¹ U Yesu ahinjila munhaya iya mu Yeriko. ² Panapo pamile nu muntu webhahatinji u Zakayo. Amile mupiti wa bhasoshezya nsonho habhili amile wudumbwe. ³ Ahanzaga kumulola u Yesu kuti ali bhuli bhuli, ilelo ahapotwa kumulola kunongwa ye amile mufupi. ⁴ Pe, ahabhala kwilongolela kumpuga ya bhantu, ahazubha mwikuyu, inga amulole u Yesu we akushila pala. ⁵ U Yesu we afiha paala, ahenya kumwanya ahamubhuzya ahati, 'Zakayo, yiha nalubhilo kunongwa ye umusanyunu ikwanzi wa imbe munyumba yaho.' ⁶ Ahiha na lubhilo, ahamulanjila kuluseshelo. ⁷ Abhantu bhonti we bhalola, bhanda kuyibhuna, bhahati, 'Honi abhala kwa muntu umubhomba mbibhi.' ⁸ Uzakayo ahimilila ahamubhuzya umwene, we mwene ishi, ivintu vwani,intigabhala nye pakasi, vimo intibhape abhapina, wope umuntu wimwibhiye ahantu hakwe intimugalu shizye hani. ' ⁹ U Yesu ahamubhuzya ahati, 'Umusanyunu, uwuposhi winza munyumba ini, kunongwa ye umuntu unu wope wa shiholo sha Ablahamu. ¹⁰ Kwekuti umwana wa muntu ayinzile kwanza na kupoha abhantu bhahatejile. ' ¹¹ We bhivwe izyo, pe ahabhabhuzya kushiholanyo, kunongwa ye apalamiye kufiha ku Yerusalemu, bhahasibhaga kuti umwene wa Mulungu wupalamiye. ¹² Ahati alipo mushiholo, 'Isha mwene we ashulile kubhala insi iya kutali kuti aposhele uwupiti inga agalushe. ¹³ Ahabhabhili shila abhatumwa bhakwe ishumi, weka weka ahabhapa inhela inyinji, ''Ahati chululuzwaji ihagaje zyonjeye.' ¹⁴ Ilelo abhantu abhi nsi yakwe bhamupatile, 'Pe bhahasontelezya abhantu bhamulandate kunsi yila iya kutali bhabhale bhalonje bhati. Tutakwanza umuntu unu abhe wumwe witu.' ¹⁵ Pope she bhalonjile linilyo ashitiwa kubha wumwene witu we agaluha ahabhili shila abha tumwa bhala bhamabhapinye inhela kuti amanye kwa weka weka ayonjezizye zilinga. ¹⁶ Uwa kwanda ahinza ahati, We, ''Mwene, inonjezizye izyamwabho ivi lundo ishumi. ' ¹⁷ Umwene ula ahamubhuzya ahati, ahinza, iwe, we mutumwa umwinza. Kunongwa ye wamile we mushindamu muntu ivinsi nhani, intikupe kutabhala inhaya ishumi.' ¹⁸ Uwa wubhili ahinza, ahati, 'Mwene, inonjezizye izyamwabho, ivilundo visanu. ' ¹⁹ Umwene ula, ahati, 'Niwe inkukupa kutabhala inhaya zisanu.' ²⁰ Uwamwabho ahinza ahati, 'Wemwene Yega inhela zyaho zye wandesheye izi ipa, na zisenguye ahinza mushitambala, ²¹ Nakwogopile, kunongwa ye iwe wemuntu umuhali. Ukwega vwe utabhishile ukuyebhela vwe utawalile. ' ²² Umwene ula ahati, 'Iwe we mutumwa umubhomba mbibhi, ishi inkukupa ulufundo kumazwigaho ge walonga. Wamanyile kuti ine ne muntu umuhali nhani, ikwega vwe intalimile, habhili inkubhuganya vintu bhishile. ²³ Ishi, honi utabhishile inhela zyani kubhe