¹ Isiku limo u Yesu amile apantu pamu ahaputaga weka umulandati wakwe ahati, ''Wemwene, utumanyizye kuputa anza Yohana she abhamanyizizye abhalandati bhakwe.' ² U Yesu ahabhabhuzya, ahati, wemkuputa mutinji ishi, ''Wetata, iwe uli kumwanya. Itawa lyaho lipalwaje uwumwene waho winza. ³ Utupanje ishakulya shitu insiku zyonti. ⁴ Ututuyile imbibhi zyitu, kunongwa ye itwetu kubhatuyila bhonti bhe bhaku tubhombela ahabhibhi. utulongolaje kuti tutahinjile mu ndingo.'' ⁵ U Yesu ahabhabhuzya, ''Wenu kukwinyu wakubha nu manyani, akubhala kwa manyani wakwe shausiku akuti we manyani ikulabha unhopele amakati gatatu. ⁶ Kunongwa ye umanyani wani ayinza kukwani akushula ilelo ine intali ni shakulya isha kumupa. ⁷ Wope umanyani wunuyo ahamwamula ahati, laha kunjivwa, ineigaliye ulwiji habhili na bhana bhani tugonile pashitaha intagahola kudamuha inkupe amakati. ⁸ Ikubhabhuzya, kuti atidamushe na kumpavwe abhuliliwe, te kunongwa ye mumanyani wakwe lyoli kunongwa ye ajendelela kumulabha. ⁹ Ishi inkubhabhuzya, lashaji, nimwe mutiposhele; yamzaji, nimwe mutivwaje, yiguzyaji nimwe mutiyiguliwe. ¹⁰ Kunongwa ye umundu wowonti we akulabha akuposhela, we akwanza akuvwaga wope wakwiguzya akwiguliwa. ¹¹ Wunanu kukwinyu, wumwana wakwe akulabha inswi akumpa injoha.? ¹² Awe akulabha ijinza akumpa uinge?. ¹³ Inga imwe mubhabhomba mbibhi mmanyile kubhapa abhana bhinyu ivintu ivwinza, mubhe nulusimishizyo kuti utata wiyu uwa kumwanya atibhombe ahinza nhani bhekumlabha ahayibha pa umpepu umufinjile?'' ¹⁴ Isiku limo, u Yesu ahabhingaga ipepu, linilyo lihamubhihaga umundu uwushinunu. Welyafuma, umundu ula ahanda kulonga. ¹⁵ Ilelo bhamu mukasi bhahati, akubhinga amapepu amabhibhi kumahaga Belizebul, umupiti uwamapepu. ¹⁶ Bhamu bhahabha bhakumulinga kuti abhalanje ivilolesyovwe vikufuma kumwanya. ¹⁷ Ilelo u Yesu ahamanya insibho zyabho ahati, ''Abhandu abha wumwene weka inga bhakulwa na kuzilana uwumwene uwo wukungwa bhope abhandu ibhi nyumba yeka iyo ikunanjiha. ¹⁸ Shezili inga usetani akulwa namasetani agamwabho, numwene wakwe wutapuline wungimilila inza bhulibhuli? Kunongwa ye mukuti ikubhinga amapepu kumahaga Belzebuli. ¹⁹ Ishi inga ine inkubhinga amapepu kwa Belzebuli, abhalandati bhinyu bhebhakubhinga kumaha ga nani? Mulinilyo abhalandati bhinyu bhebhahayibhalonga. ²⁰ Ilelo ine, inga inkubhinga amapepu kulusamba lya Mulungu, ishi uwumwene wa Mulungu wubhafishiye. ²¹ Umundu uwamaha inga alinishilwilo angalindilila inyumba yakwe, atalipo uwakwenga ivintu vwakwe tevibhe ahinza. ²² Lyoli umundu uwa maha kumshila wene ingayinza, akumbuda na kumtola pe akufwula ivilwilo vwakwe na kwega ivintu vwakwe vwonti. ²³ Wowonti we atali imbali yani wunuyo mulugu wani habhili we atakubhunganya peka nine, atibhe akusatanya. ²⁴ Ipepu ibhibhi we lyafuma kwa muntu, likubhala mu shilozu umwumu kwanza apa kutuzya litakupalola. Panapo pe likuti, intigalushe kunyumba ye na fumile. ²⁵ We lyagaluha likuyilola nyuse habhili izelupile ahinza. ²⁶ Panapo pe likubhala kwega amapepu aganji amabhibhi kushila lyene. Panapo umubhili wa mundu wunuyo wukubha ahabhibhi nhani kushila kuwandilo.'' ²⁷ We akulonga linililyo, umwantanda weka mushipuga shila ahadandizya izi ahati '' ²⁸ Kwashi wa kupapile na kukwosya'' Ahalonga ahati, kwashi nha bhebhakwivwa na kulitiniha izwi lya Mulungu. ²⁹ Abhandu we bhakujendelela kubhungana, u Yesu ahati ''Abha habhalilo iha bhimbibhi. Nhani bhakwanza