¹ Lya fishilye isiku abhandu bha mzyungulunye u Yesu na kuntejelevwa izwi ilya Mulungu, bheayimilinye mumbali mushizibha isha Genesareti. ² Alolile ivituli vibholi vwemilinye. Mmbali mwasumbwi bhebha kusikula bhafumile na bhazozyaga indowano zyabho. ³ U Yesu ahijila mshituli mwamamile u Simoni na kumlabha ayitwale mminzi ukutali ihasina mhanya inyumu. Iwinza ahihala na kumanyizya kufumila mshituli. ⁴ Kulonga, ahamubhuzya u Simoni, ''Yitwale ishituli shaho pakaa pamizi gizyunye na kwisya indiwano zyaho usikule iswi.'' ⁵ U Simon ahitiha na kunti, Mwene, tubhombile imbobo, uwusiku wondi na tutalemile na hamu, ilelo kwizwi lyaho indinisye indowano. ⁶ Webhabhomba isho bha zyolile ahandu ahapindi ihi swi nindowano zyabho zihadumuha. ⁷ Isho bhaha bhabhuzya abhamwabho bhebhali mushituli ishamwabho bhizye kubhavwa. Bhainza bhahizyuzya ivintuli kukunti vihanda kuswibha. ⁸ ilelo u Simoni Petro, walola isho, ahagwila pa visugamo pa Yesu ahanti, ''Songola kukwani, kukunti ine namundu uwimbibhi Mwene.'' ⁹ Kukunti ahazwijizwa, nabhondi bhebhamile peka nawo, kwakusiku la iswi, webhaubhombile. ¹⁰ Ili lya bhabhazizye Yakobo nu Yohana abhana ibha Zebedayo, bhebhamile peka nu Simoni. Nu Yesu ahamubhuzya u Simoni, ''Utogopaje, kukunti kwandila utu sikulaje abhandu.'' ¹¹ Webha za leta ivituli ivwawo kuhanya inyumu, bhaha vileha vyondi na kumlandantila iwene. ¹² Ihafumila kunti wali mhanya imbinti yeka, umndu wamamile nuwubhinu amile ukwo. Wamulola u Ywsu, anguye ahasulamiha amiso paka pasi na kulabha, kunti, ''Umwene, anza akwanza ugawezya kumbonwa.'' ¹³ Iwinza u Yesu ahangolosya iyobhe yakwe na kumkunda, ahanti, ''ikwanza. Pona.'' Isala yiyila uwubhinu huhalela. ¹⁴ Ahamlajizya atamubhuzyaje umundu numo, ilelo ahamubhuzya, ''Bhalaga ikwaho, nuhanyilolesye kubha chungsji nu bhafumwe isadaka iya kupona kwaho, shishila shu Musa shamalojile ahapango kukwabho.'' ¹⁵ Ilelo ahapangwi ihawene hahasata ukuntali ihani, nu uwiji uwabhandu wuhinza kumtejelevwa wakumanyizya na kubhaponwa uwubhinu wabho. ¹⁶ Ilelo kusiku kusiku ahayepaga ahabhaga kwekushile ahaputanga. ¹⁷ Ihafumila isiku lyeka kusiku zya hamanyizyaga, bhalipo Ufarisayo nu umumanyizyi uwingaji zyo bhihanye ipo bhafufuminye mhanya inyinji, kuhanya ipimbiti na Galilaya na Yudea, naiwinza kuhanya iya ku Yerusalemu. Iha lya mwene lyamilepeka kuponwa. ¹⁸ Abhandu abhamwabho bhahinza, bha mupimbile mshilili umdu wa funye kumbali, nabhahanza indala ilya kumwijizya mkasi anzabhamgonelezyepasi pilongolela pa Yesu. ¹⁹ Bhatahalyanga indala ilya kumwijizya mkasi kukunti abhadu bhiji, bhahazubha pashisonje