Isura iya kwanda

1 Kuwandilo lyalipo Izwi, ni Izwi lyilipeka nu Mulungu, ni Izwi aliwu Mulungu. 2 Izwi, Ili, Kuwandilo alipeka nu Mulungu. 3 Ivindu vwondi vwabhombeshile kushilila uwene, na angatalipo uwene nahanu ahindu ningaheka hehobhombeshile. 4 Mkasi yakwe mwlai nu wupuma, nuwupuma uwo lwali luhozyo lwabhandu bhondi. 5 Uluhozyo lukuhozya muhisi, ahisi hataludindile. 6 Palipo nu mundu wasondelezizwe kufuma kwa Mulungu, weitawa lyakwe aliwi Yohani. 7 Ayinzile mgati mteteli kulonga kufumilani nuluhozyo lula, ingakuti bhondi bhawezye kwitiha kushilila awene. 8 U Yohani atalilweluhozyo lule, yoli ayinzile kwenya kufumilana nuluhozyo lula 9 Uyo wamali luhozyo lyanalyoli yeyinzile munsi yo peyikumpa uluhozyo kila wekaweka 10 Alipo munsi, ninsi yaumbilwe kushilila awene, ninsi yitamumanyile. 11 Ayinzile kuvindu vyakwe, nabhandu bhakwe bhatamopsheleye 12 Yoli kubha abhinji bhebhamosheleye, bhebhalyitishile itawa lyakwe, kubhibho abhopiye iyoli iyakubha bhana bha Mulungu, 13 Bhala bhebhapapiwe, tekwibhanda, walatekulogano ulwa mubhili, wala tekulugano ulwa mundu, yoli kwa Mulungu wuyo. 14 U Neno abhombishile mubhili na adiliye mhati mu mwitu, tuwulolile utinishe wakwe, uwutinishe inza uwa mundu wene wishakwe waminzile kufuma kwa Tata, ayizuye inema iya nayoli. 15 U Yohani alonjile watana na wene, na ahavwisyali sauti ahati, "Unu wewuyo wenalonjile ihabari zyakwe kuti, "Yule wahayinza weine uwene msongo kuliko ine, kwa sababu alipo wishili ine." 16 Inga lelo kufuma kufiha kwakwe, twendiitwe tuposheleye awulo ishikunjilwa nishikunjilwa. 17 Ingalelo indajizyo yaletilwe kufuma kwa Mose. Ineema ni yoli vwinzile kufumilani nu Yesu Kilisiti. 18 Numo umwanadamu we amuwenyi Umulungu ahabhalilo hohondi. Umundu wuyo wewi Mulungu, walipashifubha sha Tata, amubhombile wene amanyishe. 19 Nunu we wushuda wa Yohani ahabhalilo abhadimi na bhalawi bhebhabhasondelezizye kukwakwe na Bhayahudi kumubhuzilizya, "Iwewe nanu?" 20 Tekwa kuhanaha natahanile, Yoli ahajibu, "Inetene Kilisiti." 21 Awinza bhahamuzilizya, "Ilelo iwe we nanu lelo?" Uve we Eliya? Ahati, "Ine tenene." Bhahati iwe we mloli? Ahati," Hala." 22 Inga bhahamubhuzya, "Iwe we nanu, inga tubhape amajibu bhebhatusondelezizye"? Uilishuhudila bhulibhuli iwe wunewe?" 23 Ahati, "Ine ne sauti yakwe wakulila kunyikani: 'Mlinyosye idala lya Mwene,' inza uYisaya vwalonjile." 24 Ilelo bhalipo abhandu bhabhosondile pala kufuma kubha Falisayo. Bhahamubhuzilizya ihuti, 25 "Honi wukwozya ingalelo iwe tewe Kilisiti tewe Eliya awinza tewe mloli?" 26 U Yohani ahabhajibu ahati, "Ingwozya kuminzi. Ingalelo, mhati mu mwinyu akwimilila umundu we mutammanyile. 27 Unu wakwinza badala yine. Ine indakwanziwa kuzegevwa ingusa izya muvilyatu vwakwe." 