Isura iya Wusanu

1 Bada yipo yalipo isikukuu iya Bhayahudi, nu Yesu azubhile kubhala ku Yelusalemu. 2 Nakula ku Yelusalemu palinibirika pamulyango uwingole, lilihabhilishilwaga kundongo iya Shiebrania Bethzatha, lyope linamatao gasanu. 3 Iidadi imbiti iya bhabhinu yalipo, abhambubhila, umudendeluha, au bhebhapoozile yalibhagonile mmatao igo. {Uzingatile: Amazwi iga msitali uwa tatu gatakuloleha munakala inyinza izyimandi. "Webhakugulila aminzi gatibuliwe.") Kuhakika ahabhalilo hamu uhabhizya ahihaga mkasi ya mwene na kuvulunganya aminzi. 4 Kwahiyo, ula wabha wakwanda kunjila mkasiya baada ya maji kuvwalangana ahabhombwe mupuma kufumilana na hohondi hehamulomile kuhabhalilo iho. 5 Nu mundu weka wamamile mubhinu kuhabhalilo ahamaha thalasini na nane alimukasi mu matao. 6 U Yesu wamulola agonile mukasi mu matao na baada ya kumanya kuti agonile pala kumuda umtali uYesu ahamubhuzya, "Je kubha we mwumi?" 7 Umubhinu ula ahamjibu, "Mwene indali nu mundi, uwa kumbiha mubilika ahabhalile amanzi wegakutibuliwa. Ahabhalilo hengulinga kunjila umundu uwinji akundangulila." 8 U Yesu ahamubhuzya, "Bhuha uyeje igodolo lyako ubhale." 9 Mara umundu ula ahaponywa, ahega ishitala shakwe ahasongola. Ni siku ilyo lyali lisiku ilyi Sabato. 10 Isho Abhayahudi bhahamubhuzya umundu ula wa aponyilwe, "Umusanyunu lisiku ilya Sabato na utakuluhusiwa kupimba igodoro lyaho." 11 Ahajibu, uwene waponyizye wuyo wambuzya, "Yega igodolo lyaho nu usogole." 12 Bhahabhuzilizya, "Ulu nanu wakubhuzizye 'Yega igodolo lyaho usogole?" 13 Yingabha, ula waponyilwe hakumujua, kunongwa ye uYesu ahasogola kwa siri. Kwa kuwa kwali nabhandu abhinji pa sehemu iyo. 14 Baada yipo uYesu ahamwaga umundu ula mushibhanzi na akamwimbia, "Yenya, uponile! "Utahabhombe imbibhi awinza utahinze upatwe ni jambo ibhibhi ihani." 15 Umundu ula ahabhala kubhabhuzya Abhayahudikuti uYesu wamupanyizye. 16 Isho, kwa sababu yimbombo izyo Abhayahudi bhahamtesa uYesu, kwa sababu abhombile imbombo izyo isiku ilyi Sabato. 17 U Yesu ahabhabhuzya, "Utata wani akubhomba imbombo pakasi nani ingubhomba imbomba." 18 Kunongwa iyo Abhayahudi bhahazidi ingabhamugoje tekuti sababu iya kuvunza iSabatoha, yoli kwa kumubhilishila Umulungu Utata wakwe, akunyibhomba kubha sawa nu Mulungu. 19 U Yesu ahabhajibu, "Yitishi, yitishi, Umwana atangawezya kubhomba ahandu hohondi yoli hala hakumulola Utata wakwe akuhabhomba kwe kuti hohondi Utata hakuhabhomba iho nu Mwana hatihabhombe. 20 Inga kuti Utata amuganile Umwana, na akumulanga kila handu akuhabhomba na atimulanje amambo amapiti kuliko iga inga kuti mwonjezye kuswiga." 21 Kubha inzashilashe Utata akubhazusya abhafye na kubhapa uwupuma, sheshinisho Umwana wope akumupa wowondi wamganile. 