¹ Ishi yafuminye kwisiku ilya pamulungu kunti u Yesu ahajendaga pakasi pashinzi isho ingano na bhamanyili bhakwe bhahayebhelaga ingano, bhaha pu kusula muyobhe zyabho bhahalya ingano. ² Ilelo bhamu abha Farisayo ha hanti, ''Honi hemkubhomba hete hakubhomba kundajizyo kuzibhomba isiku ilya pamulungu''? ³ UYesu, ahabhabhuzya, ahanti, ''Mtalijile kubhazya shila u Daudi shamabhombile wamamole nu zalaa, iwene na bhasahala bhamamole peka inawo? ⁴ Abhalile mnyumba iya Mulungu, ahenga amakate amapuntile na kuly ngamu, nakwenga gamu kubhapa abhadu bhamanile nabho kulya, pope hihazanga kunti abhachungaji kulya.'' ⁵ Iwinza ahamubhuzya, ''Umsi wa Adamu we mwene uwa pamulungu.'' ⁶ Ihafumila iwinza pamulungu pamu kunti abhalile mkasi mkanisa na kubhamanyizya abhadu kunukwo. Pamile numudu winyobhe ya funyeiya kundilo. ⁷ Bhebha hasimbaga Mafarisayo bhahamwenyaga kuwinza kunti bhenye shakumponwa umudu isiku ilya pamulungu, azabhambile habhibhi. ⁸ Ilelo amanyile hebha kukwina nahalonga kwa mudu ula winyobho ya funye, ''Ndamha, yimilila pakasi pa bhondi.'Isho umudu ula ahimilila pupo. ⁹ UYesu ahalonga kubhene, ''Ikubha pembuzya imwe, hinza ibhulo pa Mulungu kubhomba inyinza, au kubhomba amabhibhi, kuponwa au kunaganya?'' Iwinza ahabhenya bhondi na kumbhuzya umudu ula, ¹⁰ ''Ngorosya iyome yaho.'' Ahabhomba isho, niyobhe yakwe ya ponile. ¹¹ Ilelo bhahama nu mlahaa bhalojele zanya ibhene kubhene kunti ahoni bhebhabhombe kwa Yesu. ¹² Yafuminye kunti isiku izyo abhalile mwigamba kupunta. Anyendelenye uwusiku wondi kumputa Umulungu. ¹³ Weyabha shilabhila, ahabha bhishila abhamanyili bhakwe kukwakwe, na ahabhasebha kumi na bhabhili kufuma kubhene, kubhanabho ahanti ''Ibhabhasondelezwa.'' ¹⁴ Amatawa inga bhasondelezwa amile Simoni ( iwinza wamamile wu Petro) nu Andrea uholo wakwe, Yakobo, Yohana, Filipo, Bartolomayo, ¹⁵ Mathayo, Tomaso, nu Yakobo umwana uwa Alfayo, Simoni, webhahantiji Zelote, ¹⁶ Yuda mwana Yakobo nu Yuda Iskariote, wamamile muzyunga mzyunga. ¹⁷ Iwinza u Yesu ahila peka inabho kufuma kulubhambela na kwimilila pa handelema. Abhiji ihani abhamanyili bhakwe bhamile ukwo, nabhiji ihani kufuma ku Uyahudi na ukutali, na kufuma kupwani ya Tiro na Sidoni. ¹⁸ Bhizile kumtejelevwa na kupona uwu bhinu wabho. Abhadu bhahanyimbaga ni mbepu imbibhi bhope bhahapona. ¹⁹ Kila weka kumkutano uyo alijile kumpalamasya kukunti iha ilya kuponwa lihafumaga mkasi yakwe, nabhondi bhaponile. ²⁰ Iwinza ahabhenya abhamanyile bhakwe, na kunti, ''Msanyiwe imwemwemwa bhalusye, kukunti uwinza uwa Mulungu winyu. ²¹ Msanyiwe imwe mwemli ni nzalaa ishi, kukunti mhayikusya. Msanyiwe imwe mwemkulila ishi, kukunti mhayisehaa. ²² Msanyiwe imwe mwe abhadu webha bhilamwa na kubha leha na kubhilamwa kunti imwemwa bhabhibhi, kwa ene umwana uwa Adamu. ²³ Shanji kwisiku ilyo na kudomadoma kukusha, kukunti yoli mhanyima nuwinza uwupinti kumwanya, kukunti abhatata bhabho bhabhabhombenye shinisho abhaloli. ²⁴ Ilelo isoshe imwe mwemwabhadumbwe! kukunti mwejile ahinyu. ²⁵ Isoshi imwe mwemikuntile ishi, kukunti mhayilola izalaa kwilongolela. Isoshi imwe mwem kuseha ishi! Kukunti mhanyiha kwilongolela. ²⁶ Isoshe imwe, anza bhabha pala na bhadu bhondi! kukunti abhatata bhabho bhabha bhombile abhaloli ibhilenga shinisho. ²⁷ Ilelo ikulonga kukwinyu imwe