1 Awinza alipo uMfalisayo we itawa lyakwe wu Nikodemu, weka wabhajumbe bhi baraza ilya Bhayahudi. 2 Umundu unu ahamubhalila Umwene uYesu uwusiku na kumubhuzya, "Kuti Rabi, tumanyile kuti we mmanyizyi kufuma kwa Mulungu, kwa maana umundu wangawezya kubhomba iishara izi zyondi Umulungu atalipeka nawo." 3 U Yesu ahajibu, "Yitishi, yitishi, umundu atangawezya kwinjila kushi na mwene sha Mulungu watapapiwe imara iya wubhili." 4 U Nikodemu ahati," Umundu angawezyabhilibhili kupapwa wabha mgosi? Atangawezya kwinjila mlwanda mwa nyina wakwe imara iya wubhili na kupapiwa, je angawezya?" 5 U Yesu ahajibu, "Mwitishe, mwitishe umundu atapapiwa kuminzi na ku Mpepu, ahangawezya kwinjila kushi na mwene sha Mulungu. 6 She shipapiwe kumubhili mubhili, na sheshipapiwe ku Mupepu mpepu. 7 Utaswigaje haa ile nakubhuzizye, 'lazima kupapwa imara iya wubhili.' 8 Imbepu yikuvugula popondi peyikubhala ni sauti yakwe mkuyivwa, ila mtakumanya kweyikufuma na kwajikubhala. Vweyili ihali ya wondi wapapiwe nu mpepu. 9 U Nikodemo ahajibu, kwa kuti, "Imbombo izi zikuwezehana wuliwuli?" 10 U Yesu ahajibu, "Iwe we mmanyizyi uwa ku Izilaeli, wala utagamanyile amambo iga? 11 Mwitishe, mwitishe, ingukubhuzya, hala heluhamanyile tukushishuhudila kuhala hetwahawenyi. Ilelo mtakuposhela uwushuda witu. 12 Ingaimbabhuzizye amambo iga pana pansi mtakwitisha, temwitishe anganabhabhuzya amambo aga kumwanya? 13 Ingalelo numo wazubhile pamwanya kufuma kumwanya yoliuwene wa mishile, Umwana wa Adamu. 14 Inza shile shu Mose ayibhusye injoha kujangwano, sheshinisho Umwana wa Adamu azuvwiwe, 15 ingakuli bhondi bhebhakumwitiha bhapate uwupuma uwa wila. 16 Kwa maana Umulungu awuganile uwulimwengu, ahamfumwa umwana wakwe wuwuyo inga kuti umundu wowondi wakwitha atahateje yoli abhe nuwupuma uwawila. 17 Kwa sababu Umulungu atamsondelezyizye umwana wakwe munsi, kuti awulonje uwulimwengu, yoli kuti uwulimwengu wugomboshe kwa wene. 18 Wakumwitiha Wene tahayilongwa. Uwene watakumwitiha tayali alongiwe kwa sababu atalyitishile itawa lya Mwana weka uwa Mulungu. 19 Ini yesababu iya wulogwi, iya kuti uluhozyo lwinzile uwulimwengu, ilelo abhanadamu wahagana ahisi kushila uluhozyo kwa sababu imbombo zyabho zyali mbimbi. 20 wowondi wakubhomba amabhibhi akuhalalila ulohozyo wala atakwinza kulohozyo inga imbombo zyakwe tatahabhishwe pawuzelu. 21 Ingalelo wakubhomba iyoli akwinza kuluhozyo inga imbombo zyakwe kuti zibhombeshile kuwutiniho lwa Mulungu. 22 Bada yigo, uYesu peka nabhaminyili bhabhalile mnsi iya ku Yudea. Ukwo bhabhombeye amasala peka nabho na ahozyaga. 23 Iwinza u Yohani wope ahozyaga kunukwo ku Ainea kupipi naku Salim maana kwali na minzi aminji pala. Abhandu wahabhalaga kukwakwe na kwoziwa, 24 kwe kuti uYohani atatagwilwe mwijela. 25 Awinza gahatokela amadalihano kati yabho manyili abha Yohani na Bhayahudi kuhusu isikuku izya kuyozya. 26 Bhahabhala kwa Yohani bhahamubhuzya, "Bhahati Rabi, umwene wewamile nawo kwisyila iya Lwizi uru Yorodani, uwene wushuhudiye imbombo zyakwe, yenya akwozya winza bhondi bhakubhala bhakumlandata." 27 U Yohani ahajibu umundu atangawezya kuposhela atandu hohondi yoli hapewilwe kufuma kumwanya. 28 Imwe munemwe mkushuhudila kutinalonjile kuti, 'ine tene Kilisti', badala yakwe nalonjile, 'kuti ansondelezyizye palongolela yakwe.' 29 Uwene wali nu bibi arusi wubwana arusi. Sasa umpatena wa bwana arusi, wakwimilila na kutejelezya kushahani kwa sababu yisauti iya mwene harusi. Ini lelo yeluseshelo lwani lweluyilanile. 30 Akwanziwa kuvonjela nineikwanziwa kupunguha. 31 Uwene wakufuma kumwanya, alikumwanya kugondi. Uwene wakufuma kumwanya alikumwanya kugondi. Uwene wewapansi akufuma pansi awinza akulonga amambo iga pansi. Uwene wakufuma kumwanya alipamwanya pa gondi. 32 Uwene akushuhudila gala gakugalola nakugivwa ilelo numawakuposhela uwushuda wakwe. 33 Uwene waposheleye uwushuda wakwe ahakikishizye kuti Umulungu. Wana lyoli. 34 Kwa sababu uwene wu Mulungu amusondelezizye akulonga amazwi ga Mulungu. Kukuti atakumpa Umpepu ishipimo. 35 Utata akumugana Umwana na akumpa ivindu vwondi munyobhe zyakwe. 36 Uwene wakumwitiha Umwana anuwupuma uwa wila, ilelo uwene watahumutiniha Umwana awulole uwupuma, ile umulaha wa Mulungu wukulemana pamwanya yakwe.