pisiku ilya kulomngwa ulufundo lwinyu lupiti kushila ulwa bhandu abha mu Tiro na Sidoni. ¹⁵ Nimwe mubha Kapernaumu, kuyilola kuti mhayifiha kumwanya kwa Mulungu? Ndali muhayisumbwa pasi kuwuzimu. ¹⁶ Ahanti we akubhivwa imwe akunivwa nene, habhili we akuhama kumposhela ine, atibhe akuhama kumposhela we amsondelezizye'' ¹⁷ Amashumi saba na bhabhili bhahagaluha bhashiye bhahati, ''We mwene, gope amapepu gakututiniha kwitawa lyaho.'' ¹⁸ U Yesu ahabhabhuzya ahati, ¹⁹ ''Imulolile usetani akwiha ngati shimwangu kufuma kumwanya. Yeeya, imbapiye amaha aga kumtola umulungu mu zyonti kumaha ganago mtihanyaje injoha ni inge nahamu ihakubhavwalazya. ²⁰ Ilelo anga mukusha kunongwa ye amapepu amabhibhi gakubhatinila, lyoli museshelaje kunongwa ye amatawa giyu gasimbilwe kumwanya.'' ²¹ Ahabhalilo hanaho ahampa kuseshela uhani we tata, mwene uwa kumwanya na pasi inkusalifwa kunongwa ye amazwi iga ubhafisile abhinjele na bhahabhizye ilelo ubhapinye abhana abhansi ishi tata shinisho she uyiganile.'' ²² Ampiye vwonti utata wani, atalipo we amumanyile umwana lyoli wu tata mwene, habhili atalipo we amumanyile utata, lyoli wu mwana, wowonti we umwana akwanza kumlanga.'' ²³ Ahagalunhana kubheya abhalandati ahelonga kukwilu kwashi imwe mwemuku galola iga. ²⁴ Inkubhabhuza kuti bhalipo abhakuwi abhinji nabhamwene bhebhakwanzaga kugalola ge mukugalola imwe ilelo bhatagalolile nakwivwa zye mukwivwa imwe ilelo bhati vwizye.'' ²⁵ Yeenya umumanyizyi weka uwi ndajizyo izya bhayandi ahimilila na kumlinga ahati, ''We mumanyizyi, imbombe lyoli inza inhaposhele uwumi uwa wila?'' ²⁶ U Yesu ahamubhuzya ahati, ''Yisimbilwe yitili bhuli mu ndajizyo/ Ukuzyaganya bhulibhuli?'' ²⁷ Ahati yisimbilwe kuti umugane, ''Umwene umulungu waho kumwoyo waho wonti, na kumupepu waho wonti nakumaha gaho gonti na kunjelezyaho zyonti umugane uwamwinyu anzashe uyiganile wuneewe.'' ²⁸ U Yesu ahati, ''Wamula ahinza. Ubhombe shinisho pe utubhe nu wumi.'' ²⁹ Ilelo umumanyizyi, ula ahanzaga kuyibhiha kuti we ahondeye ahamubhazilizya winza u Yesu, ''Ahati ishi uwamwitu wu nanu?'' ³⁰ U Yesu ahamwamula ahati, ''Alipo umundu umo afumile mu Yerusalem ahabhalaga munhaya iya mu Yeriko. Ahalemwa nabhabuda, bhahafwula ni hela zyakwe, bhahmuhoma uhani bhahamuleha abhinile iya kufwa.. ³¹ Panapo umuputi umo ahajendaga mwidala lilila we amulola umundu ula, aahashila kumbali. ³² Wope umulawi shinisho wafiha pala ahamu lola umundu ula ahashila kumbali. ³³ Pilongolela ahinza umusamaliya wekawe ahashulaga kushilila mwidala lilawe amulola umundu ula ahamu lolela ishisa. ³⁴ Ahasejelela ahamupinya amalondo gakwe ahamupaha amafuta ni divai pamwanya yakwe. Ahamu zuvwa pamwanya pashihano shakwe, ahamtwala munyumba iya bhajeni ahabha akumusunga. ³⁵ Wekwasha ahafumila idinali zibhili, ahamu pa uwinyumba yilila ahamubhuzya ahati, 'Umubhine umundu unu inga inhela izi zyasila wafumwa izyaho wenagaluha ihayikusomba.' ³⁶ Ishi mubhibha bhatatu, wunanu,wamamile mupalamani wawula wamagwilinye mubhabuda?'' ³⁷ Ahamula ahati, ''We amuloleye ishisa.''Yesu ahamubhuzya ahati, ''Niwe ubhale ubhombe shinisho'' ³⁸ Ishi webha kushula, bhahinjila muhaya yimo, mwantanda weka webhahatinji u Martha ahamposhela munyumba yakwe. ³⁹ Amamile nu musongo wakwe webhahatinji u Mariamu, ayihaye pambali pa winama vwa mwene ahatejelezyaga imanyizyo zyakwe. ⁴⁰ Ilelo u Martha apilihine ni mbombo inyinji izya kugomba ishakulya. Pe ahamubhuzya u Yesu, ahati, ⁴¹ ''Wemwene, utakulola habhibhi we umunsi wani andesheye imbombo zyoti nu mwene? Ishimubhuzye anavwe.'' Umwene ahamwamula ahati, ''Malita, Malita, honi he ukuyimba ni nyinji, ⁴² Hakwanziwa ahatu heka hene ahinza hanaho he. u Maliya asabhuye, atangafwililwa.''