¹ Ahabhalilo aha shikulukulu isha makati gegatabhishilwe uwusafu shamile papipi, shinisho bhahatinji ipasaka. ² Abhapiti bhabhaaputi peka na bhamanyizyi bhahazaga idala ilya kumugojela u Yesu, bhahabhogopaga abhantu. ³ Pe usetani ahamwinjila u Yuda Iskariote, weka mubhalandati ishumi na bhabhili. ⁴ UYuda ahabhala kubhapiti na kubhapiti abhabhaputi ahalonga nabho she atibhavwe kumulema u Yesu. ⁵ Lihabhahondezya, nhani pe bhani ntihana kumupa inhela. ⁶ Iwe ahasha, ahanda kwamza ahabhalilohe impuga iya bhantu kuti amulenjelele u Yesu. ⁷ Isiku ilya makati ge gatabhishilwe uwusafu, lihafiha yihanziwanga ingole zye zyi pasaka. ⁸ U Yesu ahamusontelezya u Petro nu Yohana, ahati, ''Bhalanji mutulinganishizye ishakulya ishi pasaka.'' ⁹ Bhahamubhuzilizya, ''Bhahati ukwanza tulinganye kwoshi?'' ¹⁰ Ahabhabhuzya ahati, ''Bhalaji mwinjile, munhaya, mutihomane nu musahala umo ayitwishile insonta iya minzi muhamulandataje. Muhinjile munyumba ya atayinjile. ¹¹ Pe muhamubhuzye umwanesho uwinyumba, muhati, ''Umumanyizyi akubhuzilizya akuti, ''Ulwabhajeni luli poshi, akwanza kulya ishikulukulu ishi pasaka peka na bhalandati bhani?'' ¹² Atibhalanje ulupitu ulwa kumwanya munyumba injelenhanye. Munumwo mwe mutilinganye.'' ¹³ Bhahafiha, bhahaga zyonti zili shishila she abhabhuzizye pe bhahalinganya. ishakulya ishi shikulukulu ishi Pasaka. ¹⁴ Ahabhalilo we hafiha, ahihala kulya peka na nabhasundikwa bhakwe. ¹⁵ Ahabhabhuzya ahati, ''Naseshela nhani kulya ishikulukulu ishi ishi Pasaka peka nimwe, wishili kubha mumanyimba. ¹⁶ Inkubhabhuzya kuti te inhalye winza, paka Umulungu abhatula mu wumwene wa Mulungu.'' ¹⁷ Pe u Yesu ahega ishikopa, ahamusalifwa umulungu ahati yeji, ''mumwele mwenti. ¹⁸ Inkubhabhuzya kuti, te inhamwele winza idivai iya mazabibu, paka we umwene wa Mulungu wuhayinza.''' ¹⁹ Pe ahegaikati ahamusalifwa, ahamensulanya, unu we mubhili wani inkufumwa kunongwa yinyu. Mubhombaje shinishi kunkumbuha ine.'' ²⁰ Ahega ishikopa ishi sha lufingo ulupwa, ''Nimwe kwidala ilya kwitiha ibhanda lyani kunongwa yinyu. ²¹ Ilelo mumanye kuti we akwanza kundojelela, tukulya peka nawo panapa. ²² Kwekuti umwana wa muntu bhatibhale kumugoga. Anzashulu bhatiho bhabhishile ilelo asheleye umuntu wunuyo we akumulenjelela!'' ²³ Bhahanda kubhuzilizanya bhibho na bhibho kuti wunanu mushipuga shabho we atibhombelinilyo. ²⁴ Bhahanda kudalinhana kuti wunanu mubhibho we mupiti. ²⁵ Ahabhabhuzya ahati, ''Abhamwene abinsi bhakutabhala abhantu bhabho kumaha, ilelo umwene wabho bhakuyiteha kuti, bha shisa kubhantu. ²⁶ Ilelo imwe mutahashele kubhomba shinisho lyoli umuntu we mupiti kukwinyu. Wunuyo abhanje ngati munsi kubhonti, we akulongozya. Abhanje ngati muntu wa kubhombela abhanji. ²⁷ Ishi umupiti wunanu, we akwikala kulya isha kulya awe ula we akubhombela abhanji? Bhuli te wuwula we akwihala kulya isha kulya? Ilelo ine indi peka nimwe indi ngati muntu we akubhombela abhanji. ²⁸ Ahabhalilo honti ahi ndingo zyani imwe mwe mwamile nine. ²⁹ Ishi inkubhapa amaha aga wumwene wani anza she utata ampiye kutabhala, ³⁰ Pe muti lyanje na kumwela nine muwumwene wani. Habhili mwihale mumatengo aga shina mwene kubhalonga abhantu iviholo ishumi na bhibhili ivwa bhaisilaeli. ³¹ Simoni, Simoni, umanye ahinza kuti, usetani amuhalabhile na kugulusya anza ngano. ³² Ilelo inkukulabhila, kuti utahinze uleshe ulwitiho ilelo we wangalushila ine. Uhabhagomwe abhamwinyu.'' ³³ U Petro ahamwamula ahati, ''Wemwene, ine injifumizye kukungwa mwinjele pope yibhe ya kufwa.'' ³⁴ U Yesu ahamwamula, ''Ahati, Petro, inkukubhuzya kuti inhanda we yishili kubhilishila, uti bhe wahana hatatu kuti utamanyile.'' ³⁵ We nabhasontelezya sita nhela, awe imbugulu awe ivyakulya, mwabhuliliwe ahantu hohonti?'' Bhahati ''Hala.'' ³⁶ Ahabhabhuza ahati, ''Ishi