1 Badala ya Yesu kulonga amazwi iga, ahasogola na bhamanyili bhakwe kwelekela kwibonde ilya Kidron, kwe kwali ni bustani, kwe uwene na bhamanyili bhakwe bhahinjila mkasi yakwe. 2 Pe wula uYuda, weahazaga kumuleha, iwope amanyili ieneo ilyo, kwani Uyesu ahabhalaga ili ieneo mara inyinji ahabhanga na bhamanyili bhakwe. 3 Iwope uYuda, baada ya kubha alyada ikundi ilya bhalizi na maofisa kufuma kubhasongo abhapiti, bhahiza vwebhali ni vihozyo, kulunzi ni silaha. 4 Iwope uYesu, vweamanya kilashindu sheshihabhombehaga kuwuyo, ahayilolesya mwilongolela na ahabhabhuzizlizya, "Wunanu wemu kwanza?" 5 Ibhope bhahamjibu, "U Yesu Umunazaleti." U Yesu ahabhabhuzya, "Ine nene" Iwope uYuda weamuleshile, ayimiliye peka na bhala abhalizi. 6 Peahabhahuzya, "Ine nenene" bhahagaluha shingunga nukulenda pasi. 7 Habhili ahabhahuzilizya iwinza, "Wu nanu we mukumwanza? Ibhope bhahajibu iwinza "uYesu umunazaleti." 8 U Yesu ahabhajibu, "Imbabhuzizye kuti nene; peinga mkunaza ine, bhaleshe ibho abhamwabho bhasogole." 9 Iga gali insho inga lila inzwi lifishe; pala pealonjile; "Kubhala bhawambiye, indahatezya na wumo." 10 Pe uSimoni uPeteli, weali nu mupanga, ahawufuta nu kumudiba ikutwi lya kubhulilo umubhombi uwa Kuhani umupiti. Ni tawa lyakwe umubhombi wula ali wu Malko. 11 U Yesu ahamuwuzya uPeteli, "Galusya umupango waho mwewukusenguliwa. Shoni indahashi mwelele ishikombe shila sheambiye Utata?" 12 P e lila ikundi ilya bhalizi n ajemedali na bhabhombi abha Bhayahudi, bhahmlema uYesu nakumupinya. 13 Ibhope bhahamlongozya mpaka kwa Anasi, kwani uwene ali mkolimwa wa Kayafa, wula weali wuKuhani umupiti kumwaha uwo. 14 Ilelo uKayafa weabhapiye ubhushauli Abhayahudi kuti yihaziwaga umundu weka afwe kwaji ya bhandu. 15 Simoni Peteli ahamufwata uYesu, shinisho nu mumanyili uwamwabho. Na wula umumanyili we ahamanyi haga kwa kuhani umupiti, iwope ahinjila peka nu Yesu kwibehewa ilya Kuhani umupiti; 16 ilelo uPeteli aliayimiliye kuzi ya mlyango. Pe wula umumanyili weahamanyihaga kwa kuhani umupiti, ahafuma pazi ahabhala kulonga na wula umwandanda umubhombi weahalindaga umulyango na kumwinjizya uPeteli mukasi. 17 Ilelo wula umwandanda weahalindaga umulyango, ahamubhuzya uPeteli, "Je iwe nte weka wabhebha kumufwata umundu unu?" Naye akasema, "Mimi siye." 18 Na bhala abhabhombi na bhapiti bhahimililaga pala; bhapemba umwoto uwa maana, kwali ni mbepu nisho bhali bhahotiga umwoto inga kubha na mafuku. Iwope uPeteli ali nabho, ahotaga umwoti vweayimiliye. 19 Ukuhani umupiti ahamubhuzilizya uYesu pamwanya ya bhamanyili bhokwe ni manyizya yakwe. 20 U Yesu ahajibu, "Injibhuzizye waziwazi insi; Ine ihamanyizya mala kwa mala kuma sinagogi na mu na hekalu pala pe abhayahudi bhakubhungana. Inine indalonjile lyolyondi kwa kuhisi. 