Isura iya sita

1 Bada ya mambo iga, uYesu abhalile kukona izya Munsumbiizya mu Galilaya, awinza yikubhilishilwa nsumbi iya Tiberia. 2 Uluhumano ulupiti wuhamulandataga kwa sababu bhazilolile ishara zyamazibhombile kwabhebhamile bhabhinu. 3 U Yesu azubhile kumwanya hati kuwupande uwa kumwanya uwamwigamba na ahihala kunukwo na bhamanyili bhakwe 4 (Ni Pasaka, Isikuku iya Bhayahudi yapalamiye). 5 U Yesu wabhusya amiso gakwe pamwanya nakulola uwufwe uwapiti wukwinza kukwakwe, amamubhu zya uFilipo, "Tutibhale kwoshi kukala amakati ingaibha bhawezye kulya"? 6 (Lakini uYesu agalonjile iga kwa Filipo kwa kumulinga kubhalewene wuyo amanyile atihabhombe). 7 U Filipo ahajibu, "Ilelo amakati iga thamani iya dinari mia mbili gamegatangayilana pope kilaweka kupata ishipande ishinsi." 8 U Andrea, weka wabhamanyili bhakwe uholo wa Simoni uPeteri ahamubhuzya 9 uYesu, "Kunumusahala ipa anamakati gasanu ni samaki zibhili, ilelo ini yikufaa ahoni kubhandu abhinji inamna ini?" 10 U Yesu ahamubhuzya, "Bhihazye abhandu pasi" (kulina masoli aminji apandu pala). Isho abhasahala wali elfu zisanu bhahihala pasi. 11 Ingale uYesu ahega amakati gala gasanu ahasarifya ahabhagabhila wala bhebhihaye. Isheshinisho ahabhagabhila isamaki inzashile shebhakwanza. 12 Abhandu webhikuta, ahabhabhuzya abhamanyili bhakwe, "Vibhunganye ivwa mabaki, vwevisyalile inga kuti hatahateje hohondi." 13 Basi bhahabhunganya na kwizuzya ivikapu kumina vibhili, ivipande ivya makati gasanu iga shayiri- ivipande vye visyalile na wala bhebhaliye. 14 Weabhandu bhalola iishara hini yayibhomba bhahalonga, "Yoli unu wewuwula umukubhi wakwinza mnsi." 15 U Yesu watambula kuti bhakwenza kumulema inga bhemubhombe kuti abhe wumwene wabho, ahajitenge, awinza ahabhala kwigamba uwene wuyo mwene. 16 Weyabha halyabhela, abhamanyili bhakwe bhahiha kubhala kusumbi. Bhahazubha mwizinga nawebhamili kufumila lwelekela ku Kapernaumu. 17 (Ahisi hahinjila nu Yesu ashili bhulo kwinza kukwabho). 18 Ahabhalilo iho imbepu ihali yihavugulaga, ni nsumbi yihendelelaga kuchafuha. 19 Awinza abhamanyili bhakwe wamile bhahomile amakasia shirini na gasanu au thalasini, bhahamulola uYesu akujenda pamwanya pansumbi kuyipalamila inzinga, na bhahogopa. 20 Ilelo ahabhabhuzya, "Nene! mutogopaje." 21 Hawili bhalitayali kumupimba mwizinga na awinza inzinga yafishile munsi yebhahabhalaga. 22 Isiku lyelyalandata, ulihomano wimiliye ulubhazu ulya nsumbi bhalolile kuli nayimo inzinga inyamwabho yoli ula we uYesu nabhamanyili bhakwe bhatawuzubhile ilelo abhamanyili bhakwe bhasogoye izyabho bhene. 23 (Nakuti, zyalipo baadhi yinzinga yeyafumile ku Tiberia papipi na pala pebhaliye amakati baada ya Mwene kufumwa insalifyo). 24 Ahabhalilo heuluhamo bhatambula kutite wu Yesu wala abhamanyili bhakwe bhamile kula, bhibho bhene bhahazubha mkasi mwinzingi bhahabhala ku Kapernaumu bhahamwanzaga uYesu. 25 Baada ya kumwaga ulubhazu ulwamwabho ulwa sumbi bhahamubhuzilizya, "Rabbi winzile lino uku?" 26 U Yesu ahajibu, ahabhabhuzya, Yitishi, yitishi, mukunanza ine, te kuti nongwa mwazilolile iishara, yoli kwa sababu mwaliye amakati na kwikuta. 27 Reshi kushibhombela imbombo ishakulya sheshikunanjiha, yoli mushibhombele imbombo ishakulya sheshikudumu wilashila he umwana wa Adamu atibhape. Inga kubhale Umulungu Utata abhishile umuhuri pamwanya yakwe." 28 Awinza bhahamubhuzya, "Ahoni hukwanziwa kuhabhomba inga kuzibhomba imbombo zya Mulungu?" 29 U Yesu ahajibu, "Ini yembombo ya Mulungu: kuti mumwitishe uwene wamusondelezizye." 30 Basi bhahamubhuzya, "Ishara zyoni zyutubhombe, kutitungawezya kuzilola na kukwitiha? Utibhombe ahoni? 31 Abhatata bhitu bhaliye ivifinjile mung'alang'azu, inzavweyisimbilwe, "Abhapiye amakati kufuma kumwanya inga bhalye." 32 Inga uYesu ahabhajibu, "Yitishi, yitishi, te wu Mose wabhapiye umukati kufuma kumwanya, yoli Utata wani wakubhapa umukati uwa yoli kufuma kumwanya. 33 Inga kubha umukati uwa Mulungu wuwula wewukwiha kufuma kumwanya na kuwupa uwumi uwulimwengu. 