¹ Isiku limo, u Yesu ahamanyizyaga abhantu mu nyumba imfinjile, na kubhalumbilila izya Ntumi nyinza abhaputi abhapiti abhamanyizyi abhindajizyo bhahamu bhalila. ² Bhahamubhuzya bhahati, 'Tubhuzye ukubhomba zinizi ku maha goni? Wunanu we akupiye amaha ganago?'' ³ Ahabhabhuzya, ahati, 'Nine inkubhabhuzilizya kuti. Mumbuzye. ⁴ Amaha ga Yohana. Aga, kwozya abhantu wunanu wa mupiye wu mulungu amupiye awe bhantu bhamupiye? ' ⁵ Pe bhahabhuzilizanya bhibho bhahati, inga, 'Twati, 'Wu Mulingu amupiye, 'Atata, honi hemutahamwihaga?' ⁶ Ilelo inga twati; bhantu bhamupiye bhonti ibhabhatituhome namawe kunongwa ye bhitishile kuti u Yohana amile mukuwi.' ' ⁷ Pe bhahamwamula bhahati tutamanyile kwe gafumile. ⁸ U Yesu ahabhabhuzya ahati, '''Nine intakubhabhuzya kuti wunanu ampiye amaha aga kubhomba zinizi.'' ⁹ Ahabhabhuzya abhantu ishihola nyo ishi, ''Alipo umuntu umo we awalile amazabibu, mushizi shakwe ahabhabhiha abhalimi, wene ahashula ahabhala munsi iya kutali kunukwo ahihala amaha aminji. ¹⁰ Ahabhalilo aha kutungula we hafiha ahamusontelezya umutumwa wakwe kubhalimi bhala kuti bhamupe izabibu, zimo zyebhatunguye mushizi shakwe ilelo waafiha abhantu bhala bhaha muhoma na kumubhinga ahagalula inyobhe - nyene. ¹¹ Ahamu sontelezya uwamwabho wope bhaha muhoma na kumubhombela zyezitahondeye ahagaluha inyobhe bhulo. ¹² Ahamusondelezya uwa wutatu wunuyo wope bhahamuvwalazya bhahamusumba kunzi. ¹³ Umwanesho uwishizi ahati, 'Intibhombe lyoni? Intimusontelezye umwana wani umuganwa. Pamu webhatimu shindishe.' ¹⁴ Ilelo abhalimi bhala we bhamulola, bhahabhuzanya, bhahati, 'Wunanu we atipwanile ishizi ishi. Ishitumugoje, kuti uwugali wakwe wubhe witu. ' ¹⁵ Bhahamu kwesela kunzi kushizi. Bhahamu goga ishi umwanesho uwashizi ahayibhabhomba ilyoni? ¹⁶ Ahayiza kubhanyazya ishizi shinisho ahayibhapa abhaji ''.'webhivwa amazwi ganago bhahati, 'Ganago gatafumile nga heka. ¹⁷ U Yesu ahabhenya, ahabhabhuzilizya ahati, ''Ishi uwusimbe uwu kwekuti bhuli? ' Iwe lye bhalisitile abhazenji, linilyo lyelyabha liwe lya pambali'? ¹⁸ Umuntu wowonti i nga agwila pi we linilyo, ahiyipwote nhana habhili we lya mulendela, lihayimutinzanya wonti. ' ¹⁹ Pe abhamanyizyi abhi ndajizyo na bhaputi abhapiti pe bhahanzaga kumulema papala ilelo bhahogopaga impuga iya bhantu. ²⁰ Bhahamwenya ahinza, bhahasontelezya abhantu bhe bhahayibhiha ngati bhana lyoli kuti bhinanjizye, kuti bhamutwele kwa mwene. ²¹ Pe bhahamubhuzilizya, bhahati, ''Mumanyizyi, yumanyile kuti ukulonga na kumanyizya izya