¹ Muhabhalilo hanaho, abhandu ielufu ni elufu bhahabhungana, pope bhahahanyanaga pe ahalonga suti kubhalandati bhakwe ahati, mubhe amiso na malenga aga bhafarisayo kunongwa ye gakusata ngati wusafu'' ² Ahabhalilo hakwinza he gonti gali kukwilugahayibha apazelu habhili gonti ge gafisishile gahayinyiha. ³ Pe shinishogonti gemukulonga kuhisi ga hayivwinha apazelu. Habhili gonti ge mukusenha kukwilu bhehayiga vwisya pilongolela pabhandu abhinji. ⁴ Inkubhabhuzya bhamanyani, bhani mutabhogopaje bhebhakugoga umubhili wene hatali po ahanji he bhangahola kubomba, ⁵ Lyoli imbabhuzye we muhondeye kumwogopa. Umwene ali nu wamulo uwa kubhasumba, kumwolo. Nalyoli, inkubhabhuzya wunuyowemumwogopaje. ⁶ Bhuli inyonyi zisanu bhatakukazya kunhelanyishe bhulo? Pope shinisho Umulungu atakuyiwa ngayeka. ⁷ Ishi imwe muhondeye pamiso ga Mulungu kushila inyonyi inyinji. Pope insisi zyonti zyezili mumatwe ginyu azimanyile uwinji wakwe mutogopaje. ⁸ Inkubhabhuzya kuti, wowonti we akundandata ine pa bhandu nine nu mwana wa mundu, inhayimubhuzya umulungu na bhahabhizya bhakwe kuti wunuyo mulandati wani. ⁹ Wowonti we akwogopa kubhabhuzya abhandu kuti mulandati wani nawe ihayimuhana pa bhahabhuzya bha Mulungu. ¹⁰ Wowonti we akulonga amazwi amabhibhi kuzya mwana wa mundu, ahayihobhoshelwa, ilelo we akumsholanya umupepu umufinjile wumuyo te ahahobhoshelwe. ¹¹ We bhabhatwala mu masinagogo, pamwene napabhapiti, mutahatuyaje kuti muhayilonga lyoni awe kulamba, ¹² Ahabhalilo hanaho umupepu umufinjile aha yibhamanyizya zye muhondeye kulonga.'' ¹³ Umundu weka mupuga yila ahamubhuzya, ''Umumanyizyi, mubhuzye uhambaku wani kuti angabhile ivintu ivwa wagali wakwe.'' ¹⁴ U Yesu ahamwamula ahati, wunanu we ambishile ine kubha ne mwamuli winyu.? ¹⁵ Pe ahabhabhuzya, mubhe amiso, kubha mwabhavigane bha vintu ivwinji kunongwa iya wumi uwamundu wuta kufuma kuwinji wa vintu vwe ali navyo.'' ¹⁶ U Yesu ahabhabhuzya ishilolayo, ahati, alipo, utumbwe umo mushizi shakwe iviyabho vweleye nhani, ¹⁷ Ahasibha mumwoyo wakwe, ahati, iviyabho vwani ivi patalipo apa kubhiha? ¹⁸ Pe ahati, intibhombeintiti. Intipongolanye ivwanga vwani ivinsi na kuzenga ivinji ivipinti hani, intisengule iviyabho vwani vwonti ni vintu vwani ivinji. ¹⁹ Panapo pe inhayiti, ''Mwoyo, wani ni vintu ivwinji. ivwakukavwa, ishi, tuzya lyanga mwelaga na kuseshela.'' ²⁰ Ilelo Umulungu ahamubhuzya ahati, we mwema uwusiku uwa musanyunu utifwe ivintu vwonti vwe uyibhishiye vitibhe viwananu? ²¹ Shinisho she zili kwa mundu wa kubhunganiha ivintu mu vigane ivwa munsi umusita kubhombela uwdumbwe wakwe mumbombo ya Mulungu. ²² U Yesu ahabhabhuzya abhalandati bhakwe, ishi muleshe kwelela kuzyu wumi winyu-- kuti mulilye ahoni au kuzya mabhili giyu -- kuti mtikwate ahoni. ²³ Kunongwa ye uwumi we winza nhani kushila ishakulya, wope umubhili shinisho we mwinza nhani kushila amenda. ²⁴ Yenya amakungulu, gatakuwala pope kusezya. Gatali nishanga ngapeka pe gasengunye iviyabho, ilelo Umulungu akugalisya ishi imwe muhondeye nhani pamiso ga mulungu kushila amavwanga! ²⁵ Wunani mukasi yinyu we kwelela kukwakwe kungojezya uwumi wakwe pope ahabhalilo hashe? ²⁶ Ishi anga akupotwa kubhomba ahantu hati anza hamaho honi hemukwelela na ganji? ²⁷ Yenya amapambo - she gakukula. Gatakubhomba imbombo awe kusona amenda. Pope, u Selemani mwitoga lakwe atalinjizizye kukwata amenda anza pambo limo, ²⁸ Umulungu akukwatizya amapambo aga mwilala anza shinisho muhabhalilo, indabhi gakwumana kupembwa. Bhulite abhabhombele kushila imwe? Mwemuli nu