34 Basi bhahamubhuzya, "Mwene utupa umukati uwuahabhalilo hondi." 35 U Yesu ahabhabhuzya, "Ine ne mkati uwa wupuma, iwene wakwinza kukwani tahapate inzala na wope wakunitiha tahivwe ishumilwa nalumo." 36 Ingale nabhabhuzizye kuti, mundolile, na mshilikwitiha. 37 Bondi we Utata bhakumbabhatiyinze kukwani, na wowondi wakwinza kukwani indalimtaje pansi hala. 38 Inga kubha inishile kufuma kumwanya tekukubhomba ulugano lwani, yoli ulugano lwakwe wasondelezizye. 39 Inga gelugano lwakwe wansondelezizye, kuti indahamtezye ingaweka kubhala bhambiye, yoli indibhazusye isiku ilya kumbelela. 40 Inga kubha inga gelugano ulwa Tata wani, kuti wowondi wakumwenya Umwana na kumwitiha ampate uwupuma uwa wila; ine indimzusye isiku ilya kumbelela. 41 Ingale Abhayahudi bhahamulalamishila kuhusu uwene kwa sababu alonjile, "Ine ne mkati wewishile kufuma kumwanya." 42 Bhahalonga, "Unute wu Yesu umwana wa Yusufu, we uyise wakwe nu nyina wakwe tubhamanyile? Ingabhabhili ishi akulonga, 'Inishile kufuma kumwanya`?" 43 U Yesu ahajibu, ahabhabhuzya, "Mtanung'unishilanaje mumoyo ginyi munemwe. 44 Numo umundu wakwinza kukwani watavutilwe nu Tata wani wansondelezizye, nineindimuzusye isiku ilya kumbelela. 45 Pe yisimbilwe mubhaloli, 'Bhahayimanyizwa nu Mulungu.' Kila wayivuye nakumanyila kufuma kwa Tata akwinza kukwani. 46 Tekuti kulinumundu wamulolile Utata, yoli ula wakufuma kwa Mulungu- amulolile Utata. 47 Yitishi, yitishi uwene wakwitiha ali nuwupuma uwawila. 48 Ine ne mkati uwa wupuma. 49 abhatata bhinyu bhaliye ivifinjile mung'alang'anzu, na bhahafya. 50 Unu we mkati wewishile kufuma kumwanya, ingakuti umundu awulye isehemu yakwe ingatahafye. 51 Ine ne mkati wewukwihala wewishile kufuma kumwanya. Inga umundu wowondi ingalya isehemu iya mkati unu, atiyihale wila. Umukati windifumwe mubhili wani kwaajili yi wupuma uwa munsi." 52 Abhayahudi bhahilamwa bhibho kwa bhibho na bhahanda kudalihana bhakuti, "Umundu unu angawezya bhuli kutupa umubhili wakwe tuwulye?" 53 Awinza uYesu ahabhabhuzya, "Yitishi, yitishi, ingemutawulya umubhili uwa Mwana wa Adamu na kumwela ibhanda lyakwe, lemubhe nuwupuma mukasi yinyu. 54 Wowondi wakuwulya umubhili wani na kuyimwela ibhanda lyani ali nuwupuma uwa wila, nineindimuzusye isiku ilya kumbelela. 56 Kubhalelo umubhili wani sheshakulya isha nayoli ni bhanda lyani shimwele ishayoli. 55 Uwene wakuwulya umubhili wani na kumwela ibhanda lyani akwihala kukasi yani, nine mukasi yakwe. 57 Inzu Tata uli nu wupuma vwasondelezizye, ninza vyigwi hala kwa sababu ya Tata, nawene bhulo itiyihale kwasababu yani. 58 Unu we mukati wewishile kufuma kumwanya, teshileshe abhatata bhahalya bhahafya. Uwene wakulya umkate unu atidile wila na wila. 59 U Yesu agalonjile gondi mukasi mumasinagogi wahamanyizyaga ukwo ku Kapernaumu. 60 Pe abhinji wabhamanyili bhakwe webhivwa iga, bhahati, "Ili limanyilo igomu wunanu wangawezya kwiposhela?" 61 U Yesu kwa sababu amanyile kuti abhamanyili bhakwe bhahalinung'unishilaga ijambo ili, ahabhabhuzya je ijambo ili lyabhahalazya? 62 Basi ihayibhabhuli ingemwanulola umwana wa Adamu wakwiha kufuma kweamili kabla? 63 Umupepu wakufumwa uwupuma. Umubhili wuta kufaidi ahandu hohondi. Amazwi genagalonga kukwinyu wu mupepu na wupuma. 64 Bado kuli abhandu muhati yinyu bhebhatakwitiha." kwa sababu uYesu amanyile kufuma kuwandilo ula wetangawezya kwitiha na wene weangamuhana. 65 Ahabhabhuzya, ye sababu ini nabhabhunzizye kuti nawumo umundu wangawezya kwinza kukwani yolingape wilye nu Tata." 66 Baada yiga abhamanyili bhakwe abhinji bhahaduga kulusalo na bhatahalandata nawo awinza. 67 U Yesu ahabhabhuzya bhala kumi na bhabhili, "Je nimwe mukwanza kusogola?" 68 U Simoni uwa Peteli ahamujibu, "Mwene tubhale kwananu kwani iwe unago amazwi iga wupuma uwawila, 69 na twitishile na kumanya kuti iwe we Mufinjile wa Mulungu." 70 U Yesu ahajibu, "Je ine indabhasebhile imwe, na weka winyu wu ibilisi? 71 Ishi ahalongaga kuhusu uYuda, umwana wa Simoni Iskariote, kwe kubha wliwuyo weka wabhala kumi na bhabhili, ambaye weatimuhane uYesu.