nalyoli, kuti bhalandataje zye Umulungu akwanza. ²² Bhuli, indajizyo zyamusa zikwitishizya awe zikuhana kufumwa insonho kwa mwene ukaisari,?'' ²³ ilelo u Yesu ahamanya kuti bhamutejeye bhabhuzya ahati, ²⁴ ''Mundanje inhela iyi dinali. Ipicha ini nitawa ili vwa nanu?'' Bhahati, ''Vwa kalisali.'' ²⁵ Ahabhabhuzya ahati, 'Ishi, ivwa kalisali, mumupanje ukalisali, ni vwa Mulungu mupanje Umulungu.' ²⁶ Bhahaswiga nhani uwa mulo wakwe bhahapuma mye bhahapotwa apa kwandila kumusitaka kunongwa ya mazwi ge ahalonga pilongolela pa bhantu. ²⁷ Abhasadukayo bhahamubhalila, bhala bhebhakuti abhafwe te bhahazyushe, ²⁸ Bhahanubhuzilizya, ''Mumanyizyi, u Musa atusimbiye indajizyo kuti inga umuntu umusahala afuye amuleshile umushi wakwe atali nu mwana yihondeye kuti umugalaje umufwile ula inga umupapile abhana. ²⁹ Ishi bhalipo abhantu saba bhe bhamile bhana bhayise wakwe, uwakwanda ahafwa sita kuleha abhana, ³⁰ Uwa wubhili shinisho. ³¹ Uwa wutatu ahamugala wope ahafwa. ³² Wope atahaleha umwana numo. ³³ Ishi inga kulipo kuzyuha kubhafwe ahayibha mushi wananu? Kubhasahala bhala saba.' ³⁴ U Yesu ahabhabhuzya ahati, ''Abhantu bhamu habhalilo iha bhakwega na kwegwa. ³⁵ Abhantu bhe Umulungu akulola bhahondeye kuti abhazyusye kufuma kubhafwe bhanabho te bhahegaje awe kwejelwa winza. ³⁶ Peka na linilyo te bhahafwe abhahabhizya bhakubha bhana bha Mulungu kunongwa ye bhazyushile kufuma ku bhafwe. ³⁷ Wope u Musa alonjile kuti abhafwe bhahayizyuha, alonjile linilyo muwusimbe umfinjile mushisyeta she shihahaga umwoto. ³⁸ Umulungu atakubhabhilishila abhafwe kumpata, wene yoli bhe bhumi, kwe kuti kukwakwe abhantu bhonti bhumi.'' ³⁹ Pe abhamanyuzyi na bhindajizyo bhahati, 'Walonga, zinizyo.' ⁴⁰ Kwandila panapo bhahabha bhakwogopa kumubhuzilizya. ⁴¹ Pe uYesu ahabhabhuzilizya ahati, ''Bhulibhali abhantu bhakuti ukristi mwana wa Daudi? ⁴² U Daudiwuyo asimbile mushitabu isha Zabuli: Umwene ahamubhuzya umwene wani: ⁴³ Ati yihala kulubhazu ulwi nyobhe indilo, Kufishila pe inti kwavwe ubhatole abhalugu bhaho na kubhatabhala. ⁴⁴ 'U Daudi amuteshile Ukristi kuti, 'Wumwene, wakwe angabha mwana wakwe bhulibhuli?'' ⁴⁵ Abhantu bhonti bhebhahamutejelezya bhahabhabhuzya abhalandati bhakwe, ⁴⁶ Mubhe amiso na bhanyizyi, bhebhakujenda ku mabado we bhakwatile inkanzu, kuti abhandu bhabhalamuhaje kulushindiho mumadala, bhali mwisinsgogi, bhakwanza kwihala mumatengo aga pilongolela. ⁴⁷ Bhope bhakufwula kuwushevu ivintiu vwa bhafwile, abhene bhakuputa imputo intali bhahayibha ulufundo ulupiti. '