Umlyango uwa kumi na tisa

1 U Pilato ahamwega uYesu nukusyanda. 2 Bhala abhalizi bhahapilinga amivwa na kugombo iwuwa. Bhahayibhiha pamwanya yitwe lya Yesu nukunukwatizya umwenda wa rangi iya zambalau. 3 Bhahamwizila nukulonga, "Iwe mwene wa Bhayahudi! na winza kumuhoma kunyobhi zyabho. 4 Iwinza uPilato afumile kunzi nakubhabhuzya abhandu, "Yenya ingubhaletela umundu unu kukwinyu inga mumanya kuti ine indalolile ikosa lyolyondi mkasi yakwe." 5 Pe uYesu ahafuma kunzi; ali akwatile iwuwa ilya mivwa numwenda uwa zambalau. Pe uPilato ahabhabhuzya, "Yenyaji umundu unu ipa!" 6 Pe isho ahabhalilo ukuhani umupiti na bhapiti vwebhamulola uYesu, bhahahoma ishongo bhabhuzya, "Mweje mwemwe munemwe mhamusulubisye." Pekuti ine indukulo ikosa mkasi yakwe." 7 Abhayahudi bhahamjibu uPilato, "Intwe tuli nu bhulonji uwu yikwanziwa afwe kusababu uwene ayifanyile mwana wa Mulungu." 8 U Pilato vweayivwa amazwi iga ahongela kwogopa, 9 ahinjila Praitorio iwinza na kumubhuzya uYesu, "Iwe ukufuma kwoshi? Pu Yesu atahamjibu. 10 Pe uPilato ahamubhuzya, "Je, iwe utakulonga inine? Je, iwe utamanyile kuti ine indi nukwamula kukupinya nukwamula kukusulubisya?" 11 U Yesu ahajibu, "Hali utoli na maho kwonjela kugani inga bhatahakupanga kufuma kumwanya. Pe kuti, umundu weanifwizye kukwaho ali ni mbibhi imbiti." 12 Kufumilana ni jibu ili, uPilato ahazaga kumuleha msatushe ilelo Abhayahudi bhahahoma ishongo bhahatonga, "Inga wamuleha msatushe pe iwe nte we manyani wa Bhalizi: Kuwondi wakuyibhiho wumweni akulonga ishisalo sha bhalizi." 13 U Pilato vwe ayivwa amazwi iga, ahamuleta uYesu kuzi iwinza ahihala pitengo ilya bhulonji pala pepakumanyihana ngati sakafu, ilelo ku Shiebrania, Gabatha. 14 Isiku ilya maandalizi iga pasaka vweyafiha, panapo muda wa saa iya saa sita. U Pilato ahabhabhuzya Abhayahudi, "Yenyaji umwene winyu unu ipa!" 15 Bhahahoma ishongo, "Mwefwe, mwefwe, msulubisye!" uPilato ahabhabhuzya, "Je, imusulubisye umwene winyu?" Iwope ukuhani umupiti ahajibu, "Intwe tutali nu mwene yoli uKaisari." 16 Pe uPilato ahamwefwa uYesu kukwabho inga asulubiswe. 17 Ibhope bhahamwega uYesu, iwope ahafuma, vwe apimbile ishihobhehanyo shakwe wuyo mpaka kwieneo lyelikwitwa lifupa lyitwe, ku Shiebulania bhakuti ku Goligotha. 18 Pe bhahamusulubisya uYesu, peka nawo abhasahala bhabhili, weka ubhupande ubhu nu wa mwabho ubhupande ubhu, nu Yesu pakasi yabho. 19 Iwinza uPilato ahandiha ishimanyiho na kushibhiha pamwanya ya shihobhehanyo. Ipo pasimbilwe: U YESU MNAZARETI, WUMWENE WA BHAYAHUDI. 20 Abhinji bha Bhayahudi bhahasoma ialama iyo kwani pala peasulubilwe uYesu pali karibu nu muji. Ishimanyiho isho shihasimbwa ku Shieburania, kwo Kirumi na ku Shiyunani. 21 Pe abhasongo abha makuhani abha Bhayahudi bhahamubhuzya uPilato, "Utahasimbe wumwene wa Bhayahudi; yoli uwene alonjile ine ne mwene uwa Bhayahudi." 22 Iwope uPilato ahabhajibu, "Geisimbile vwe isimbile." 