Isura iya kumi na nne

1 Utaharuhusu umwoyo waho kubha mmahangaiko. Ukumwitiha Umulungu unitishinine bhulo. 2 Munyumba ya Tata wani kulina makazi aminji agakwihala; inge yitali shinisho hani nabhabhuzizye, isi ingubhala kukwandalila kula kwajili yaho. 3 Inge na bhala na kubhandalila kula, ihayinza winza kubhakalibisha ku kwani, ingepala pindi namwe mubhanje. 4 7 Mulimanyili indala kula kwingubhala." 5 U Tomaso ahamubhuzya uYesu, "Mwene, tutamanyile kula kwukubhala; Je! Tungalimanya bhuli idala? 6 U Yesu ahamubhuzya, " Ine nene lidala, yoli, nu wupuma; numo wangewezya kwinza kwa Tata yoli kushilila kukwani. Inga mwaamanyile ine, hani mwamumanyile nu Tata wani bhulo; kwandisalizi na kwendelela mumumanyile na mumulolile awene." 8 U Philipo ahamubhuzya uYesu, "Mwene, tulanje Utata, nisho yitibhe yatuyilana." 9 U Yesu ahamubhuzya, "Indabha nimwe umuda umutali nishi utamanyile ine, Philipo? Uwene wandolile ine amulolile Utata; Honi wukuti, 'Tulanje Utata'? 10 Mutakwitiha kuti ine indi mkasi ya Tata, nu Tata ali mukasi yani? Amazwi gingulonga kukwinyu indakulonga kwikusudi lyani nu nene; yoli, wu Tata wakwihala mkasi yani akubhomba imbombo yakwe. 11 Nitishe, ine kuti indimkasi ya Tata, nu Tata alimukasi yani; sheshisho nitishe ine kunongwa iya imbombo zyoni hani. 12 Yitishi, yitishi, ingubhabhuzya, uwene wakunitiha, ine imbombo zila zikuzibhomba, atizibhombe imbo izi wope; na atibhombe ni mbombo imbiti kunongwa yingubhala kwa Tata. 13 Hohondi ingeimwalabha kwitawa lyani, indibhombe inga kuti Utata apalwe kwa Mwana. 14 Inga mwalabha ahandu hohondi kwitawa lyani, ilyo indibhombe. 15 Inga mwangana, mtizilema iamri zyani. 16 Namutimulabhe Utata, Wope atibhape umwavwi uwa mwabho inga kuti abhe peka nimwe wila, 17 Umupepu wa yoli. Uwulimwengu wutangawezya kumuposhela wene kunongwa ye wutakumulola, pepo kumumwela wene. Sheshisho nimwe, mumanyile wene, kwani akwihala peka nimwe na atibhe mukasi yinyu. 18 Indalibhaleshe mubhene; Indiduje kukwinyu. 19 Kumudumunsi, uwulimwengu tewundole awinza, ilelo imwe mukundola. Kunongwa ingudila, namwe mutidile bhulo. 20 Kwi siku ilyo mtimanye kuti ine indi mukasi ya Tata, na kuti imwe muli mukasi yani, na kuti ine indi mukasi yinyu. 21 Wowondi wakuzilema iamri zyani na kuzibhomba, we weka wakungana ine; nula wakungana ine atiganwe nu Tata wani, indimugane na indiyilolesye ine nunene kukwakwe." 22 U Yuda (te uIskariote) ahamubhuzya uYesu, "Mwene, Je! Honi tihafumile kuti utujilolesye wunewe kukwitu nate kuwulimwengu? 23 U Yesu ahajibu ahabhabhuzya, "Inge wowondi wanganile, atilileme izwi lyani. Utata wani atimgane, na tutujinze kukwakwe na kubhomba uwihalo witu peka nawo. 24 Wowondi watanganile ine, atakulema amazwi gani. Izwi lyemukulyivwa telyani yoli lya Tata we ansondelezizye. 25 Nagalonga amambo iga ku kwinyu, ahabhalilo heishili ingwihala peka nimwe. 26 Sheshinisho, Umjinjizyo wu Mupepu Umufinjile, we Utata atimusondelezya kwitawa lyani, atibhamanyizye amambo gondi nakubhabhomba mukumbushe gondi genagalonjile kukwinyu. 27 Ulwihalo ingubhapa ulwihalo lyani imwe. Indakubhapa ini inza vweuwulimwengu wukufumwa. Mtahagabhombe amoyo ginyu kubhana uwelelo, nu woga. 28 Mulitejelezye shila shimbabhuzizye, 'Ingubhala izyani, indiduje kukwinyu.' Inge mwanganile ine, hani mwame uweshe kunongwa ingubhala kwa Tata, kuti Utata mpiti kuliko ine. 29 Ishi imbelile imbabhuzizye weyishili kufumila inga kuti, ahabhalilo ingeyafumila, muwezye kulitiha. 30 Indilonje nimwe amazwi aminji, kukuti umusongo uwinsi ini akwinza. Awene atalina maha kukwani, 31 ile inga kuti uwulimwengu wupate kumanya kuti imganile Utata, ingobhomba halahe Utata akudajizya ine, inza shila shambiye iamri. Bhushi, habhili tufume ipa.