¹ Pu, Yesu wanyizuzya umpepu umfijile, ahadunga kufuma kulwizi Jordani, alongolezizye nu umpepu umngululu. ² Kusiku arobaini, nukwo ahalinga kwa nu setano. Isala iyo atalinye ni vindu na vimo, nu kusaliyo ahayilolanga izalaa. ³ Usyetani ahabhuzya, ''Kunti iwe anza wa msi wa Mulungu, libhuzye iwe ili libhe limbumunda.'' ⁴ U Yesu ahanti, ''Yisimbiwe; 'Umundu atandile kwi bumunda halaa.'' ⁵ Iwinza usetano ahalongolozya pamwanya ihani pa lubhambala ahamlanga iwinza wondi uwizsi kusala yiniyo. ⁶ Usyotani ahambhuzya, ''Intikupekila hohondi kubha vwaho. Nuwinza wondi ikuwezya kubhomba isho kukunti vwondi vibhishiwe kukwani. Kunti ivitole ni inguwezya kumpa wowondi wenati impe. ⁷ Kukunti anza wangu zamila na kuputa, ivindu ivi vyondite vibhe vwaho.'' ⁸ Ilelo uyeshu ahambhuzya nakulonga, ''Isimbiwe, ''Ikwanza kumputa Umwene Umulungu waho, ikwanza kubhombela iwene umwene yoli.'' ⁹ Iwinza usyotani ahamlongolezya uYesu paka Yerusalemu nakumbhiha pamu pamwanya ahani pinyumba inya shibhanza na mubhuzya, ''Kunti iwewe msu wa Mulungu, yilezye pasi kufuma ipa. ¹⁰ Ku kunti isimbiwe, ''Atabhalajizye abhahabhizya bhakwe bhakubhishe na kukundima, ¹¹ Te bhakubusye pamwanya mnyobhe zyabho anza kuti utaha viwalale ivinama vwaho pamwanya iwe.'' ¹² UYesu ahalonga na kunti, 'Isimbiwe, ''Utalingaje Umwene Umulungu waho.'' ¹³ Usyetani wamala kumlinga UYesu, ahamihala izyakwe na kumleha pakaa isala inyinji. ¹⁴ Ku kunti u Yesu ahadunga Galilaya kumaha inga mpepu, ni imbepu zihenela na kusata namsi imbalamani zyondi. ¹⁵ Amanyizi zye mma kanisa gawo, kila weka apalile. ¹⁶ Isiku lyeka abhalile ku Nazareti, kunsi ya amasujiwe na kukulila. Anza shezili wone anyijiye mkanisa isiku ilya pa Mulungu ahimilila kubhazya ibhangili. ¹⁷ Apeliwe ibhangili ilya umloli uyisaya, isho, ahangumbula ibhangili na kwanza pepasimbiwe, ¹⁸ Umpepu uwa mwene wuli pamwanya pani, ku kunti apashile amafuta kulumbilila indajizyo inyizya kubhapina. Andajizizye kulonga, amazwi, kubhakwungwa. Nakubhabhiha bhebhata kulola kulola iwinza kubhabhiha irahabhala bhebha kubhafinila, ¹⁹ Kuwulonga umwaha wu mwene atalolesye uwinza wakwe.'' ²⁰ Iwinza ahangumbishila ibhangili ahamduzizya umdimi uwi kanisa, ahihalapasi. Amiso inga bhandu bhondi bhebhamile mkanisa gamwe mjizye iwene. ²¹ Ahandakulonga nabho kunti umsayunu, ''Amazwi inga galoleha mumakutwe ginyu.'' ²² Kila mundu pala azilolile zila zya alonga u Yesu, na abhinji mubha mwabhobhaswijizye na mazwi ingi njelle. Ngega hafumaga mwilomu lyakwe. Bhaha longaga, ''Unu msahala ibhulo wa Yusufu, te shishi sho?'' ²³ U Yesu ahabhabhuzye, ''Yoli temlonje ishili kukwani, ''Mganga, ayi langule wunyo. Hohondihetwivunye ukubhomba Kapernaumu, habhombe