22 Kubhalelo Utata atakumulonganya wowondi yoli amupiye Umwana uwulonji wondi 23 ingakuti bhondi bhamutinishe Umwana inzashila Umwana vwakumutiniha Utata. Uwene watakumutihiniha Umwana akumutihina Utata wa musondelezizye. 24 Yitishi, yitishi, uwene wakwivwa izwi lyani na kumwitiha uwene wasondelezizye anuwupuma uwa wila na tehalongwe. Badala yakwe, ashilile kufuma kuwufwe na kwinjila kuwumi. 25 Yitishi, yitishi, ingubhabhuzya ahabhalilo hakwinza ni salizi wulipo we abhafwe bhahayivwa isauti ya Mwana wa Mulungu, na wondi bhebhahayivwa bhahayidila. 26 Ingalelo inza shila she Utata ali nu wumi mkasi mumwakwe wuyo, 27 sheshinisho amupiye Umwana kubha nuwupuma mkasi yakwe, nu Tata amupiye Umwana amamlaka inga kutialonje kuta kabha wu Mwana wa Adamu. 28 Mutahaswijizwe nili inga lelo ahabhalilo hakwiza he abhafwe bhondi bhebhali mumbipabhahayivwa inzi lyakwe 29 ibhope bhahayifuma kunzi: kubhebhabhombile amiza kubhuzyusho uwabhupuma, na bhebhabhombile amabhibhi kubhuzyusho uwa kulongwa. 30 Indangawezya kubhomba ishindu shoshondi kufuma kukwani nununene. Inza vwe ingwivwa, ishosheingulonga nukulonga kwani kwiyoli pekuti indakwanza ulugano lwani, ilelo ulugano lwakwe weasondelezizye. 31 Inganajishuhudila nunene, ubhushuhuda wani wutangabha wiyoli. 32 Alipo uwamwabho wakushuhudila kuhusu ine naimanyile kuti yoli uwushuda wakushudila wana yoli. 33 Msondelezizye kwa Yohani wope iyishudiye iyoli. 34 Inzisho, wingiwuposhela wutakufuma kubhanadamu. Ingungalonga iga inga muwezye kuposhilwa. 35 U Yohani yali yu tala yeyihahaga na kulama, na mweli tayali kuyisha nayo kuhabhalilo ahansi ulohozyo kwakwe. 36 Uwushuda windi na wope mupiti kuliko ula uwa Yohani, kumbombo zye Utata ambiye kuzikamilisya, imbombo izyo zyinguzibhomba zikushudila kuti Utata ansondelezizye. 37 Utata wansondelezizye uwene wuyo ashudiye kuhusu ine. Mutinvuye nalumo izi lyakwe wala kulilola iimbo lyakwe ahabhalilo hohondi. 38 Nalimo izwi lyakwe ingalyihala mkasi yinyu ingakubha mtakumwitiha uwene umusondelezye. 39 Mkugachunguzye amandishe wemukusibha kuti mukasi yakwe munuwupuma uwa wila, nizi insimbi zyo zikushudila imbombo zyani na 40 mutakwanza kwinza kukwani ingampate uwupuma lwa wila. 41 Indakuposhela impalo kufuma kubhandu, 42 inga lelo imanyile kuti mutali nulugano ulwa Mulungu mukasi yinyu imwe munemwe. 43 Inzile kwitawa lya Tata wani, mutawezizye kumboshela. Ingauwinji ayinza kwitawa lyakwe hani mwamuposheleye. 44 Je mungawezyabhili kwitiha imwe mwemukuposhela impalo kufuma kwa weka winyu ilelo mutakwanza impalo yeyikufuma kwa Mulungu uwapekee? 45 Mtahasibhe kuti ine ihayibhasitaka palongolela pa Tata. Wahayibhasitaka imwe wu Mose, we imwe mumubhishile insubhilo zyinyu ku kwakwe. 46 Ingamwamile kuti mukumwitiha uMose, hanimunitishile ine kwa sababu asimbile kuhusu imbombo zyani. 47 Ingemutakwitiha insimbizyo zyani, mungawezya bhili kwitiiha amazwi gani.?