1 Baada yinsiku zitatu, kuli ni arusi ukwa ku Kana iya mu Galilaya nu mayi wakwe uYesu alikukwo. 2 U Yesu na bhamanyili wakwe bhabhishililwe ku arusi. 3 Pihabhalilo tuebhasililwa ni divai, unyina wa Yesu ahamubhuzya, "Utalini divai." 4 U Yesu ahajibu, "Umwandanda uyo akuhusu ahoni ine? ahabhalilo hani atafishile ha." 5 Unyina wakwe ahabhabhuzya abhabhombi, "Hohondi hakubhabhuzya mubhombaje." 6 Ilelo zyalipo insondo sita izya mawe pala zyazibhishilwe kwaajili ya kusukusulila pasikuku ya Bhayahudi, kila lyekalyalini uwizule uwa mwamu uwa zibhili zitatu. 7 U Yesu ahabhabhuzya, "Yizuzyi aminzi mnsonda izya mawe." Bhahizuzya mbaka pamwanya. 8 Awinza ahobhabhuzya abhabhombi, "Yagi kiasi salizi mtwale kwa mubhombi umsongo uwa meza." Bhahabhomba inza vwebhabhalajizizye. 9 Umuhudumu umusango ahalinga aminzi gala gabadalishile na kubha divai ile atamanyile kwegafumile(ile abhabhombi watapile bhamanyile kwegafumile). Ilelo ahamubhilishila u bwana arusi 10 ahamubhuzya, "Kuti kila wekaweka akwanda kubhahudumila abhandu idivai inyinza na angabhaholwa akubhapa idivai yetenyinzya. Ila iwe unyibhishile divai inyinza hadi shi" 11 Umuijiza unu uwa ku Kana iya ku Galilaya, walikwe kuwandilo ukwa ishala izya miujiza zagamabhombile uYesu, wakugubula ulutiniho wakwe, isho abhamanyili bhakwe bhahamwitiha. 12 Baada yiga, uYesu, unyina wakwe, abhaholo bhakwe na bhamanyili bhakwe bhabhalile kumji uwa Kapernaumu bhahihala ukwo kunsiku inyinsi. 13 Ilelo iPasaka iya Bhayahudi ile yapalamiye, isha uYesu ahabhala ku Yelusalemu. 14 Ahabhaga abhakazyi bhing'ombe, ingole, ni kunda mkasi Mshibhanza. Awinza bhebhakutana ihela bhihaye mkasi mshibhanza. 15 U Yesu ahagomba umjeledi uwa vihomanya ahabhafumwa bhondi bhebhalipo mshibhanza, ingewasanganya ing'ombe ningole. Ahita ihela izyabhagalulanya hela kuzisuliha imeza zyabho. 16 Abhakazyi awingunda ahabhabhuzya, "Mwefwe ivindu ivi apatali nipa, reshi inyumba ta Tata wani kubha papamunalo." 17 Abhamanyili bhakwe bhahakumbuhua kuti yasimbililwe, "Uwivu uwa nyumba yaho utilye." 18 Abhasongo Abhayahudi bhahajibu bhahati, ishara yoni yutuloleshe iya kuti ukubhomba imbombo izi?" 19 U Yesu ahabhajibu, mubomole ishibhanza ishi nine indizenje baada yi nsiku zitatu." 20 Awinza abhasongo Abhayahudi bhahati, "Yagalimile amaha lubaini na sita kuzenga ishibhanza ishi iwe ukuti utizenje kunsiku zitatu?" 21 Ilelo, uwene ahalonga ishibhanza wakumanisya umubhili wakwe. 22 Isho lula baada ya kuzyuha kwakwe kufuma ku bhafwe, abhamanyili bhakwe bhahakumbuha kuti alonjile shinisho, bhahitiha insimbo ni ndongo iyo yu Yesu apelile alonjile. 23 Ile wali ku Yelusalemu ahabhalilo ihi Pasaka, ahabhalilo ishi sikuku abhandu awinji bhitishile itawa lyakwe, webhalola iishara ya miujiza gavgombile. 24 Ilelo uYesu atalu nu lwitiho nabho kwa sababu abhamanyile abhanadamu bhondi. 25 Atahanzaga umundu wowondi kumubhuzya kuti vwebhali abhanadamu kwa sababu amanyile sheshili po mukasi yabho.