23 Baada ya bhalizi kumusulubisya uYesu, bhahega amenda gakwe na kugagabha kuvimbeja vini kila mulizi ishi mbeja sheka, shinisho ni golole, Pe lila igolole litasonilwe yoli bhayifumile yondi kufuma kumwanya. 24 Pe bhahabhuzilizanya bhubho kwa bhubho, "Tulibazule, yoli tuhome ikura inga kulolo ntiyibhe ya nanu." Ili lyafumiye inga lilo isimbwe lifishile, lila lyekulonga bhagabhinye amenda gani numwenda wani bhahawuhomela ikura." 25 Abhalizi bhabhombile iga. Unyina wa Yesu, nu dada wa nyina wakwe, Mariamu umushi wa Kleopa nu Maliamu Magdalena - ahandanda bhali bhimiliye papipi nishihobhehanyo sha Yesu. 26 U Yesu vweamulolo unyina wakwe peka na wula umumanyili weamuganile bhimiliye papipi, ahamuwuzya unyina wakwe, "Mwandanda, yinya umwana waho unu ipa!" 27 Iwinza ahamuwuzya wula umumanyili, "Yenya, unu ipa unyina waho. "Kufuma isaa yila wula umumanyili ahamwego kubhala kuhaya kukwakwe. 28 Baada yilyo, Vwu Yesu amanya kubha gondi gasi ila inga kutimizya gegasimbilwe, ahalonga, "Ingulola kwumilwa." 29 Ishombo sheshizuye siki bhashibhishile pale, pe bhahabhiha sifongo yeyizuye isiki pamwanya ya ufito wa hisopo, bhahamubhishila mwitimu lyakwe. 30 Iwope uYesu vwe ayibhonja iyo, ahalonga, "Yisila." Iwinza ahinamisya intwe lyakwe, ahawutwala umupepu wakwe. 31 Pe kwali habhalilo hasimbizyi, peku sababu amabhili gatahaziwaga kusyala pamwanya ya vihobhehanyo kuhabhalilo ha Sabato (pekuti isabato lyali lisiku ilya muhimu), abhayahudi bhahamulabha uPilato kubha utunama twabho bhala bhebhasulubiwe tuvuzwe, na kuti imibhili yabho yishe. 32 Pe abhalizi bhahiza bhahiza nu kuvunza utna utwa mundu wa kwanda nuu wabhubhili weasulubiwe peka nu Yesu. 33 Vwebhamufishila uYesu, bhahaga tayali afuye, pe bhatamuvunza utunama twakwe. 34 Kulilyo, weka wabhalizi ahamulasa uYesu mumbazu ni mbalala, gahafuma amizoi ni bhanda. 35 Iwope wealolile ili afumwizye ubhushuhuda, nu bhushuhuda wakwe wi yoli. Uwene amanyile kuti shealonjile shayoli inga nimwe iwulo mwitishe. 36 Amambo iga gali inga lila izwi lyelyalonjilwe lipate kufiha, "Nawumo hata uwakwe weka wewulivuzwa." 37 Iwinza isimbizyo ilya mwabho likuti, "Bhamwenya wuyo webhamulasile" 38 Badala ya mambo iga uYusufu uwa Arimataya, pe ali mumanyizyi wa Yesu, ilelo kuhisikwakubhogopa Abhayahudi, ahamulabha uPilato kuti aweje umubhili wa Yesu. Iwo pe uPilato ahamuluhusa. Pa uYusufu ahiza kuwefwa umubhili wa Yesu. 39 Iwope uNicodemu we ipo pawandili ahamufwataga uYesu ubhusiku iwope ahiza. Uwene aletile umusanganyo u mane,mane na udiyafishile ubhumwamilo uwa ratili ishumi lyeka. 40 Pe bhahawega umubhili wa Yesu bhawupinya musanda ya kitani peka na gala amanukato, inza vwe yali idestuli ya bhayahudi ahabhalilo hakusyila. 41 Pala pu Yesu asulubiwe kwali ni bositani; mkasi muyila ibositani kwali ni lyina ipwa lye bhatamusyilile umundundu nawumo. 42 Basi, pe kuti lyali lisiku lya maandalio ku Bhayahudi, na kushila lila ikabuli lyali papipi, basi bhamugony'a mkasi yakwe.