lwitiho ulunsi! ²⁹ Nimwe muleshe kwelela kuti mutilye ahoni awe mutimwele ahoni habhili muleshe kubha ni lyoga. ³⁰ Abhandu bhebhatamumanyile umulungu bhakwelela nhani ni vintu. Ilelo imwe utata winyu amanyile kuti mukuvwanza. ³¹ Ishi ya nzaji uwumwene, pe vinivyo vwonti bhatibhonjelezye, ³² Muleshe, kutuya imwe mwemuli ishipuga, ishinsi, utata winyu abhaganile kubhapa uwumwene wakwe. ³³ Kazyaji ivintu vwinyu, mubhape abhapina kuhozya shinisho kwekukusengula mushanga ishakumwanya sheshitakwunda, atalipo umwibha we akusejelela pope uwumese kunanganya. ³⁴ Pala pe ubhishile ivintu vwaho, nu mwoyo waho pe wuhayibha. ³⁵ Isiku lyolyonti mushe muyilinganyinye kubhomba, imbombo zyope inhozyo zyinyu zyahaje, ³⁶ Ngati abhatumwa bhe bhakumugulila umupiti wabho akugaluha kufuma kuweji ahabhalilo he atiyinze nakwigazya pa lwiji bhaha mwigulile na lubhilo. ³⁷ Kwashi abhatumwa bhe umupiti wabho inga yinza ahayibhaga bhali amiso. Ahayilinganya kuti abhabhombele ahayibhabhilishila kwihala pameza ahayibhapa ishakulya. ³⁸ Kwashi abhatumwa ibho bhe umupiti wabho inga yinza shawusiku pakasi ahayibhaga bhali amiso. ³⁹ Mumanye kuti uwinyumba abhanje amanyanje ahabhalilo he umwibha akwinza, angihala amiso amudinde atahadobhole inyumba yakwe. ⁴⁰ Ishi niwme mubhe amiso kukunti mutamanyile umwana uwa mundu kugaluha iwinza. ⁴¹ Pe u Petro ahamubhuzilizya ahati, ''Mwene, ishi holanyo ishi ukutubhuzya itwe tubhene awe ukubhabhuzya abhandu bhonti.? ⁴² Umwene ahabhamula ahati, ''Umutumwa umwinza uwinjele alikwi wunuyo we umupitiwakwe ahayimubhiha abhe mwimilili kubha mwabho na kushapa ishakulya ahabhalilo hehahondeye? ⁴³ Kwashi umutumwa wunuyo, anga umupitiwakwe we akugaluha akumwaga akubhomba shinisho. ⁴⁴ Nalyoli inkubhabhuzya kuti atabhe mwimilili uwa vintu vwakwe. ⁴⁵ Ilelo umutumwa wunuyo anga yisibha kuti umupiti wani akuhabha kugaluha; pe akwanda kubhahoma abhatumwa abhasahala na nabhantanda, akulya na kumwela nakuholwa, ⁴⁶ Umupiti wakwe ahayigaluha isiku nahabhalilo he atasubhiye, ahayimudumulanya ivipisi peka na bhe bhatakwitiha' ⁴⁷ Umutumwa, we amanyile zyeakwanza umupiti wakwe, ilelo akuleha kuyilinganya na kubhomba she akwamza ahayihomwanhani. ⁴⁸ Ilelo umutumwa we atamanyile zye akwanza umupiti wakwe, angabhomba habhibhi wanuyo ahayihomwa hati, wowonti we bhamupiye ivwinji, uyo ahayidayiwa ivwinji inhani. ⁴⁹ Ininzile munsi kwasya umwoto kwashianga wu bhanje wandile kwaha, ⁵⁰ Nine indi nu lwozyo ulwa manyimba lwei nhondeye! ⁵¹ Mukusibhakuti ininzile kulete uwutenganu munsi? Ndali, inkubhabhuzya, kuti inzile kuleta umuyubhano. ⁵² Kufuma ishi munyumva mwebhali amandu bhasamu bhatibhe bhakusatana bhatatu bhati yepaje kubhabhili, bhope bhabhili bhanabho bhatiyepe kubhatatu. ⁵³ Utata ahayizilanaga nu mwana, numwana ahayizilaga nu tata wakwe, unyina ahayizilanaga nu mwali wakwe, nu mwaliahayizilanaga nu umwahamwana wope umwahamwana ahayizilanaga nu yavwala wakwe. ⁵⁴ UYesu ahabhabhuzya abhimpuga yila, ''Wemukulola amabhingo mukuti imvula yikwanza kutonya; Nalyoli yikutonya, ⁵⁵ Habhili we mukulola impepu ikufuma, imbali iya kumalintende, na lyoli she kukubha. ⁵⁶ Imwe mulinishisa,ishi lenga mumanyile kumanya ahabhalilo ishi honi he mukutolwa kumanya zye zikubhombeha insiku izi? ⁵⁷ Honi mutakusabhula kubhombazye zihondeye? ⁵⁸ We uli mwidala we akusitakile akukutwala kwi balaza, kwashi kumulamba kuti mwivwane sita kubhomba linilyo, atikutwale kwibalaza, kunukwo uhayitwalya mwijila. ⁵⁹ Inkukubhuzya kuti mukasi umwo uhayi fuma paka we wamala kusomba vwonti.