1 Baada ya mambo iga uYesu ahasafili ishi ku Galilaya, kwa sababu atayiganile kubhala ku Wuyahudi kwa sababu abhayahudi bhali bhahabhambaga ahapango ahakumugoga. 2 Ishi isikukuu iya Bhayahudi, sikukuu iya Vibanda, yali papipi. 3 Pe abhaholo bhakwe webhamubhuzya, "Yepa ipa ubhale ku Wuyahudi, ingakuti abhamanyili bhaho shinisho bhagalole amatendo gukubhomba. 4 Numo wakubhomba lyolyondi kuwufiso ingawene wuyoakwanza kumanyihana pawuzelu. Iinga ukubhomba amambo iga, uyilolesye wewe ku ulimwengu." 5 Pope abhaholo bhakwe bhope bhatamwitishile. 6 Pe uYesu ahabhabhuzya, "Ahabhalilo hanihashili kufiha, ilelo ahabhalilo hinyu kila muda hali tayari. 7 Uwulimwengu wutangawezya kubhalalila imwe, yoli wukuti ine kwa sababu inguwushuhudila kuti amatendo gakwe mabhibhi. 8 Zubhaji kubhala kusikuku; ine indakubhala kusikuku ini kwa sababu umuda wani wutakamilishile haa." 9 Baada ya kulonga amambo igo kukwabho, asyalile ku Galilaya. 10 Kulisho abhaholobhakwe webhabhala kusikuku, pewope ahabhala, tea pazelu ha yoli kuwufisu. 11 Abhayahudi bhahamwanzage kusikuku na kuti, "Ali kwino?" 12 Kwamile na majadilano amanji muhati muluhomano pamwanya yakwe. Bhamu bhahati, "Mundu mwinza." Bhamu bhahati, "Haa, akubhatezya abhaluhomano." 13 Sheshinisho numo weamalonjile wazi pamwanya yakwe kwa kubhogopa Abhayahudi. 14 Ahabhalilo ihisikuku weyafiha pakasi, uYesu ahazubha mushibhanza na kwanda kumanyizya. 15 Abhayahudi bhahaswigaga nakuti, "Kunamna yoni umundu unu amanyile amambo aminji? Atamanyiye nalumo." 16 U Yesu ahajibu nakubhuzya, "Imanyizyo zyani tezyani, yoli zyakwe wene wasondelezizye. 17 Inga wowndi ingayigana kubhomba amapenzi gakwe wene, atimanye kuhusu imanyizyo izi, inga zikufuma kwa Mulungu, au ingeingulonga kufuma kukwani nene. 18 Kila wakulonga gegakufuma kukwakwe wuyo akwanza ulupalo lwakwe, yoli kila wakwanza ulupalo lwakwe uwene wamusondelezizye, umundu uyo wa nayoli, na mukasi yakwe mutali kuto kubhombo iyoli. 19 U Mose atabhapiye imwe isheria? Ilelo numo kati yinyu wakubhomba isheria. Honihe mkwanza kungoga? 20 Uluhomano luhajibu, "Uni pepu. Weru lwakwanza ku kugoga?" 21 U Yesu ahajibu ahabhahuzya, "Imbombile imbombo yeka, nimwe mwendi mwaswijizwa kwa sababu yakwe. 22 U Mose ahabhapa itohara (tekuti yikufuma kwa Mose, yoli yila yikufuma kubhatata), na mu Sabato mukumtahili umundu. 23 Inge umundu aposhela itohara musiku ilya Sabato inga kuti sheria ya Mose yitahadumushe, honi mukuhalalila ine kwa sababu imugombile umundu kubha mupuma kabisa mu Sabato? 24 Mutahukumaje kulingana numuloleho, yoli muhukumuje kuyoli. 25 Baadhi yabho kufuma ku Yerusalemu bhahati, "Tewuwunu webhakumwanza kumugoga? 26 Ingwenya, akulonga pawigule, na bhatakulonga hohonzi pamwanya yakwe. Yitangawezya kubha kuti abhalongozi bhamanyile yoli kuti unu wu Kilisiti, ingawezya kubha? 27 Tumanyile umundu unu akufuma kwino. U Killisiti wayinza, sheshinisho, numo watahamanye kuti akufuma kwoshi." 