21 Shoni pemukumbuzilizya? Bhabhuzilizyaji bhabhahandejelevwa pamwanya ya shila she nalonjile. Ibha abhandu bhamanyile gala gonalonjile. 22 U Yesu vwe alonga igo, weka wabhasongo weayiliye ahamhoma uYesu kunyobha yakwe habhili ahalonga, "Je, sheyikwaziwa kumujibu ukuhani umupiti?" 23 Iwope uYesu ahajibu, "Inga nalonga lyolyondi ibhibhi pe ubhe weshahidi kwaji ya bhubhibhi, na inga na mujibu ihinza honi mkuhoma? 24 Pe u Anasi ahamuposhela uYesu kwa Kayafa ukuhani umupiti vwe apinyilwe. 25 Ilelo uSimoni uPeteli aliayimiliye akuyiposha afuku wuyo. Na bhala abhandu bhahamuwuzya. " Je, iwe iwulo nte we weka wabhamanyili bhakwe?" Ahahana ahalonga "Ine hala." 26 Weka wabhabhombi abhakuhani umupiti, weali nuholo wa wala umusahala we uPeteli amubholile ikutwi, ahalonga, "Je nte wunewe nakulolile nawo kula kubositani?" 27 U Peteli ahahana iwima, na mara Ihanda yihaholela. 28 Pe bhahamwega uYesu kufuma kwa Kayafa mpaka ku Praitorio. Yali shandabhi na mapema. Bhubho bhatinjiye myila Praitorio inga bhatahananjishe na kuyilya ipasaka. 29 Pe uPilato ahabhabhalila ahalonga. "Lisitaka lyoni lyelikumuhusu umundi unu?" 30 Bhahamujibu na kumuzya, "Inga umundu unu atamile mubhomba mbibhi hali tutamuletile kukwaho." 31 Pilato ahabhabhuzya, "Mweje mwemwe munemwe, mhamulonje kubhalilana nu bhulonji winyu." Ibho Abhayahudi bhahamuwuzya, "Ubhulonji bhukutuluhusa intwe kumugoga umundu wowondi." 32 Bhalonjile iga inga izwi lya Yesu litimilishe, izwi lye apele alonjile pamwanya ya aina bhufwe wakwe. 33 Pe uPilato ahinjila iwinza Praitorio ahamubhili la uYesu; ahamuwuzya, "Je, iwe we mwene wa Bhayahudi?" 34 U Yesu ahajibu, "Je, iwe wambuzilizya iswala ila kusababu ukwanza kumanya au kusababu abha mwabho bhakusondile inga umbuzilizye ine?" 35 Iwope uPilato ahajibu, "Ine nte ne Muyahudi, au ntisho?" Insi yaho nu kuhani umupiti bhebhe bhakuletile ku kwani; iwe uhozizyeshi? 36 U Yesu ahajibu; "Ubhumwene wani nte wa munsi huu, inga ubhumwene wani wabhanga ni sehemu mwa munsi ini abhasondelezya bhani hali bhahomaniye inga indahefwe ku bhayahudi. Kuyoli ubhumwene wani bhutakufuma ipa iwulo 37 U Pilato ahamubhuzya, "Je, iwe ifwandi we mweni?" Yesu ahajibu, "iwe shukulonga kuti ine ne mwene, kusababu ini ine napapilwe na kusababu ini ine nizile munsi inga imbe ne muteteli wa yila yoli. Wowonde weali ni yoli iyo akutejelevwa izyi lyani. 38 U Pilato ahamuwuzya, "Iyoli hohoni?" Iwope vwe alonga iga ahabhala ku Bhayahudi nakubhabhuzya "Indakulola lyolyo kwa mundu unu. 39 Imwe muli na miho gegakubhomba imwigulile umupinywe weka wakati wa Pasaka. Je mkwanza imwiguli umwene wa Bhayahudi. 40 Pe bhahahoma ishongo bhalonga, nte uyo, tufungulile uBaraba." Iwope uBaraba ali mufwuli.