1 Pilongolela u Yesu ahashilaga muhaya ipiti ni nyinsi ahalumbililaga intumi inyinza izya umwene Umulungu peka na bhala ndati bhakwe ishumi na bhabhili, 2 Habhili na bhautanda bhamu bheabhaponizye uwubhinu. Nabhe fwizye amapepu amabhibhi alipo nu Mariamu Magdalena amwefwizye amapepu saba. 3 Yoana umushi wa Kuza mumihombi umpiti uwa Herode, Suzana, nabhantanda abhanji bhahafufumwaga, ivintu vwabho kubhene. 4 Isiku limo abhantu bhaha bhugana peka kufuma mhaya inyinji ahabhabuzyu mshiholanyo. 5 ''Umpesa imbeyu abhalile kupesa imbeyu, wekusansa imbeyu zimo zihagwa mwidalazi hala nywa, inyonyi zihinza zihalya. 6 Imbeyu iziyzmwabho zihagwa pi lyalawe we zyamela zyanda kukula zihuma kunongwa yepumila. 7 Imbeyu zimo zihangwa pa mivwa, amivwawegakukula peka nimbeyu zila zye zyamele gahaziputa. 8 Imbeyu zimo zihangwa palusuto uluvunzu zihamela na kukulazihela ahinza ahani zihela amatunda imia yekayeka. ''UYesu wamala kulonga linilyo, ahadandi zya ahati, ''Wowowndi ula we akwivwa asimishizyaje.'' 9 Pilongolela abhala ndati bhakwe bhahamubhuzilizya shili bhuli ashiholanyo ishi, 10 UYesu ahabhabhuzya ahati, '''Imwe Umulungu abhapinye kumanya izya kukwilu izyamwene wakwe ilelo bhamu inkubhabhuzya kushilolanyo, inga bhatimanyaje ilelo tebha zyaganyaje nazimo.' 11 Ishiholanyo ishi kwekuti. Imbeyu lye lizwi lya Mulungu. 12 Imbeyu zye zyaguye mwidala bhandu bhebhakwivwa izwi lya Mulungu, ilelo ahabha lilo hanaho usetani akwinza akwefwa izwililila mumoyo, gabho inga bhaleshe kwitiha anzabhatahinze bhapone. 13 Zye zyaguye pi lyalawe bhandu bhebhakwivwa izwi bhakuposhela kuluseshela ilelo bhatakulibhila mumoyo bhakwitiha kuhabhalilo ilelo inga bhalingwa bha kuleha ulwitiho. 14 Ni mbeyu zye zyaguye pa mivwa bhabhala bhebhakwivwa izwi lya Mulungu, ilelo pilongolela mu wihalo wabho insyosyi uwudumbwe likubhahiha kuti bhaleshe kwela amatunda. 15 Ilelo imbeyu zye zyaguye pa lusuto uluvunzu shiholanyo sha bhantu bhebhakwivwa izwi na kulilema ku mwoyo uwa lutiniho bhanabho bhebhakwela amatunda kwidala ilya kujimbilila mumanyimba gonti. 16 Atalipo umuntu we akuhozya uluhozyo na kugubishila ni sonta awe kubhila kwizungu kushitala. Lyoli akushiha pa shimbeje inga bhebhakwinjila bhalolaje uluhozyo lakwe. 17 She zili zyonti zye zili kukwilu habhili ivintu vwonti vwe vifisilwe vihayisakulwa apazela. 18 Ishi mtejelezye ahinza kunongwa we akulema imanyizyo zyani. Zitimwonjelezye, uwumanyi ilelo we atakulema nu wumanyi uwunsi walinawo wope wunuwo ahanyifwuliwa.'' 19 Pe unyina na bhanholo bha Yesu bhahabhala kukwakwe bhahapotwa kusejelela papakwe kunongwa ye bhantu bhamile bhinji. 20 Bhamu bhahamubhuzya, ''UYesu bhahati unyina waho na bhaholo bhaho bhali panzi bhakukwanza. 21 UYesu, ahabhamula ahati, ''Abhantu bhebhakwivwa izwi lya Mulungu na kulilema bhebhanyina na bhebhanholo bhani.'' 22 Isiku limo u Yesu na bhalandati bhakwe ahati, ''Tufumile kwisyila ilya sumbi.''Pe bhahinjila mushituli bhahanda kufumila. 23 We bhafumila, u Yesu ahasupila utulo, impepu ipiti yihanda kuvugula na kubhiha amabhilingwa amapiti aminzi gahanda kwizula mushituli bhaha palamila kuswibha. 24 Pe abhalandati bhakwe bhahabhela bhahamudamusya bhati, ''We mupiti tukufwa! Ahadamuha ahayihayila impepu na mabhilingwa!'' Vihapuma kuhama mye. 25 Ahabhabhuzilizya, ''Ahati ulwitiho lwinyu lulikwosho?'' Bhahuswiga, na kwogopa, kumo bhahabhuzilinyaga bhahantiji, ''Wunani wununu we, akuhajila ni mpepu, na mabhilingwa gakumutiniha?'' 26 Bhahafumila usumbi uwa Gerasini uwa kulusalo ku Galilaya. 27 U Yesuweayiha umuntu umo uwa munsi yila ahinza kukwakwe umuntu uyo amile na mapepu amabhobhi insiku inyinji ahajendaga ishitali habhili atahihalaga. Munyumba lyoli ahihelaga ku mbipa. 