Isura iya kumi na tatu

1 Ishi weyishili isikuku iyi pasaka, kunongwa ye uYesu amanyile kuti isala yakwe yafiha ye atifume munsi ini kubhala kwa tata, inga abhaganile abhandu bhakwe bhebha li mnsi, abhaganie ihani. 2 Nu ibilisi abhishilwe tayali mu mwoyo wa Yuda Iskariote, umwana wa simoni, kumugalulila uYesu. 3 U Yesu amanyile kuti utata abhishile ivindu vwondi munyobhe zyakwe na kuti afumile kwa Mulungu na ahabhalaga awinza kwa Mulungu. 4 Ahabhuha pashakulya na ahatenga pasi iva lyakwe la kunzi. Ahega itabhulo ahayipinya wuyo. 5 Pe ahaponya aminzi mumbakuli na ahanda kubhozya ivinama abhinyili bhakwe na kubhusyumula nitabhulo lyeayipinyile wuyo. 6 Ahinza kwa Simoni Peteri, nu Peteri ahamubhuzya, "Mwene, ukwanza kunozya ivinama uwani?" 7 U Yesu ahajibu nakuhamubhuzya, "Likulibhomba utalimanyile ishi, ile utiyelewe sha mandi." 8 U Petro utalinozye iviwana vwani nalumo. "U Yesu ahajibu, "Inga indakwozya, tubhe bi sehemu pekanine." 9 U Simoni Peteri ahamubhuya, "Mwene, utahanozye ivinama vyani bhulo, yoli peka ni nyobhe nitwe lyani." 10 U Yesu ahamubhuzya, "Wowondi wapelile agezile atakwanziwa kugeza yoli winoma vwakwena abhamzeru umubhili wakwe wondi; imwe mwebhinza, ilelo te mwendi." 11 Pe kubha uYesu amanyile ula watimgaluhane; ine yenongwa atili, te mwendi mwebhinza." 12 Ahabhalilo uYesu wabhozya ivinama vwabho na wakwega ivazi lyakwe ahihala winza, ahabhabhuzya, "Je Mukumanya hala himbabhombeye? 13 Mukumbilishila ine "Mumanyizyi" na Mwene ini mukulonga yoli, maana shindishinisho. 14 Inga ine ne Mwene ne mmanyizyi, imbozizye ivinama vwinyu, namwe yikubhanza kubhozya abha mwinyu. 15 Kwe kuti imbapiye ishiholanya inga kuti nimwe bhulo mubhombe izine shenabhomba kukwinyu. 16 Yitishi, Yitishi, ingubhabhuzya, umusondelezye te msongo kuliko umwene wakwe; pope ula webhamusondelezizye musongo kuliko ula wamusondelezizye. 17 Inga umanyile amambo iga usayilwe ingewagabhomba. 18 Indakulonga kuhusu imwe mwendi, kubha ambamanyile bhala bhimbachanguye - yoli ingulonga inga kuti insimbo ziwezye kubhombelwa: 'Awene wakulya umukate wani ambusizizye ishisogamo shakwe.' 19 Ningubhabhuzya ili ishi welishili kufumila inga kuti welyafumila, muwezye kwitiha kuti ine WUYO. 20 "Yitishi, yitishi, ingubhabhuzya, wakumboshela ine akumposhela weingumusondelezya, nula wakumboshela ine akumposhela wasondelezizye ine." 21 Ahabhalilo uYesu alonga iga, ayimbile mumwoyo, ahashudila na kuti, "Yitishi, yitishi, ingubhabhuzya kuti we kawinyu atihane." 22 Abhamanyili bhakwe bhahenyanya, bhahaswiga kwajili ya nanu alonga. 23 Pehati paliimeza, weka wabhanyili bhakwe ayegamiye pashifubha pa Yesu ula wu Yesu amuganile. 24 U Simoni Peteli ahamubhuzilizya umumanyili unu ahati, "Tubhuzye wunanu wekukwakwe akulonjela." 25 Umumanyili wa wamegamiye pashifubha pa Yesu ahamubhuzya, "Mwene, wu nani?" 26 "U Yesu ahajibu, "Kukwake ula windisanzile ishipande isha nkati na kumupa." Isho wasanzila umukati ahamupa uUYuda umwana wa Simoni Iskariote. 27 Weamupa umukati, uSetani ahamwinjila, pe uYesu ahati, "Shala hukwanza kuhabhomba uhabhombe lubhilo." 28 Ishi numo umundu pameza wehamanya inongwa ye uYesu alonga ijambo ili kukwakwe. 29 Bhamu munumwo bhahasibha kuti, kunongwa ye uYuda alemile umukufu uwihela, uYesu ahamubhuzya, "Ukale ivindu vwetukuvwanza pasikukuu," awekuti akwanziwa kufumwa ahandu kubhapina. 30 We uYuda aposhela umukati, akafuma kunzi lubhilo, na kwali wusiku. 31 Ahabhalilo wu Yuda afuma, uYesu ahati, "Ishi umwana wa Adamu apalwa, nu Mulungu apalwa kwa wene. 32 Umulungu atimupale kwa wene wuyo, atimpale lubhilo. 33 Mubhana mubhansi, indipeka nimwe umuda umunsi. Mtinanze, inza vwenabhabhuzizye Abhayahudi, 'Kwingubhala, mtawezya kwinza.' ishi ingubhabhuzya imwe, bhulo. 34 Ingubhapa iamri imbwa, kuti muganane; inza ine vwimbaganile imwe, sheshinisho nimwe bhula yikubhanza kuti muganane munemwe kwa munemwe. 35 Kwajili yili abhandu bhatitambule kuti imwe mwe bhamanyili bhani, mulinulugano kwa kila weka nu wamwabho." 36 U Simoni Peteli ahamubhuzya, "Mwene, ukubhala kwi?" U Yesu ahajibu, "Pingubhala kushi utagawezya kundandata, ile utindandate shamandi." 37 U Peteli ahamubhuzya, "Mwene, honi shindakulandate shinishi? Ine indigafumwe amaisha gani kwajili yaho." 38 U Yesu ahajibu, "Je utigafumwe amaisha gaho kwajili yani? Yitiha, yitiha ingukubhuzya, ihanda teyibhilishile shushili kuhana mara tatu."