mwemkutejelevya, mbhagane abhabhibhi bhinyu na kubhomba aminza kubhebhakushilamwa. ²⁸ Mbhasanye bhala bhebha kubhati pa nambhaputile bhala bhebha kubhabhonela. ²⁹ Kwa wula wakukubhoma ulundili lweka, mgalulile ulya wubhili. Anza umudu akufwula umwenda waho umpe ni avulosi. ³⁰ Mpe wowondi wa kulabha. Anza umudu akufwala ahadu kulinaho utamlabhaje kunduzya hala. ³¹ Anza shemkwanza abhadu bhabhabhombele, namwe bhabhombele shinisho. ³² Anza mwabhagama abhadu bhebha bhagamile imwe yoli, isho winza woni kukwinyu? Kukunti bhope ibhombibhibhakubhagamana bhala bhebhabhagamile. ³³ Anza mwabhabhombela amiza bhala bhebha kubhabhombe inyinza, isho wewinza woni kukwinyu? Kukunti bhope ibhimbibhi bhakubhomba shinisho. ³⁴ Anza mkubhalemezya abhadu ivundu mkusubhila, kunti tebhabhandujizye, isho winza woni kukwinyu? Kukunti bhope ibhimbibhibha kubhalemezya ibhimbibhi, bhaku subhila kwenga hahala iwinza. ³⁵ Ilelo bhagane abhabhibhi bhinyu mbhabhombele inyiza. Mbhalemezye mtatuyaje kubhagalishizya uwinza winyu wuhanyibha wupinti. Mhanyibha mwabhana ibhakumwanya, kukunti iwene wemwinza kubhadu bhebha takusalifwa na bhabhibhi. ³⁶ Mbhaje nu wila, anz a utata winyu hali nu wila. ³⁷ Mtabhunaje, namwe tebhabhabhune. Mtalapilaje, namwe tebhabhabhune. Mtunyile abhaji, nimwe mhanyi tunyiwa. ³⁸ Mbhapaje abhaji, namwe tebhabhape. Uwinza uwa wila -- shebhasindinye kwizula na kulenda, shihanyilenda mvisugamo vyinyu kukunti shila shemkupimila shebhahanyibhapimila shinisho shebha hayibhapimile.'' ³⁹ Iwinza ahabhabhuzya ishiholayo iwinza. ''Kukunti upubhila aga mjezya umpubhila uwamwabho? Anza agahozya isho, iwinza bhondi bhagalendela mlyina , pe bhatagalendela? ⁴⁰ Ummanyili atakubha mpinti anza umumanyizyi wakwe, ilelo umudu anza amanizyo kuwinza atabhe anza kumumanyizyu wakwwe. ⁴¹ Honi ilelo wukwenya ingalazi lyelili mkasi mulyiso lya holowaho, ingalazi ilya mkasi mlyisyo lyaho utakulyenya? ⁴² Utuweze kunabhuzya uholo waho, ''Wamwitu, ikulabha nefwe ingalazi lyelili mkasi mulyiso lyaho,' nawe utakwenya igalazi lyelili mkasi mulyiso lyaho wumwene? Wewilenga iwe! Isunti yefwa ingalazi mulyiso lyaho iwe, putulole ahinza kwefwa ikoko lyelili mulyiso lya holo waho. ⁴³ Kukunti nalimo ikwi ilyinza lye likupapa amafulisi amabhibhi, iwinza nalimo ikwi ibhibhi lye likupapa amafulisi aminza. ⁴⁴ Kukunti ikwi lyondilila likumanyiha kumatunda ingakwe. Kukunti abhadu bhatakunyebhela ifulisi mumivwa, iwinza hatakunyebhela izabibu kufuma kumivwa. ⁴⁵ Umudu umwinza habhishile ahinza kumwoyo wakwe hakufuma ahinza, nu mudu umbhibhi kwa bhishile kumwoyo wakwe akufumwa amabhibhi. Kukunti kulumili lyakwe akulonga gala ngega kuwizyuzya umwoyo wakwe. ⁴⁶ Honi hemkumbuzya, 'Mwene, Mwene, ' Nawinza mtakubhomba ingalagi kulonga? ⁴⁷ Kukunti umdu wodi wa kwinza kukwani na kwivwa, amazwigani nakugabhombela imbobo intibhalaje shali. ⁴⁸ Ataholane numudu wakuzenga inyumba yakwe, ula wa kubana pasi ihani nakuzenga umsingi uwinyumba pa mwenya piwe ilyinza. Welyizunye welukwinza, amabhiligwi ingaminzi gahomile inyumba, ilelyo gatawezizye, kuyizanya kukunti ya zengiwe ahinza. ⁴⁹ Ilelo wowondi wamalyifunye izwi lyani na atahitiha; ishiholayo shakwe mudu wamazejile inyumba pamwanya palusuto pepatali nu msingi, ulyizi welyiha kumaha, inyumba ila ya gunye apapiti.