panapa na kushijiji kwaho.'' ²⁴ Iwinza ahalonga, ''Yoli ikubhabhuzya imwe, numo umloli webhakumwiiha kukwabho wope.'' ²⁵ Ilelo ikubhabhuzya imwe yoli kunti kwamile na bhafwile abhinji ku Israeli kusiku izya Eliya, wimwanya yandindiwe kutabhe ivulaye kwamile izalaa imbiuti msiyondi. ²⁶ Ilelo Eliya atasondelezizyo kwanumo kubhene bhebha ponile yoli Naamani umunu uwa siria. ²⁷ Kwekunti pamile na bhakoma abhinji pa Israeli ku sala iya Elisha umloli, yoli kutamile numo wabho wamaponile yoli u Naamani umundu uwa Siria. ²⁸ Abhandu bhondi mkasi mukanisa bhahaganduha webhivwa izyo zyondi. ²⁹ Bhimiliye na kumtejelevwa panzi pamji, na kumlongozwa pakaa mmbali mlushabaha pu umji wabho wazengiwe pamwanya yakwe, anza bha wezye kumtanga pasi. ³⁰ Ilelo ashilile ahinza pakasi yabho ahabhala izyakwe. ³¹ Iwinza ahishila Kapernaumu, kunsi iya ku Galilaya. Pa mulungu pamu ahamanyizyaga abhandu mkasi mkanisa. ³² Bhaswijizyo ni manyizyo yakwe, ku kunti ahamanyizyaga ku amli. ³³ Ishi isiku ilyo mkasi mkanisa, kwa mile numundu wa mamile umpepu umbhibhi alilile kwinzwi ipinti, ilya pamwanya, ³⁴ ''Tuli na honi niwe, Yesu uwa Nazareti? Unyizile kutungoga? Imanyile kunti iwe wananu! Iwe wa mwinza uwa Mulungu!'' ³⁵ U Yesu ahamuhalalila pepo ahanti, ''Puma ibhulo, nu umwepe umundu uno!'' Umpepu ula ahamusumba umndu ula pasi pabhene abhamwepa umndu ula atahamu ivwalazya na hamu. ³⁶ Abhandu bhondi bhaha swigaa, bhahendelela kulonjela zizila kila mundu nu wa mwabho bhahalonga. Kunti mazwigoni inga akubhabhuzya abhapepu abhabhibhi ku amri na kwihaa na bhakulenda.'' ³⁷ Isho, imbepu pamwanya pa Yesu zihenela kwondi na kumaeneo ngega zwungulunye umkoa huyo. ³⁸ Iwinza u Yesu ahepa msi iyo na ahijila ku nyumba iya Simoni. Ishi, umanyivwala wake nu Simoni habhinanga izengema ihali, na bhahamubhuuzya badala yakwe. ³⁹ Pu, Yesu ahamsejelela, ahanyihalalila izengema ihamwe pa panapo. Ahimilila na kwanda kubhabhombela. ⁴⁰ Izubha welikusya, abhandu bhamuletenye u Yesu kila wamamola mubhinu uwimbungo yoyondi yila. Abhishile inyobhe yakwe pa mwanya pakila mubhinu na bhabhaponwa bhondi. ⁴¹ Imbepu iwinza zyabhepile abhinji bhabho zihalila kwinzwi na kulonga, ''Iwe wa mwene wa Mulungu!'' UYesu ahanzi halalila imbepu na kuzibhuzya kulonga, ku kunti zya mayile kunti iwene amile wu Kristi. ⁴² We kwasha, abhalile kumo kwekutali na bhandu ulubhungano ulya bhandu. Luhamwazanga na bhahiza pali bhahaliganga kumdida kunti atabhalaje apatali na bho. ⁴³ Ilelo ahabhabhuzya, ''Ikumbujila kunti idumbilile amazwi amiza inga kumwanya kwa Mulungu kunsi inyinji, ni nyinji ku kunti sheshishishi isondeleziwe ipa.'' ⁴⁴ Iwinza ahendelela kulumbilila mkasi yi kanisa ku uyadu kwondi.