¹ U Yesu ahabhalola abhadumbwe bhahafumwaga ifinjile zyabho mushililo isha kufumwizya imfinjile. ² Ahamulola umufwile umo umupina ahabhiha utukobheli tubhili. ³ Nalyoli inkubhabhuzya, ''Umfwile unu umupina, we afumizye apapiti kushila abhanji ibho bhonti. ⁴ Ibha bhafumizye muvintu vwaho ivwinji. Ilelo umufwile unu muwupina, wakwe, afumizye vwonti vwamile vwa kumwavwa muwihalo wakwe.'' ⁵ Bhahalongaga izyu nyumba imfinjile she yazenjilwe na mawe aminza, peka nivintu vwe vikusungusya vwe bhafumizye, ahati, ⁶ ''Ganago gonti ge mukugalola ishi zihzyinza insiku zye te lihaloleshe iwe nalimo pamwanya pa lyamwabho gonti gahayipongolwa.'' ⁷ Bhahamubhuzilizya, bhahati, ''Mumanyizyi, ganago gahayifumula lino? Habhili shilolesyo shoni she shihayitusimishizya kuti zili papipi kubhombeha?'' ⁸ U Yesu ahabhabhuzya, ''Mubhe amiso kuti mutahinze muhopelwe. Kunongwa ye abhinji bhahayinza kutawa lyani weka weka ahayitinji, ine na kristi ahabhalilo halipapipi mutahabhalandata. ⁹ we mwivwa intumi izyibho nu wunanganyi mutahogopaji, pope ganago gahayilolehasuti ahabhalilo nyene aha kumpelela hahayibha hashili.'' ¹⁰ Ahendelela kuti, ''Insi zihayilwanga ni zyamwabho, uwumwene wahayilwanga nuwamwabho. ¹¹ Imbali zimo kuhayibha iviyingayinga, iviwanya ivwa kwambushila ni inzala kuhayibha ivintu ivwa kwogofya ni vilolesyo kufuma kumwanya. ¹² Zinizyo we zishili kufuma bhahayibhalema, na kubhayimvwa bhahayibhatwala mumasinagogi na kubhakunga kwijela, bhayibhatwala kubhamwene na kubhantu na kuti mulongwe kunongwa yita wa lyakwe. ¹³ Ilelo hamaho he hahayibha he habhalilo kufumizya uketi. ¹⁴ Ishi muleshe kutuya kuti muhayilongo lyoni, ¹⁵ Kunongwa ye ine intibhape injele na mazwige muhayilonga, pakaabhalugu bhinyu bhahayipotwa kubhahana na kubhadinda. ¹⁶ Habhili muhayilonjelelwa na bhapafi bhinyu na bhamwinyu, na bhaholo bhinyu na bhamanyani bhinyu, bhahayibhagoga. ¹⁷ Bhahayibhavwitilwaga kunongwa ye mukundandata ine. ¹⁸ Te luhateje pope ulusisi lweka mumatwe ginyu. ¹⁹ Anga mwajimbilila ipo pe muhayiposhela uwumi winyu. ²⁰ Inhaya iya Yerusalemu ya bijilwa na bhebhakulwa, pe muhayimanyaga kuti kulongwa kulipapipi. ²¹ Pe bhebhali mu Yudeya bhahashimbililaje mumagamba, bhebhali munhaya ipiti bhatahasogole bhebhali munhaya iya muvwizi bhatahagalushe. ²² Kunongwa ye insiku zinizyo zihayibha zya manyimba inga mazwi gonti ge gasimbiwe gahabhombeshe. ²³ Bhesheleye bhebhahayibha pa wumwamu! Na bhebhakwonsya, kunongwa yebhahayiyimba abhantu ibhahabhalilo inha. ²⁴ Bhahayibhagoga ni panga bhamu bhahayibhatwala, mu wutumwa munsi inyinji inhaya iya Yerusalemu kufishila pe insiku zyabho izya kutabhala pe zihayibha zya sila. ²⁵ Vihayiloleha ivilotesyo kwizubha, kumwezi na ku nzota. Na munumu munsi, abhasumbi bhahayibha na mabhilingwa amapiti kuhayibhobhiha, amanyimba ni lyogo. ²⁶ Ganago gonti, we gakwinza munsi abhantu bhahayihatamba mumwoyo kunongwa ya kwogopa nhani ivintu ivwa kumwanya vihayiyinga. ²⁷ Pe bhahayimulole umwana wa muntu akwinza mumabhingo kumaha nu wumwanu. ²⁸ We gakwanda kubhombaha, muhabhaje nu lusubhilo kunongwa ye ganago gahayilolesya kuti Umulungu ali apapipi.'' ²⁹ U Yesu ahabhabhuzya ishiholayo ahati, ''Yenya ikwi, ilyamutiti na aganji. ³⁰ Weganda kutefuha, mukumanya kuti ishi sanya shilipapipi. ³¹ Sheshinisho wemukuzilola zinizyo mumanye kuti uwumwene wa Mulungu wali papipi. ³² Nalyoli, inkubhabhuzya kuti, ahabhalilo inhate bhfwe paka zinizyo zyonti zitibhe zya bhombeha. ³³ Kumwanya na pasi vitishile, ilelo zye zyalongwa mumazwi gani tesihashile. ³⁴ Mubhe amiso, kuti mutahalemewe, nuwumwezi namanyimba aga munsi umu insiku ilyakumpelela lihayizya kwangugandusya. ³⁵ Anza ishitego. Kunongwa ye isiku linilyo lihayibhizila abhantu bhonti, munsi zyonti. ³⁶ Ishi mubhe amiso, ahabhalilo honti, mumulabhaje kuti abhapanje amaha kushila muzyonti, kuti muhondele kwimilila pilongolela, pamwana wa muntu.'' ³⁷ Shamusanya ahamanyizyaga, mwilinga ilyinyumba imfinjile, sha usiku ahabhalaga kugona mwigamba ilya Mizeituni. ³⁸ Abhantu bhonti bhahizaga shilabhila na kubha munyumba imfinjile kumutejele vwa.