28 Imbombo izi zyobhombeshile ukwe ku Besania, kwisyila ku Yorodani, pale pu Yohani ahozyaga. 29 Isiku lye lihafwata uYohani amuwenyi uYesu akwinza ahati, "Yenyaji ingole ya Mulungu wa kuyega imbibhi iya munsi! 30 unu we nalonjile imbombo zyakwe natili, "Uwene wakwinza kulusalo lwani msongo kuliko ine kubha lelo alipo wishili ine.' 31 Indamumanyile uwene, ilelo yabhombeshile isho ingakuti agubuliwe ku Izilaeli, kuti ninzile ihozyaga kuminzi." 32 U Yohani ashuhudiye, "Nalolile Umpepu akwiha kufuma kumwanya ishifwani sha huwa, na yasyalile pamwanya yakwe. 33 Ine indammanyile ileuwene asondelezizye inga inozye kumizi ambuzizye, ulewe atilolo Umpepu akwiha na kwihala pamwanya yakwe, Uyo we akwozya ku Mpepu Umufinjile.' 34 Indoleli na ishuhudiye kuti unu Mwana wa Mulungu." 35 Awinza isiku lyelikulandata uYohani ayimiliye peka nabhamanyili bhakwe bhabhili, 36 bhahamulola uYesu akiyenda nu Yohani ahati, "Yenyi, Ingole ya Mulungu!" 37 Abhamanyili bhabhili bhamwivuye uYohani akuti bhahamlandata uYesu. 38 Iwinza uYesu ahagaluhana na kubhalola abhamanyili bhale bhakumulandata, na ahabhabhuzya, "Mkwanza ivwoni?" Bhahajibu, "U Rabbi, (imana yakwe 'mmanyizyi,' ukwihala kwii?" 39 Ahabhabhuzya, "Nzaji mwenye."Inga bhahabhala kupalola paahihalaga peka nawo isiku ilyo, ingalelo yali ngati saa kumi ishi. 40 Weka wabhala bhabhili bhebhamwinvuye uYohani akulonga na kumlandala uYesu ali wu Andrea, uholo wa Simoni Peteli. 41 Ahamulola uholo wakwe uSimoni ahamubhuzya, "Tumwajile Umasihi" (we wu Kilisiti). 42 Ahantwala kwa Yesu. U Yesu ahamwenya ahati, "Iwe we Simoni umwana wa Yohani" utibhewe Kefa," (imaana yakwe 'Peteri'). 43 Isiku lyelikulandata ahabhalilo hu Yesu wakwanza kusogola kubhala ku Galilaya, ahamwaga uFilipo ahamubhuzya, "Kuti ndandate ine." 44 U Filipo alimhaya wa mu Betisaida, inhaya ya Andrea nu Peteri. 45 U Filipo ahamwaga u Nathanaeli na kumubhuzya, Kuti lwamwaga ulawe uMose ayandishile imbombo zyakwe kundajizyo izya Bhaloli. U Yesu umwana wa Yusufu, kufuma ku Nazareti. 46 U Nathanaeli ahumubhuzya, "Je ahandu ahinzaha wezizye kufuma ku Nazareti?" U Filipo ahamubjhuzya, Nzaga uyenye." 47 U Yesu ahamulola u Nasanaeli akwinza kuwakwe na akuti, "Yenya, Umuislaeli yoliyoli watali ni lenga mkasi yakwe!" 48 U Nathanaeli ahamubhuzya, "Wamanyanashi ine?" U Yesu ahajibu na ahambuzya, "Kabla uFilipo atakwitile wewamilepasi pikwi, nakuwenyi." 49 U Nathanaeli ahajibu, "Rabi iwe we Mwana wa Mulungu! Iwe we Msongo uwa ku Izilaeli"! 50 U Yesu ahamjibu ahati, Kwa sababu nakubhuzizye, Kuti nakuwenyi pasi pikwi' je ukwitiha? utilole imbombo impuni kuliko izi." 51 U Yesu, "Yitishiyitishi ingubhabhuzya mhayizilola imwanya zikugubuha, na kubhalola abhahabhizya wakuzubha na kwiha pamwanya pa Mwana wa Adamu."