¹ Ahabhalilo hanabho, abhandu abhinji bhahamubhuzya kuti u Pilato abhagojile abhagalilaya we bhafumwa impumba zyabho. ² U Yesu ahabhamula ahati, ''Bhili mukuti abhagalilaya bhanabho bhabhombeliwe shinisho kunongwa ye bhamile bhabhomba mbibhi kushila abhagalilaya abhaji bhonti? ³ Teshinisho, hala, ilelo nimwe bhahayi bhayazya mwenti inga mtakulata imbibhi. ⁴ Bhope abhaji ishumi na nane kusiloamu bhe ulubhumba ulutali lwabhagwiliye bhalafwa, mukuti bhene bhamile bhabhomba mbibhi kushila abhandu bhondi mu Yerusalemu? ⁵ Teshinisho, hala ilelo nimwe bhahayibhazya mwenti, inga mtakulata imbibhi. ⁶ U Yesu ahabhabhuzyaishiholanyo ahati, ''Alipo umuntu umo we awalile ikwi mushizi shakwe ahabhala kutungula amatunda atahalilola ingalyeka. ⁷ Pe ahamubhuzya umubhombi wakwe uwishizi, 'Yenya, kumanha gatatu inkwinza kutungula amatunda mwikwi ili ilelo intakuhalola nahamu ishi utulile lyenelyo likunanganya ishizi bhulo? ⁸ Umubhombi ahamula na kuti, 'lileshe umwaha unu indifukutile na kubhiha imbolela. ⁹ Ingalyela amatunda umwaha wewu kwinza, yihayibha hinza; ilelo inga litela pu lilaje.!''' ¹⁰ Isiku limo ilyi sabato u Yesu ahamanyizyaga abhantu mumasinagogi. ¹¹ Mumula alipo umwantanda umo wamamile nipepu amanha ishumi na nane, agombanile ahapotwaga kwimilila. ¹² U Yesu wamulola, ahamubhishila ahati, ''Manyi, wapona uwubhino waho ishi wa satulwa.'' ¹³ Ahabhiha inyobhe pamwanya yakwe, panapo ahagoloha ahanda kumpala Umulungu. ¹⁴ Ilelo umupiti uwisinagogi ahavitwa kunongwa ye u Yesu amuponizye isi ilyi sabato. Pe ahabhabhuzya abhandu ahati, ''Wuli ni nsiku umutanda izya kubhomba imbombo. Mukwanziwa kwinza mu nsiku zinizyo kuti mupone impungo. ' ¹⁵ Umwene ahamula ahati, ''Imwe! Muli nishisa ishi lenga mwenti mukubhomba imbombo pisiku ilyi sabato mutakusatulila mushibhiji shing'ombe awe ni ndogomi zyinyu na kuzitwala kumwela aminzi isiku ilyi sabato? ¹⁶ Ishi bhuli umwana uwa shiholo isha ibulahimu we akanha ishumi nanawe akungilwe nu setani atahondeye kutipi siku ilyi sabato?'' ¹⁷ Weakulonga ganago abhalugu bhonti bhahalola insoni ilelo abhanji bhashiye nhani kunongwa yi mbombo inyinza zya abhombile. ¹⁸ U Yesu abhabhabhuzya , ''Umwene wa Mulungu wukuholanywa nahoni , inholanye nanhoni? ¹⁹ Wukuholana ni mbeyu iyi haladali ye umundu awalile mushizi shakwe, imbeyu yihamela lihamiha likwi inyonyi zihatenjela ivwanswi mu mpaswa zyakwe. ²⁰ Iwinza ahati, ''Uwumwene wa Mulungu inholanye na honi? ²¹ Wukoholala nu mwantanda umo we ayejile uwusafu ahawuhandulanya nuwusuuwinji nhani wuhadudula uwusi.'' ²² U Yesu ahabhalaga ku Yerusalemu ahashilaga munhaya impi ni nyisi kumo akulumbilila. ²³ Umundu umo ahabhuzilizya, ''Mwene, bhandu bhasi bhole bhe bhahayokoha, ²⁴ ''Muyikungalaje nhani kwinjila kushila umlyango umunyela, kukunti abhinji bhuhayilinga kwinjila bhahayipotwa. ²⁵ Ahabhalilo hakwinza he umwanesho uwi uyumba ahayimilila nakwigalila umlyango, pemuhayimilila panzi muhayiguzyaga muhayitinji we mwene, twigulile ahayi bhamula ahayitiintabhamanyile kwe mfumile.' ²⁶ Nimwe muhayiti, Tuhamwelaga pilongolela yaho nawe uhatumanyizyaga muhaya mwitu.'' ²⁷ Umwene ahayiti, intabhamanyile kwemfumile, yepi kukwani imwe mwenti mubhabhomba mbibhi!' ²⁸ Muhayibhalola u Abrahamu, u Isaka, u Yakobo na bhakuwi bhonti bhali mu wumwene wa Mulungu, lyoli imwe muhayibha mwa sumbwa panzi. ²⁹ Kufuma imbali zyonti izyinsi bhahayinza bhahayibha bhakulya peka nu mwene wa Mulungu. ³⁰ Mutejelezye bhebha kuwumalilishilo, kuhabhalilo aha shishi bhahayibhabha kuwandilo, na bhebha kuwandilo bhahayibha bhamwisho.'' ³¹ Ahabhalilo hanaho Abhafarisayo bhamu bhahabhala na kubhubhuzya bhahati, ''Sogola ipa kunongwa ye u Herode akwanza kukugoga.'' ³² U Yesu ahamula ahati, ''Bhalaji mumubhuzye umbila wunuyo muti, yeya umusayunu ni ndabhi inkubhinga amapepu na kubhaponwa isiku ilya watatu inhayikwanisya imbombo yani. ³³ Pope shinisho, yikwanziwa kuti injendelele kushula kubhala ku Yerusalemu indabhi, na kulinda indabhi. ³⁴ We Yerusalemu, Yerusalemu, ukubhagoga abhakuwi habhili bhebhasondelezizye kukwaho. Ukubhahoma halinga nanzaga kubhabhunganiha abhana bhinyu anza ikukushikubhatila utwana twakwe. ³⁵ Yenya akubhataga imwe ninhaya yinyu. kubhabhuzya nalyoli te muhandole winza kushila ahabhalilo hemuhayiti asayilwe we akwinza mwitawa lya mwene .'''