inga, umuntu alini mbugulu, ayeje. Wope watali ni panga, akazye ikoti lyakwe akale lyeka. ³⁷ Kunongwa ye yisimbilwe kuti, abhazililwe na bhabhomba mbibhi, 'Ishi inkubhabhuzya kuti ganago ga kwanziwa gabhombeshe.'' Bhahamubhuzya bhahanti, ''Wemwene, yeya! galipo amapanga gabhili.'' ³⁸ Ahati mutajendelele kulonga inongwa izya kwila.'' Pe u Yesu ³⁹ Pe u Yesu ahasogola, ahabhala kwigamba ilya Mizeituni, anza she yamile mwata yakwe abhalandati bhakwe bhahamulandata. ⁴⁰ We bhafiha, ahabhabhuzya ahati, 'Muputaje kuti indingo zitahabhatole.'' ⁴¹ Ahabhala pilongolela hashe, uwutali uwa kusumba iwe, ahasugamila ahaputa, ⁴² We, ''Tata, inga uyiganile, unefwezye ishikopo ishi. Ilelo zitabhombeshe anza she inkwanza ine, lyoli zibhombeshe anza she uyiganile wunewe.'' ⁴³ Pe uhabhizya kufuma kumwanya ahamwinzila ahamupa amaha. ⁴⁴ Ilelo ahonjezya kuputa, kunongwa yamile nu wiswimilizu uwupiti, weaputa amatwinsigegali anza bhanda gahalendaga pasi. ⁴⁵ We aputa ahimilila ahabhala kubhalandati bhakwe, ahaga bhagonile, kunongwa ye bhamile nuwuswimilizu, ⁴⁶ Ahabhabhuzya ahati, ''Honi he mugonile? Damushi muputa, kuti indingo zitahabhatole.'' ⁴⁷ We akulonga zyonti zinizyo, lihinza ipuga isha bhantu bhe bhalongolilwe nu Yuda, ahamusejelela u Yesu anza amutambile, ⁴⁸ Ilelo u Yesu ahamubhuzya ahati, ''Yuda, ukumulenjelela umwana wa muntu kwa kumutambila?'' ⁴⁹ We bhalola ganago na kumanya zyezihayibhombeha, bhahamubhuzilizya bhahati, ''Wemwene, tubhadibanye na mapanga?'' ⁵⁰ Pe umo mubhanabho ahamuhoma umuntumwa wa mupiti ahamudiba ni panga ikutwe ilya kundilo. ⁵¹ U Yesu ahati, ''Laha linilyo. Ahampalamasya ikutwelila ahamuponia. ⁵² U Yesu ahabhabhuzilizya abhapiti abhabhaputi abhapiti abha bhasikali, peka na bhasongo abhabhayandi, ''honi hemwinzile namapanga ni ndugu, ngati mwinzile kumulema umubuda? ⁵³ Insiku zyonti twabhanga peka munyumba imfinjile, honi mutandemaga ilelo iha he habhalilo hinyu. He atabhalaye umwene uwa hisi.'' ⁵⁴ Bhahamulema, bhahabhala, nawo munyumba ya muputi umupiti. UPetro ahalandataga ukutali. ⁵⁵ Bhahapemba umwoto wope, u Petro ahasetejelela ahihala peka nabho. ⁵⁶ Ilelo we uluhozyo ulwa mwoto lwalama umubhombi umo umulindu, ahamulola u Petro ayihaye ahamwenya ahinza, ''Ahati wope unu amile peka nawo.'' ⁵⁷ Ilelo u Petro ahati, wu mwantanda, iwe, uli na malenga ine intamumanyile.'' ⁵⁸ Pilongolela hashe, umuntu uwamwabho ahamulola ahati, ''Niwe bhulo uli peka na bhala.''U Petro ahamwamula ahati, ''Wumuntu, iwe ine intali peka nabho.'' ⁵⁹ We yatuha isala yeka, umuntu uwamwabho ahazemeshezya ahati, ''Nalyoli umuntu unu amile peka nawo, kunongwa ye wope Mugalilaya.'' ⁶⁰ Ilelo u Petro ahati, ''wumuntu iwe.''Zinizyo zye ukulonga ine intazimanya, papala we akulonga, inhanda yihabhilishila. ⁶¹ Umwene, UYesu ahagalunhana, ahamwenya u Petro. Pe u Petro ahakumbuha amazwigalage u Yesu, amubhuzizye, ''Kuti umusayunu we inhanda yishila kubhilishila, utibhe wa nhana hatatu.'' ⁶² Ahafuma kunzi, ahalila amansozi gahiha nhani. ⁶³ Abhashala bhe bhahamulindililaga u Yesu, bhahamusupizyaga na kumuhoma. ⁶⁴ Bhahamupinya ni shitambala kumiso, bhahamubhuzilizya bhahatinji, ''Tambula twenye! Wunanu akuhoma?'' ⁶⁵ Bhahajendelela kumuliga indigo inyingi bhulo. ⁶⁶ We kwasha, abhasongo, bhahalajizya. Kuti bhamutwale pilongolela pi Balaza, ⁶⁷ Tubhuzye, ''Iwe wewe Kristi, ahabhabhuzya ahati.''pope inga na bhabhuzya, ''Te mwitishengaheka, ⁶⁸ Habhili inga na bhabhuzilizya, te mwamule nalimo.'' ⁶⁹ Ilelo kufuma isala ini, umwana wa muntu atiyihale, kumbali iya kundilo kwa Mulungu uwamaha gonti.'' ⁷⁰ Bhonti bhahati, ''Kwekuti iwe we mwana wa Mulungu?'' U Yesu ahabhamula kuti, ''Imwemwe mukuti ine ne nene.'' ⁷¹ Pebhahati, ''Tukwanza washiuwa keti? Kunongwa ye itwe tunetwe twivwa izwi ili kufuma mwilomu lyakwe wuyo.''