ishinyumba na kumwisya umdu ula, pasi kushilila mulwilonga pamwanya pa shilili ishakwe pakasi pabhadu pilongolela pa Yesu. ²⁰ Ahenya kwitiha kwabho, u Yesu ahanti, ''Manyani, imbibhi yao yatunyiwa.'' ²¹ Ahasimbi na Mafarisayo bhahanda kupembuzya ilyo, bhahanti, ''Unu wu nanu wakulonga izya kusufwa? Wunanu wakutunyila imbibhi yoli Umulungu umwene basi?'' ²² Ilelo u Yesu, amanyile hebha kusibha ahabhabhuzya na kunti, ''Honi hemkunyipembuzya mmoyo nginyu? ²³ Lilikwi lyelyolo kulonga, 'Imbibhi zyaho zyatunyiwa, au kunti ' Yimilila ujendajee?' ²⁴ Ilelo mmanye kunti umwana wa Mulungu ali nuwuwezyo uwakutunyila imbibhi, ingu kubhuzya iwe, 'Damha, yengaa ishilili shaho ubhale kuhanya kukwaho.''' ²⁵ Isala yiniyo yiniyo ahandamuha na kwanga ishilili shakwe shamagoneye. Ilelo handunga kuhanya yakwe akumpala Umulungu. ²⁶ Wowondi ahaswinga na kumpala Umulungu. Bhatunya, bhahanti, ''Twalola zyete zyakulola umsayumu.'' ²⁷ Kukunti we zyaloleha izyo, u Yesu ahafuma ukwo na kumlola wakusoshezya uwashuru we amamile itawa Lawi ayihanye pamu pebhakwejela uwushuru. Ahanti na, ''Ndatile.'' ²⁸ Pu Lawi ahabhuha na kumfwata ahahaleha kila hohondi kulusalo. ²⁹ Iwinza u Lawi ahangopa undajiha kukwakwe imbiti kwamwwene u Yesu. Bhamile bhebhakusoshezya uwushuru abhiji na bhiji bhebhihanye pa meza bhahalya peka inawo. ³⁰ Ilelo abhafarisayo nabhakusimba abhabho bhahabha bhunaga ahabhamanyili, bhahanti, ''Honi hemkulya na kumwela ni bhimbibhi peka nebhebha kusoshezya uwushuru?'' ³¹ U Yesu ahanti, ''Abhandu bhebhatabhinile bhatakwanza amalembo hala yoli bhebhabhinile bhebha kwanza kumwela umlembo. ³² Indizile kubhabhishila abhandu abhinza hala, kuyihana yoli ibhimbibhi bhayihane.'' ³³ Bhahamubhuzya kunti, ''Abhamanyile ibha Yohana ahatali ibhene bhatakulya, na kuputa ibhope abhamanyili bhafarisayo bhope bhakubhomba shinisho. Ilelo abhamanyili bhahobha kulya na kumweha.'' ³⁴ U Yesu ahabhabhuzya, ''Ahati ikuwezehana kunti umundu walajinye kunti abhabhuzye bhebhizile pandaji la iya Mwene kunti bhatalye wumwenesho alipo panapo? ³⁵ Ilelo isiku zihayiza wu mwene ahayepa kukwabho, pentebhahalye hala.'' ³⁶ Iwinza u Yesu ahalonga kubhene ishiholanyo. ''Numo wakwefwa umwenda umpya na kubhiha mumwenda umkulu hala anza ahozya isho. atawuleshe umwenda umpya, shitanga hondela hala mwenda umkulu. ³⁷ Iwinza, numo wakubhiha ipele ipya mvisupa ivikula. Anza agahozya isho vogalusa ivililo, nipele lingitiha, ivisupa viga najiha. ³⁸ Ilelo ahandu ahinza hakwanza kubhiha mvisupa ivwinza. ³⁹ Numo umundu waganda kumwela ahadu ahinza ihimandi iwinza, angaza ipwa kunti iyimandi yeyinza.'''