28 Wamlola u Yesu ahalila, kwizwi ipiti nahangwa pansi pilongolela yakwe. Kwizwi ipiti ahati, imbombile ahoni kukwaho, Yesu mwana wa Mulungu umpiti uwa kumwanya? Inkulabha, kuti utanji vwaje'' 29 U Yesu ahazibhuzya impepu imbibhi zimwepe umuntu ula, amapepu gamago gahamuyivwaga. Ahiji bhulo ahabhalilo hamu abhantu bhahampinyaga na manyololo ni pingwa inga bhamlindililaje ilelo ahinji ahagadumulanyaga na kutwalwa na mapepu gala mwilala. 30 U Yesu ahamubhuzilizya ahati, ''Itawa lyaho wenanu?'' Ahamwamula ahati ne, ''Lijeshi '' Kunongwa ye amapepu gamile kukwakwe. 31 Gahamlamba kuti atahagatwale kumwina. 32 Pi gamba pamile impuga iyi ngulubhe, pe amapepu amabhibhi gahamlamba kuti agitishizye ginjile mungulubhe. 33 Pe ahagitishizya. Gahepa mukasi mwa muntu ula gahinjilemungulubhe , pe ingulubhe zyonti zihila nulubhilo kulwiha lwelwa sulamile paka mwa sumbi zihazwima. 34 Abhadimi abhingulubhe wa bhalola shinisho bhahashimbila, mu uhaya na muvwizi bhahalongaga zyonti. 35 Abhantu bhebhivwizye bhahabhalaga kwenyazye zifumiye, webhafiha pa Yesu bhahamulola umutu we amapepu amabhibhi gamwepile. Ayihaye pavinama vwa Yesu akwatile ahinza habhili alininjele zyonti pebhahalemwa ni lyoga. 36 Bhebhalolile zye zyabhombeshile bhahabhabhuzya abhanji she zyemile we akupona uwa mapepu. 37 Pe abhantu bhonti abha munsi iya Wagerasi pe bhahamulamba u Yesu atasongole kukwabho. Ahinjila mushituli ahasongola. 38 Umuntu ula amapepu amabhibhi gamwepile, ahamulamba u Yesu kuti bhabhale bhonti ilelo u Yesu ahamwitishizya ahati, 39 ''Galuha kuhaya kukwaho ubhale ubhazye zyondi zyu Mulungu akubhombeye''Pu muntu ula ahasogola pala ahabhala muhaya, kunukwo ahavwisyaga muhaya yonti zye u Yesu amubhombeye. 40 U Yesu ahagaluha, ulubhungano luhamposhela, kukunti bhondi bhahamgulilaga. 41 Pe umundu umo ahinza bhahatinji Yairo amamile weka mubhapiti abhi sinagogi. Yairo ahagwila pa vinama pa Yesu ahamlamba kuti abhala kukwakwe, 42 Kunongwa ya mwali wakwe uwa maha ishumi na gabhili, we mamile iya weka mwene kwa yise wakwe abhinile iya kufwa. Pe ahanda kubhala we alimwidala abhandu abhinji bhahamubiganyaga. 43 Umwantanda we amamile mubhinu uwa kuzwa amabhanda uwubhinu wunuwo wamuyivwi zye amanha ishumi na gabhili habhili amalile ivintu vwake vwonti kubhaganga, ilelo numo wamponizye, 44 Ahabhala kulusalo kwa Yesu ahampalamansya, ipintilwi lya mwenda wakwe papala ahapona uwubhinu wakwe. 45 U Yesu ahanti, ''Wunanu wa palamasya?'' Bhondi bhahahana, Petro ahamubhuzya ahati, we mpiti abhandu bhinji ihani bhakusyetile bhakukubiganya.'' 46 Ilelo u Yesu ahanti, ''Alipo umundu wa apalamasya, ikuyilola kuti amaha gamepa.'' 47 Umwandanda we alole kuti u Yesu amumanya ahanda kuyinga ahasugamila pilongolela yakwe ahamubhuzya pilongolela pa bhandu bhondi zye zyamubhulishile ampalamasye habhili she aponile nalubhilo. 48 Ahamubhuzya ahati, ''Mwali, ulwitiho lwaho lwa kuponwa. Sogolaga kuwutenganu.'' 49 Weaakulonga, umundu kufuma kuhanya inya mpiti uwisinagogi, ahati, ''Laha kumuyivwa umumanyizyi umwali. waho afuye.'' 50 Pu Yesu we ayivwa shinisho, ahati lanha, ''Kwogopa. Lwoli, atipone.'' 51 We afiha kuhaya ahabhahana na abhandu abhanji kwijila peka nawo lyoli Petro, Yohana nu Yakobo, uyise nu yina wa mulindu. 52 Abhandu bhondi bhebhamile pala bhahalilaga na kuyilumbuzya kumazwigawene ahabhabhuzya ahati, ''Lashi kulila, unuata funye, hala yoli agonile ibhulo.'' 53 Bhahamseha kwa kusufwa, bhamanyile kuti afunye. 54 Ilelo iwene ahamlema inyobhe umufwe ula, ahamubhilishila kwizyi ahati, ''Mwana, yimilila'' 55 Uwumi wakwe wahaluha, ahimilila panapopanapo. Ahabhabhuzya kuti bhampe ishakulya. 56 Abhapafi bhakwe bhahaswiga ilelo ahabhabhuzya kuti bhatahamubhuzye umundu zye zifumiye.