indolesye, ivilolesyo ilelo intakubhapa ivilolesyo lyoli ishilolesyo sha Yona. ³⁰ Kunongwa ye anzu Yona she amamile shilolesyo nkubhandu abha mu nhaya iya mu Ninawi, shezili umwana wa mundu wope atibheshilolesyo kubhandu abhahabhalilo iha. ³¹ Umalikia uwa Kusheba ahayimilila kubhalonga imwe mubhandu abhahabhalilo iha kuti imwe mwebhimbibhi uwene afumile munsi iyakutali ahinza kwivwa amazwi agi njelezya Selemani, ishi ipa alipo umupiti kushila u Selemani. ³² Abhandu abha mu Ninawi bhope bha hayimilila kubhalonga imwe mubha habhalilo iha kuti mwe bhimbibhi, kunongwa ye u Yona, we alumbilila, izwi lya mulungu kukwabho bhahalata imbibhi zyabho ishi palipo umupiti kushila un Yona. ³³ Atalipo umundu numo, we akuholelezya uluhozyo , nakubhiha pepubhile awe kugubishila ni shitundu, lyoli akubhiha pa shimbeje inga abhandu we bhakwinjila bhalolaje uluhozyo lwakwe. ³⁴ Amiso gaho luhozyo lwa mubhili. Amiso haho anga gakulola ahinza umbhili waho wonti wa kubha nuluhozyo. Ilelo anza amiso gafuye umubhili waho wonti wukubha hisi. ³⁵ Pe ubhe amiso uluhozyo lweluli mkasi yaho, lutahabhe hisi. ³⁶ Ishi inga umubhili waho wonti wabha nuluhozyo, sitakubha na hisi nga peka pe umubhili wonti wutushe muzelu anza luhozyo shelukukulamila.'' ³⁷ We amala kulonga, umuFarisayo umo ahamu lanjila abhale kulya kukwakwe, pe u Yesu ahabhala ahinjila mkasi ahabha peka inawo. ³⁸ UFarisayo bhahaswiga webhalola akulya bila kugeza wa kulya ishakulya. ³⁹ Pu mwene ahabhabhuzya ahati, ''Imwe mubhafarisayo mukuyibhiha mwabhagolosu wemukwozya minzi ivikopa ni msahani, ilelo mukasi mwizuye uwufwuli nu wubhibhi. ⁴⁰ Mubhalema imwe, we apelile munzi te wuyo we apelile na mkasi? ⁴¹ Mubhape abhapina kumoyo, pe vwonti vitibhe vizelupile kukwinyu. ⁴² Musheleye imwe Bhafalisayo, kunongwa ye mukumufumizya umulungu ishigada sheka. Muvigada ishumi ivwa vilunjililo ivwa shiholo ni shiholo ilelo nitakusanjila kubhabhombela abhanji inyinza. ⁴³ Musheleye imwe Bhafarisayo, kunongwa ye mkwanza kwihala muvitengo ivwa pilongolela mwisinagogi iwinza mkwanza abhandu kubhala muhamumanalo. ⁴⁴ Musheleye imwe, muholine ni mbipa zye zitali ni dunzu abhandu bha kujenda pamwanya zita kumanya.'' ⁴⁵ Umumanyizyi weka uwi ndajizyo ahamubhuzya ahati, ''Mumanyizyi, we ukulonga ganago ukutulonga habhibhi.'' ⁴⁶ U Yesu ahamubhuzya ahati, ''Nimwe, mubhamanyizyi bhi ndajizyo! Musheleye kunongwa ye mukubhatwinha amazigo amamwamuge gatakupimbiha, mtakubhavwa kupimba pope kulinjizya na hasamba. ⁴⁷ Musheleye kukwinyu, kunongwa ye mukuzenga imbipa izyabhakuwi bhe abhamania bhinyu bhabhagojile. ⁴⁸ Panapo mukushela kuti mukwitinha na zye abhamama bhinyu bhabhombile, kunongwa ye abhene bhagojile nime mukuzenga imbipa zinizyo. ⁴⁹ Yenongwa, Umulungu kunjela alonjile atili inhayibhasondelezya abhakuwi, bhahayibhayivwa bhamu bhahayibhagoga. ⁵⁰ Abhandu abhahabhalilo bhahayi fundwa kunongwa ya bhakuwi bhonti bhe bhabhagojile kufuma kuwandilo uwinsi, ⁵¹ Kufuma kufwa kwa Abeli paka kufwa kwa Zakaria, we bhamungojile pakasi pa shigemo na mafinjile. Nalyoli inkubhabhuzya kuti abha habhalilo iha bhahayi fundwa. ⁵² Musheleye imwe mubhamanyizyi abhindajizyo kunongwa ye mudindile idala ilya kumwanya; nimwe mtamumanyile, habhili mubadindile bhebhakwanza kwinjila.'' ⁵³ U Yesu we amala kulonga, abhafarisayo na bhamanyizyi abhi ndajizyo bhahabha bhahali pe bha habha bhakumubhuzilizya inyinji. ⁵⁴ Iga bhamuteje pamu atilonje zimo.