1 Yazila isiku ilya kuwandi lya juma, vwe kuli ahisi, Mariamu Magdalena ayizile kwikaburi; ahalilola lila iwe lyefilwe kwikaburi. 2 Pe ahashimbila lubhilo kubhala kwa Simoni uPeteli na kwa wula umwanafunzi uwa mwabhowe uYesu amuganile, peahamuwuzya, "bhamwejile Utata mwikabuli, initwe tutamanyile kwebhamugoneshi." 3 Pe uPeteli numumanyili uwa mwabho bhahafukubhala kwikabuli. 4 Bhondi bhashimbiye kwa peka; wula umumanyili uwa mwabho ashimbiye kwa kwonjera ihani kumushila uPeteli na ahabha wawandilo kufiha kwi kabuli. 5 Ahimilila na winza kwenya mwikaburi; ahayilola yila isanda iya kitani yigonile, ilelo atinjiye mkasi. 6 Iwinza Simoni uPeteli ahafiha ahinjila mkasi mwikabuli. Ahayilola yila isanda iya kitani yigonile pala 7 nayila ileso yeyali pitwe pakwe yitagonile peka na zila isanda izya kitani yoli yagonile pa lubhazu inzipo. 8 Pe wula umumanyili uwa mwabho iwope vwa yinjila mkasi mwikabuli ahalola nukwitiha. 9 Pe kuti hadi ahabhalilo iho bhali bhashili kugamanya gegasimbililwe kuti yihaziwaga uYesu azyushe iwinza kwa kubhafye. 10 Iwinza abhamanyili bhahabhala iwinza kuhaya kukwabho. 11 Pe isho, uMariamu ayimiliye pikaburi nukulila, vwe akwendelela kulila ahimilila iwinza ahenya mwikaburi. 12 Ahalola abhahabhizya bhabhili abhasura izelu bhihayaye weka kitwe nu wamwabho kutunama pala pu Yesu agonile. 13 Ibhope bhahamuwuzya, "Umwandanda, shoni ukulila?" Iwope , "Kusababu bhamwejile Utaat wani, inani indamanyile kwebhamubhishile." 14 Vwe alonga igo, agaluhanile na kumulolo uYesu vweayimiliye. Ilelo antahiza amanya kuti uyo ali wu Yesu. 15 Iwope uYesu ahamuwuza, 'Mamo, shoni ukulila? Ukumwanza unanu?" Iwope uku akuti jibha mtunza bositani ahamuwuzya, "Aise inga wewe umwejile, mbuzye kwumubhishile, inine indimweje." 16 U Yesu ahamuwuza, "U Mariamu." Iwope ahagaluhana wuyo nakumubhuzya kwa Kiaramu, "Raboni," ini kwekuti, "Mwalimu." 17 U Yesu ahamuwuzya, "Utahambalamasye kwani ishili kubuluha kubhala kwa tata; wani we iwinza ghutata Umulungu wani nu Mulungu winyu." 18 U Mariamu Magidalena ahinza kubhabhuzya abhamanyili, "Na mulolo Utata," nakuti amubhuzizye amambo iga. 19 Na weyafiha kyabhela, isiku iyo, isiku iyakuwandilo iya juma ni nyingi vwe zyigaliwe pala pe abhamanyili bhali kwakubhogopa Abhayahudi, uYesu ahinza nukwimilila pakasi yabho na kubhahuzya, "Ulutengano lubhe kukwinyu." 20 Wealonga alongo iga ahabhalolesya inyobhe zyakwe na imbazu yakwe. Ibhope abhamanyili vwebhamulolo Utata bhahisha. 21 Iwinza uYesu ahabhabhuzya habhili, "Ulutengano lubhe inimwe. Inza shila Utata vweasondelezizye ine, shinisho inine ingubhasondelezya imwe." 22 U Yesu wealonga igo, ahabhapa ahabhabhuzya, Poshelaji Umupepu Umufinjile. 23 Wowondi mumuhobhoshelaje imbibhi, bhahobhoshilwe; na bhala bheinga mwabhigalila bhaligalilwo." 24 U Tomaso, weka wa bhala kumi na bhabhili we bhamwitile Didimasi, atali na bhamanyili abhamwabho uYesu vweayinza. 25 Bhala abhamanyili abhamwabho bhahumubhuzya shamandi, "Tumulolile Utata." Iwope ahabhabhuzya, "Inga nteindole ivilolesyo ivwa misumali munyobhe zyakwe, nukubhiha isambo zyani muvilolesyo umwo, na iwinza kubhiho inyobhe yani kumbaza yakwe nteninitishe." 26 Baada yisiku nane abhamanyili bhali kukasi iwinza, iwope uTomaso alipeka nabho. Ahabhalilo vweamalyango gigaliwa uYesu ayimiliye pakasi yabho. na ahati, "Ulwitiho lubhe inimwe." 27 Iwinza ahamuwuzya uTomaso, lete isamba yaho na ulole inyobhe zyani; lete ipo inyobhe inzaho na ubhishe kumbazu yani; utahabhe inzoweatakwitiha yoli weakwitiha." 28 Iwope uTomaso ahajibu n akumuwuzya, "Tata wani nu Mulungu wani." 29 U Yesu ahamuwuzy, Pekuti wandola, witiha. Bhasayiwe abhene bhebhakwitiha, nakuti bhalole." 30 Iwinza uYesu ahabhomba iishara inyinji mwilongolela lya bhamanyili, zyezitasimbilwe nalumo mushitabu ishi; 31 yoli inzi zisimbilwe ingakuti muwezye kwitiha kuti uYesu we wu Kilisiti, umwana wa Mulungu, nakuti vwe mukwitiha mubhe nu wumi kwizwi lyakwe.