¹ Wu Yesu amaha kila hadu hahalongaga kubhadu bhebhahamteje levwaga, ahabhala Kapernaumu. ² Umsondelezwa umo uwa akida, wamamile mwinza ihani kukwake, amile mbhinu ihani apalamanye kufwa. ³ Ilelo wezyabha kunti anyivwa u Yesu, ula akida asyondelezizye umlongozi uwa kiyahudi, kumlabha ayize kumsebha umsondelezwa wakwe atahize afwe. ⁴ Webhafiha apapipi nu Yesu, bhahamubhuzya kumaha nakunti, ''Ikwaziwa kunti ubhombe ishi kwa wene, ⁵ Kukunti anyigamile insi yetu, na wamazejile ikanisa kulitwe.'' ⁶ UYesu ahendelela kushula peka inabho. Iwinza watabhalile apatali ni nyumba, umtendaji weka ahabha sondelezya abhamanyani bhakwe kulonga inawo. ''Mwene, utayilisyaje wunewe kukunti ine intakwanziwa kunti iwe uzubhe kwingulu lyani. ⁷ Kukunti kulili intakwinile nene nunene kunti ihondeye kwinza kukwaho, ilelo longaizwi ibhulo umsondelezwa wani antipone. ⁸ Kukunti nanee na mudu nindile ni mbobo nindili nu msikali pasi papani. Ikulonga kwa wanu bhalanga, ''Akubhala, nukwawamwabho 'Zanga wope, 'Akwinza, nakwambhomba imbobo wani bhomba ihani akubhomba.'' ⁹ Uyesu wanyivwa igo ahaswiga, na kubhagalushila bhebhabhuganole bhebhahamlandatilaga ahanti.''Ikubhabhuzya, kwope ku Israeli, intalolile numo umdu wali nulwitiho ulupiti anzunu. ¹⁰ Ilelo bhala bhebhasondelezizye bhahadunga kuhanya na kwanga umsondeleza mpuma. ¹¹ Ihabha kunti, ihafumila kunti u Yesu ahashulaga kubhala kuhanyaye bhahantiji Naini. Abhamanyili bhakwe bhahabhala peka inawo bhahabha peka nuwiji uwabhadu. ¹² Wafiha papipi nu mlyango uwi hanya yenya, umdu wamafunye bhamupimbile, nu mwana ukalikene kwayina wakwe. Wamamile mfwile, nu uwiji bhebhabhosondelezizye kufuma kuhanya bhamilepeka inawo. ¹³ Wamlola, umwene ahamsejelela kuwila uwupinti ihani pamwanya yakwe na kubhuzya, ''Utalihaje.'' ¹⁴ Iwinza ahasejelela pilongolela cha lipalamasya ipangali lyebhapimbinye umbhili, nabhope bhebhapimbile bhahimilila, ''Ahanti mjana ikunti ndamhaa'' ¹⁵ Umfwe ahabhuha na kwihala pasi na kwanda kulonga. Iwinza u Yesu ahampa unyina wakwe . ¹⁶ Iwinza ilyonga lihabhizula bhondi. Bhahajendelela kumpala Umulungu bhahanti ''Umloliumpinti abhuswa kukwitu'' Nu ''Mulungu abhenya abhadu bhakwe'' ¹⁷ Izyo imbembu inyinza izya Yesu zihasanta Yudea yondi namsi ipinti ipalamani. ¹⁸ Abhamanyili ibha Yohana bhamu bhuzizye izi zyondi. ¹⁹ Pu Yohana ahabhabhishila bhabhili abhamanyili bhakwe na kubhasondelezya kwa mwene kulonga ''Iwe wewuwula ula wakwinza, bhanga kuli numdu uwuji tumwenyelezye? Webhafiha apapipi nu Yesu ibhabha halonga, ²⁰ ''Yohana umwozyewe atusondelezya kukwako kunti, 'Iwe wuwula wakwinza bhanga kuli numdu uwuji tumwenye lezyaje?'' ²¹ Kusaha iyo ahaponizye abhadu abhiji kufuma kumbungo namayimba, kufuma kumbepu imbibhi na kubhadu abhambubhila ahabhapa kuola. ²² UYesu ahalonga na kunti kubhene. ''Wemwabhala kwe mfumile tenimu bhuzye u Yohana heni uhalolile na kuvwa. Abhambubhila haposhela kwenya, na abhalema ibhavinama bhakujenda, ibhavilema bhakupona, abhambubu bhakwvwa, abhafwebha kuzyuhanakubhabhunza amazwi aminza. ²³ Numudu watalileshe kunitiha ine kujendo zyani atisenywe.'' ²⁴ Iwinza bhala bhebhasondelezizye nu Yohana kudunga bhaha fuma, u Yesu ahanda kulonga kulubhungano ulwa Yohana, ''Mwabhalile pazi kwenya ahoni, ilanzi welikunyizanyo ni mbepu? ²⁵ Ilelo mwabhalile kwenya pazi ahoni, umdu wakwantile umwenda ahinza? Yenya abhadu bhala bhebhakukwata amenda ingabhalugu na kundila amaisha iga wushe bhalipo pamaisha iga bhapinti. ²⁶ Ilelo mkubhala pazi kwenya ahoni, Umloli? Ena, ingulonga