bhakwonjezya, kuti ineje peka nizya pamwanya zye zyonjeye? ²⁴ Pe ahabhabhuzya abhantu bhe bhimiliye pala, 'Unumweje inhela zyakwe mumupe we ayonjezizye izyamwabho ishumi.' ²⁵ Bhahamubhuzya bhahati, 'Wemwene, ali nizyamwabho ishumi. ' ²⁶ ''Ahati, inkubhabhuzya kuti, umuntu we akubhombela ahinza he ali naho, bhahayimwonjezya ivwamwabho ²⁷ ilelo we atakusajilaga she alinasho shope shinisho ahayifwulilwa. Peka na zinizyo, bhalete abhalugu bhani bhala bhebhatanzaga ine imbe ne mwene wabho, mubhagpje pilongolela yani.'' ²⁸ We alonga ganago, ahajendelela kubhala ku Yerusalemu. ²⁹ Wapalamila pa Bethfage na Bethania, mwigamba ilya Mizeituni, ahabhasontelezya abhalandati bhakwe bhabhili, ³⁰ Mubhale:muhaya he hala papipi yinyu. Wemukwinjila mula mutiyilole inyama yindogomi, nkunjile ye numo atalinjile kuyipanda, muyisatule, muyilete kukwani. ³¹ Anga umuntu akubhabhuzilizya kuti, 'Honi mukuyisatula? 'Muti, ''Umwene akuyanza. '' ³² Bhahabhala bhahahozya zyonti she u Yesu abhabhuzye. ³³ Webhakuyisatula inyana yila iyi ndogomi, ''Abhanesho bhahabhabhuzya bhahati honi he mukuyisatula inyana yindogomi?' ³⁴ Bhahabhabhuzya bhahati, ''Umwene akuyanza. ' ³⁵ Pe, bhahamutwalila u Yesu, bhahala amenda gabho pa mwanya pa ndogomi bhahamu zuvwa u Yesu. ³⁶ Wakubhala abhantu bhahalaga amenda gabho mu mbalabala. ³⁷ We alipapi kwiha igamba ilya Mizeituni, ishipuga shonti ishabhalandati bhakwe bhahaseshela, bhahandakumupala Umulungu kunongwa iya vilolesyo, Bhahatinji, ³⁸ 'Ayimishilwaje umwene we akwinza kwitawa lya Mwene! Uwutenganu kumwanya nuwumwamu kumwanya!' ³⁹ Mupuga yila bhalipo abhaAbhafalisayo bhanji bhahamubhuzya , Mumanyizyi, bhalongane abhalandati bhalo. ' ⁴⁰ U Yesu ahati, inkubhabhuzya kuti, 'Inga ibhabhapuma amawe igo gatilonje inhani. ' ⁴¹ U Yesu wapalamila inhaya ahalila, ⁴² Ahati, hani wamanya umusanyunu zye zi kwanziwa kubhomba kuti ubhe nuwutengamu! Ishi zifisilwe pamiso gaho. ⁴³ Munsiku zye zyikwinza abhalugu bhaho bhahayizega ulubhaga kuzyungulizya inhaya yaho yonti. Bhahayikugwisya pasi iwe na bhanabhaho. ⁴⁴ Tebhahakuleshele ni we lye lihayisyala pamwanya pa lyamwabho kunongwa ye utanzaga kumanya ahabhatilo huMulungu akukuletela uwuposhi.' ⁴⁵ U Yesu ahinjila mwilinga, ilyi nyumba imfinjile ahabhabhinga bhebhakukazya, ⁴⁶ Ahabhabhuzya, ''Yisimbilwe, ''Inyumba yani yihayibha nyumba ya kuputila, 'Ilelo imwe muyigalulanyinye kubhangwenya ya bhabuda.'' ⁴⁷ Pu, Yesu ahabha akumanyizya insiku zyonti munyumba ifinjile. Abhapiti abhayahudi bhahabha bhakwanza idala ilya kumugoga, ⁴⁸ Ilelo bhahapotwa, kunongwa ye abhantu bhonti, bhahalemaga ahinza amazwi.