28 U Yesu ahavwisyaga isauti yakwe mshibhanza, wakumanyizya na kuti, "Imwe mwendi mumanyile ine na mmanyile kwingufuma. Indinzile kunafsi yani, yoli awene wasondelezizye wayoli na mutamu manyile awene. 29 Imumanyile awene kwa sababu ifumile kukwakwe asondelezizye." 30 Bhali bhahalingaga kumulema, ile numo hata weka wabhusizye inyobhe yakwe pamwanya yakwe kwa sababu isala yakwe yashili kufiha. 31 Sheshinisho, abhinji paluhomano bhamwitishile. Bhahati, "U Kilisiti wayinza, ahayibhomba iishara inyinji kuliko zyabhombile umundu unu?" 32 Abhafarisayo bhahabhivwa uluhomano bhakunongonezanya amambo kuhusu uYesu, na bhasongo abha makuhani na Bhafarisayo bhahasondelezya abha afisa kuti bhamuleme. 33 Pe uYesu ahati, "Ishili kunumuda wumo indibhe peka nimwe, na awinzo indibhale kwa wene wasondelezizye. 34 Mutinanze wala temuhandole; kula kwingubhala, temuhawezye kwinza." 35 Kwa hiyo Abhayahudi bhahalongago bhibho kwa bhibho, "Umundu akubhala kwino kuti tutahawezye kumulola? Atibhale kwa Bhebhasatanile kati ya Bhayunani na kubhamanyizya Abhayunani? 36 Iizwi loni lyalilonjile; Mtinanze wala temuhandole; kula kwingubhala temuwezye kwinza'?" 37 Ishi kwisiku ilya kumbelela, isiku ipiti ilyisikukuu, uYesu ahimilila ahavwisya isavuti, ahati, "Inge wowondi walinishimilwa, ayinze kukwani amwele. 38 Uwene wakunitiha ine, inza insimilwa vwezilonjile, kufuma mukasi yakwe yitiyishe inyizi izya minzi iga wupuma." 39 Ile agalonjile iga kuhusu Umupepo, we abhene bhebhakumwitiha bhatimuposhele; Umupepu ashili itafumilwe kwa sababu uYesu ashili kupalwa wulo. 40 Baadhi yaluhomano, webhivwa amazwi iga, bhahati, "Yoli unu muloli." 41 Bhamu bhahati, "Unu wu Kilisiti." Ile bhamu bhahati, "ahoni, uKilisiti angawezya kufuma ku Galilaya? 42 Ansimbilo zitalonjile kuti uKilisiti atifume kushiholo isha Daudi na kufuma ku Bethlehemu, ishijiji shu Daudi ali? 43 Ishi, pala uhabhuha umusatano pahati yaluhomano kwajili yakwe. 44 Bhamu kati yabho hani bhamulema, ile numo waholosizya inyobhe yakwe pamwanya yakwe. 45 Pe bhala abhaofisi bhahagaluha kubhasongo awamakuhani na Bhafarisayo, bhope bhahabhabhuzya, "Honi ne mutamuleta?" 46 Abhaofisa bhahajibu, "Numo umundu wawayile kulongazunu kabla." 47 Pe Bhafarisayo bhahajibu, "Nimwe bhulo mwarezwa? 48 Kuwowondi kati ya bhatabhala wakumwitiha, au wowondi uwa Bhafalisayo? 49 Yoli uluhomano ibha bhebhatamanyile isheria - bhagunilwe." 50 U Nikiodemo ahabhabhuzya (awene wamamubhali ye uYesu imandi, angabha weka wa Bhafarisayo), 51 "Je isheria yitu yikumuhukumu umundu yoli ateje levwizwe asiti na kumenya hakubhomba?" 52 Bhahajibu nakumubhuzya, "Niwebhulo ukufuma ku Galilaya? Yanzana uyenye kuti numo umuloli wakufuma ku Galilaya." 53 (Uzingatile: Baadhi ya mazwi iga Yohani 7: 53 - 8: 11 nagamo munakala inyinza izwi mondi). Pekila mundu ahabhala kuhaya yakwe.