kukwinyu ihani kuwinji kwawene umloli. ²⁷ Wununu we wuwula wezinizi zisimbiliwe mu musimbe, ''Yenya ihayinusontelezya we akutwala inyumi mwilongolela lyaho, ahayilinganya idala lyaho ilya kwinzila, ²⁸ Ine inkubhabhuza kuti mubhantu, bhebhapapiwe numwandada atali po wempiti kushila u Yohana, pope shinisho umntu wemunsi uhani mwamwene wa Mulungu we mpiti kushila u Yohana.'' ²⁹ Bhamabho abhantu bhonti peka na bhasonshezya isonho webivwa, amazwi ganago aha Mulungu bhahintiha kuti insibho ya mulungu yamile nyinza. Bhanabho bhebhabhala bhebhozeliwe nu Yohana. ³⁰ Ilelo abha falisayo nabhamanyizyi abhi ndajizyo bhatililwe Yohani kunongwa ye bhahamile zye Umulungu ahabhasimbilaga. ³¹ Pe ahalonga winza ahanti abhantu abha habhalilo iha imbaholanye na hooni? Bhali anza bhalibhu? ³² Bhakuholana na bhana bhebhakimba pa munalo, bhakubhishila na kunti hooni he tubhahomenye ifwilimbo ilelo mtakwimba, ''Tuyilumbuzizye ilelo mtakulila.' ³³ UYohana umwozyi ayinzile ataha lyanga amakati pope kumwela idivai, imwe muhati, ''Alemeliwe ni pepu ibhibhi. ³⁴ Umwana uwa Mulungu ayinzile uwene ahalyanga na kumwela imwe muhanti, ''Yenya mlyovi, habhili mumwezi mmanyani wabhasoshezya nsoho nabhabhomba mbiibhi! ³⁵ Pope shinisho injele ya Mulungu ikuloleha kuti yihondeye kuzye bhakubhomba abhalandati bhakwe.'' ³⁶ Umfalisayo umo amlanjiye u Yesu kuti ayinze kulya kukwakwe. Pu Yesu ahinjila kuhaya kwa Mfalisayo, ahapatamana pameza aza alye. ³⁷ Muhaya yiniyo mwamile umwantanda umo we amanyishile kuti akwihala mu njendo imbibhi. We ayivwa kuti u Yesu akulya kwa Farisayo, ahafiha mumwo na hasupa aha mafuta gega kunushilila. ³⁸ Ahimilila kulusalo papii ni vinama vwakwe ahanda kulila. Amansosi gakwe gahalendelaga muvinama vwakwe, ahamtambilaga tambilaga muvinama vwakwe na kuvipaha zya amafuta gega kunu ushilila. ³⁹ Umufarisayo we alola zinizyo ahasibha mumwoyo wakwe ahanti, umuntu unu inga abhaje mkuwi amanyanga kuti umwantanda unu we akumupalamasya, mundu we alubhuli bhuli amanyaga kuti uwene akwihala mu njendo imbibhi!'' ⁴⁰ Yesu akajibu na kumwambia simoni nina kitu cha kukuambia. "Akasema" "Kiseme tu mwalimu!" ⁴¹ Pu u Yesu ahati ''Paamile na bhantu bhabhili bhahadayilwaga inhela numuntu we abhapabhiye weka mubhamano ahopile idinali imia zisanu uwamwabho akopile idinali amashuni gasanu. Bhanabho bhabhili bhahapotwa inhela izya kusomba amadeni gabho. ⁴² Pe we abhapabhiye ahabhatuyila kuti bhahasombe alikwi we angamugana kushila uwamwabho? ⁴³ USimoni ahamwamula ahati , ''Ikulola kuti wuwula we atuyoliweideni ipiti.'' U Yesu ahati, ''wamula ahinza.'' ⁴⁴ U Yesu ahagalu uhana ahenya kwa mwantanda ula ahamubhuzya u Simoni ahati, ''Ukumlola umwatanda unu ininji ye munyumba yaho. Iwe ilelo utaposheleye kwidla ilya kupa aminzi ilelo uwene avwanzya ivinama vwani na mansozi gakwe, na gugasyumula ni nsisi zyakwe. ⁴⁵ We ukundamula, utantambiye ilelo uwene, kufuma ahabhalilo he ininjiye umu atalitile kuntambila muvinama vwani. ⁴⁶ Utapaha zizye ivinama vwani amafuta, ilelo apahazizye ivinama vwani amafuta gega kunushilila. ⁴⁷ Peshinisho, inkukubhuzya ikuti ulugano ulwa kunongwa ye atuyi liwelwe imbibhi zyakwe inyinji ielo we atuyiliwe imbibhi inyinsi akubha nulugano ulunsi.'' ⁴⁸ Pa hamubhuzya umwantanda, ''Ahati imbibhi zyaho zituyililwe'' ⁴⁹ Bhala bhebhamile pameza peka inawo bhahanda kubhizilizanya kuti, ''Wunanu wununu we akutuyila ni mbibhi?'' ⁵⁰ Pe u Yesu ahamubhuzya umwantanda ula ahati, ''Ulwitiho lwaho lwelwakuponwa. Sogolaga kuwutenganu''